Astara rayonunun Maşxan kəndinin bir qrup sakini DİN rəhbərliyinə ünvanladıqları təşəkkür məktubunda narkotiklərin qanunsuz dövriyyəsinə qarşı aparılan qətiyyətli mübarizəyə və narkomaniya əleyhinə keçirilən maarifləndirici görüşlərə görə Rayon Polis Şöbəsinin rəhbərliyinə minnətdarlıqlarını ifadə edirlər.

Astara rayon sakini Vüsalə Rzayeva DİN rəhbərliyinə ünvanladığı məktubda etdiyi müraciətə tez bir zamanda və operativ baxılmasına görə təşəkkürünü bildirir.

Quba rayon sakini Zülfüqar Hüseynov DİN rəhbərliyinə ünvanladığı minnətdarlıq məktubunda yazdığı şikayət ərizəsinə operativ baxılmasına və ona dəymiş ziyanın ödətdirilməsinə görə polis əməkdaşlarına təşəkkür edir.

Bakı şəhər sakini Eynal Zeynalov DİN rəhbərliyinə ünvanladığı məktubunda avtomobilində olunan oğurluq hadisəsilə bağlı etdiyi müraciətə operativ baxılmasına və ona göstərilən diqqətə görə Bakı Şəhər Baş Polis İdarəsinin rəhbərliyinə və əməkdaşlarına təşəkkürünü bildirir.

Quba rayon sakini Rauf Muradov DİN-ə ünvanladığı təşəkkür məktubunda etdiyi müraciətə operativ baxılmasına və ona dəymiş ziyanın ödətdirilməsində göstərilən köməkliyə görə Quba RPŞ-nin əməkdaşlarına minnətdarlığını bildirir.

Şəki şəhər sakini Qoşqar Mustafayev DİN rəhbərliyinə ünvanladığı təşəkkür məktubunda təhsil müəssisələrinin qarşısında azyaşlıların təhlükəsizliyinin təmin edilməsinə görə ŞRPŞ-nin əməkdaşlarına öz minnətdarlığını bildirir.

Mingəçevir şəhər sakini Eldəniz Quluyev təşəkkür məktubunda etdiyi müraciətə Nəsimi RPİ-nin əməkdaşları tərəfindən operativ reaksiya verilərək həll olunmasında göstərilən köməkliyə görə DİN rəhbərliyinə öz minnətdarlığını bildirir.

İsmayıllı rayon sakini Zərifə Qəndiyeva DİN rəhbərliyinə ünvanladığı təşəkkür məktubunda yazır: “Ruhi xəstə olan qardaşım evdən çıxıb gedərək itkin düşmüşdü. Polisə müraciət etdim. Çox sağ olsunlar. Tez bir zamanda qardaşımın yerini müəyyənləşdirib bizə məlumat verdilər. Onun tapılmasında göstərdikləri köməyə görə İsmayıllı Rayon Polis Şöbəsinin əməkdaşlarına minnətdarlığımızı bildiririk. Azərbaycan Polisi ilə qürur duyuruq”.

Bakı şəhər sakini Ülkər Abılova müraciətinə tez bir zamanda baxılaraq probleminin müsbət həllini tapmasında göstərdikləri köməyə görə Binəqədi Rayon Polis İdarəsinin əməkdaşlarına minnətdarlığını bildirir. O, vətəndaşlara göstərilən diqqət və qayğının polis-vətəndaş münasibətlərinin günü-gündən daha da yaxşılaşmasına zəmin yaratdığını qeyd edir.