Goranboy rayonunun Qaraçinar kəndində yaşayan, Laçın rayonundan olan məcburi köçkün Əliağa Əsədov DİN rəhbərliyinə ünvanladığı təşəkkür məktubunda bildirir: “Ötən ilin noyabrında mənə məxsus 8 baş iri buynuzlu heyvan yolunu azaraq döyüş bölgəsinə keçdiyinə görə Xocalı Rayon Polis Şöbəsinə müraciət etmişdim. Müraciətimə qısa zamanda baxıldı və heyvanlar təmas xəttindən çıxarılaraq mənə qaytarıldı. Odur ki, müsbət və təmannasız xidmətlərinə görə DİN rəhbərliyinə və sözü gedən şöbənin əməkdaşlarına təşəkkür edirəm”.

Goranboy rayon sakini Alim İbrahimov rayon ərazisində cinayətkarlığa qarşı aparılan qətiyyətli mübarizəyə, yaradılmış sabitliyə, əmin-amanlığa, eləcə də vəzifə borclarının öhdəsindən layiqincə gəldiklərinə görə DİN rəhbərliyinə və Rayon Polis Şöbəsinin əməkdaşlarına minnətdarlığını bildirir.

Bakı şəhər sakini Ülviyyə Əliyeva evində baş vermiş oğurluq hadisəsi ilə bağlı DİN rəhbərliyinə ünvanladığı təşəkkür məktubunda etdiyi müraciətə operativ baxılmasına və ona dəymiş ziyanın ödətdirilməsinə görə Bİnəqədi Rayon Polis İdarəsinin əməkdaşlarına minnətdarlıq edir.

Bakı şəhər sakini Xəyalə Ağayeva DİN-ə ünvanladığı minnətdarlıq məktubunda ona qarşı törədilmiş cinayətlə əlaqədar etdiyi şikayətə tez bir zamanda baxılmasına və cinayətkarın məsuliyyətə cəlb olunmasına görə Azərbaycan Polisinə təşəkkürünü bildirir.

Bakı şəhər sakini Afiq Allahverdiyev DİN-ə ünvanladığı təşəkkür məktubunda Binəqədi RPİ-yə etdiyi müraciətə operativ baxılmasına və ona dəymiş ziyanın ödətdirilməsinə görə minnətdarlıq edir.

Bakı şəhər sakini Qabil Piriyev veteran vəsiqəsinin ona verilməsi ilə əlaqədar etdiyi müraciətə müsbət cavab verildiyinə görə DİN rəhbərliyinə minnətdarlığını bildirir.

Bakı şəhər sakini İlqar İsmayılov üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə DİN rəhbərliyinə təşəkkürünü ifadə edir.

Bakı şəhər sakini Şahin Hümbətov “Polisazərbaycan” İnstagram səhifəsi vasitəsi ilə etdiyi müraciətdən sonra ona dəymiş maddi ziyanın tam ödətdirildiyinə görə DİN rəhbərliyinə təşəkkürünü bildirir, əməyi olan hər kəsə çox sağol deyir.

Cəbrayıl rayon sakini İradə Əliyeva “102” Zəng Xidmətinə etdiyi müraciətinə aidiyyəti üzrə Şəxsi Heyətlə İş İdarəsində operativ və obyektiv baxıldığına görə İdarənin rəhbərliyinə və əməkdaşlarına təşəkkürünü bildirir.