Zərdab rayonunun Alıcanlı kənd sakini Laçın Əsədov bank hesabından oğurluq faktı ilə bağlı Daxili İşlər Nazirliyinə müraciət etdiyini bildirir. O, müraciətinə operativ baxıldığını, Zərdab Rayon Polis Şöbəsi tərəfindən qısa müddətdə araşdırma aparılaraq müvafiq tədbirlərin görüldüyünü və müraciətinin müsbət həll olunduğunu qeyd edir.

L.Əsədov müraciətinə həssas yanaşıldığına və həyata keçirilən operativ tədbirlərə görə özü və ailəsi adından DİN rəhbərliyinə və Zərdab RPŞ-nin əməkdaşlarına təşəkkürünü bildirir.

Vətəndaşlar - Zübeyir İdrisov, İbrahim Məmmədzadə, İsmixan Adıgözəlov, Rauf Əliyev və Əbülfət Babayev DİN rəhbərliyinə ünvanladıqları təşəkkür məktublarında etdikləri müraciətin obyektiv araşdırılaraq cinayət əməlini törətmiş şəxsin məsuliyyətə cəlb edilməsinə və onlara dəymiş maddi ziyanın ödənilməsinə görə Mingəçevir Şəhər Polis Şöbəsinin əməkdaşlarına minnətdarlıqlarını bildirirlər.

Balakən rayon sakini Xacay Cirinqova DİN rəhbərliyinə ünvanladığı təşəkkür məktubunda etdiyi müraciətə operativ reaksiya verilərək həll olunmasına və ona dəymiş maddi ziyanın ödənilməsinə görə Rayon Polis Şöbəsinin əməkdaşlarına minnətdarlığını bildirir.

Sumqayıt şəhər sakini Alidə Məhərrəmova üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.

“Facebook” sosial şəbəkəsindəki “Bizim Şirvan” adlı səhifənin admini səhifə vasitəsilə Şirvan şəhərində narkotik vasitələrin qanunsuz dövriyyəsinə qarşı keçirilən uğurlu əməliyyat tədbiri ilə əlaqədar minnətdarlığını bildirir.

Bakı şəhər sakini Cəfər İsmayılov DİN rəhbərliyinə ünvanladığı təşəkkür məktubunda etdiyi müraciətin müsbət həllini tapmasına görə minnətdarlığını bildirir.

DİN-in Feysbuk səhifəsinin izləyicisi, Sabirabad rayon sakini Zəka Mehdiyev səhifə vasitəsilə etdiyi müraciətə obyektiv baxıldığı və müsbət istiqamətdə həll edildiyi üçün minnətdarlığını bildirir.

Bakı şəhər sakini Vəfa Fərəcova DİN-in “İnstagram” səhifəsinə yazdığı mesajda mobil telefonunun itirilməsi ilə bağlı müraciətinin müsbət həll edildiyi və telefonunun tapılıb təhvil verildiyi üçün DİN rəhbərliyinə və Binəqədi RPİ-nin şəxsi heyətinə minnətdarlıq edir.

“Facebook” səhifəmizin izləyicisi, Abşeron rayon sakini Samir Güləliyev səhifə vasitəsilə etdiyi müraciətə dərhal reaksiya verildiyinə və operativ qaydada baxılaraq müsbət istiqamətdə həll edildiyinə görə DİN rəhbərliyinə və Bakı Şəhər Baş Polis İdarəsinin əməkdaşlarına təşəkkür edir.