Biləsuvar rayonunun Ağalıkənd kənd sakini Nurlan Şəmiyev DİN rəhbərliyinə ünvanladığı təşəkkür məktubunda müraciətinin obyektiv şəkildə araşdırılmasına və məsələnin müsbət həllini tapmasına görə razılığını ifadə edir.

Biləsuvar rayonunun Xırmandalı kənd sakini İsrail Əhmədov DİN rəhbərliyinə ünvanladığı təşəkkür məktubunda pulunun dələduzluq yolu ilə ələ keçirilməsilə bağlı Biləsuvar RPŞ-yə etdiyi müraciətinin obyektiv araşdırılmasına və ona dəymiş maddi ziyanın tam şəkildə ödənilməsinə görə minnətdarlığını bildirir.

Cəlilabad rayonunun bir qrup sakini DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiklərinə görə Rayon Polis Şöbəsinin rəhbərliyindən razılığını ifadə edir.

Şirvan şəhərindən bir qrup sakin adından Cəlil Haxiəliyev DİN rəhbərliyinə ünvanladığı təşəkkür məktubunda ictimai sabitliyin qorunmasında, cinayətkarlıqla mübarizədə Şirvan RPŞ-nin əməkdaşlarının gərgin xidməti fəaliyyətini təqdir edir, çətin və şərəfli yolda uğurlar diləyir.

Bakı şəhər sakini Vidadi Məmmədov üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Yasamal RPİ 28-ci Polis Bölməsinin rəhbərliyinə və əməkdaşlarına minnətdarlığını bildirir.

Sumqayıt şəhər sakini Elçin Piriyev üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Sumqayıt ŞPİ-nin rəhbərliyinə və şəxsi heyətinə təşəkkürünü ifadə edir.

Ağsu rayon sakini Nazif Mütəllimov rayonda ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Ağsu RPŞ-in rəhbərliyinə və əməkdaşlarına minnətdarlığını yazır.

Vətəndaş Elburus Aslanov təşəkkür məktubunda etdiyi müraciətin obyektiv araşdırıldığına və ona dəymiş maddi ziyanın ödətdirilməsinə görə DİN rəhbərliyinə və Mingəçevir ŞPŞ-nin əməkdaşlarına minnətdarlığını bildirir.

11-ci sinif şagirdi Şamxal Qurbanov DİN rəhbərliyinə ünvanladığı təşəkkür məktubunda yağışlı havada onları yaşadıqları ünvana qədər xidməti avtomobilləri ilə gətirən Balakən RPŞ-nin DYPB-nin əməkdaşlarına minnətdarlıq edir.