Qusar rayonundan Qüdrət Mürşüdov DİN-ə ünvanladığı məktubunda ailəsində yarandığı problemə bağlı RPŞ-nin Şahdağ Polis Bölməsinin əməkdaşlarına müraciət etdikdə ona göstərilən diqqət və qayğıdan məmnun qaldığını qeyd edir, məsələnin müsbət həllinə görə polisə təşəkkürünü bildirir.

“Korrupsiya və qanun” qəzetinin baş redaktoru X.Quliyeva DİN rəhbərliyinə ünvanladığı minnətdarlıq məktubunda Zaqatala Rayon Uzunqazmalı kənd sakinlərinin pozulmuş hüquqlarının bərpasında göstərdikləri diqqətə və şikayətin obyektiv araşdırılmasına görə Baş Mütəşəkkil Cinayətkarlıqla Mübarizə İdarəsinin əməkdaşlarına təşəkkürünü bildirir.

Bakı şəhər sakini Tofiq Məmmədov DİN-ə ünvanladığı minnətdarlıq məktubunda müraciətinə obyektiv baxıldığı üçün Sabunçu RPİ 13-çü PB-nin əməkdaşlarına təşəkkürünü bildirir.

Gədəbəy rayon sakini Əhməd Quliyev DİN-ə ünvanladığı minnətdarlıq məktubunda Gədəbəy RPŞ DYPB YPX əməkdaşlarının yollarda təhlükəsizliyin qorunması istiqamətində gördüyü işləri yüksək qiymətləndirir, onlara xidməti fəaliyyətində uğurlar arzulayır.

Şəmkir rayon sakini Hidayət Həsənov polisə etdiyi müraciətə qısa müddət ərzində çevik reaksiya verildiyinə görə minnətdarlığını bildirir.

1 saylı Psixonevroloji Sosial Xidmət Müəssisəsinin rəhbərliyi Buzovna qəsəbəsi, Beynəlmiləl küçəsi 20/22 ünvanında yaşayan kimsəsiz və əlillərin şəxsiyyət vəsiqələrinin dəyişdirilməsində göstərdikləri köməyə görə, Xəzər RPİ-nin Qeydiyyat və Şəxsiyyət Vəsiqəsi Şöbəsinin əməkdaşlarına dərin minnətdarlığını bildirir.

Yasamal rayon sakini İkram Əmirxanov göndərdiyi teleqramda bildirir ki, ona Novruz Bayramov tərəfindən vurulmuş ziyanla bağlı Baş Mütəşəkkil Cinayətkarlıqla Mübarizə İdarəsinə müraciət edib. İdarənin əməkdaşları tərəfindən müraciətə baxılıb və məsələ öz həllini tapıb. İ. Əmirxanov buna görə, DİN rəhbərliyinə təşəkkür edir.

Ağsu rayon sakini Almaz Əmirova göndərdiyi teleqramda yazır ki, RPŞ-yə etdiyi müraciət tez bir zamanda təmin edilib. Vətəndaş polisin fəaliyətindən razılığını bildirir.

Lənkəran şəhər sakini Təranə Fərəcova göndərdiyi teleqramda bildirir ki, üzləşdiyi dələduzluq faktı ilə bağlı DİN rəhbərliyinə müraciət edib. Müraciətə Baş Mütəşəkkil Cinayətkarlıqla Mübarizə İdarəsinin əməkdaşları tərəfindən baxılıb. Qısa müddət ərzində cinayəti törətmiş şəxs saxlanılıb və o, dələduzluq yolu ilə əldə etdiyi 4500 manatı zərərçəkmişə qaytarıb. T. Fərəcova buna görə, DİN rəhbərliyinə və BMCMİ-nin əməkdaşlarına minnətdarlığını bildirir.