Bakı şəhər sakini Ələmdar Tomarov göndərdiyi məktubunda Nərimanov RPİ-nin 17-ci Polis Bölməsinin təhqiqatçısı, polis mayoru Valeh Nəbiyevin fəaliyyətindən razılığını bildirir və daxili işlər orqanlarında bu cür əməkdaşların çalışmasından qürur hissi keçirdiyini vurğulayır.

Vətəndaş Vaqif Kazımov DİN-ə ünvanladığı məktubunda qeyd edir ki, oğluna məxsus avtomobil Suraxanı rayon Hövsan qəsəbəsi ərazisində oğurlanıb. Suraxanı RPİ-nin 30-cu Polis Bölməsinə edilən müraciətdən sonra nəqliyyat vasitəsi tapılaraq sahibinə qaytarılıb. V. Kazımov buna görə DİN rəhbərliyinə və Suraxanı RPİ-nin 30-cu Polis Bölməsinin əməkdaşlarına öz dərin təşəkkürünü bildirir.

Bakı şəhər sakini Polad Poladov göndərdiyi məktubundan bildirir ki, 18.05. 2017-ci il tarixində Dənizkənarı Bulvarda, Xalça muzeyi və Kukla teatrı yaxınlığında “Velosipedlərin girişi qadağandır” yol nişanının qoyulmasına baxmayaraq, velosipedlərin həmin əraziyə girməsi ilə bağlı DİN-ə şikayət məktubu ünvanlayıb. Müraciətindən sonra vətəndaşla Səbail RPİ-nin əməkdaşı əlaqə saxlayıb və bildirib ki, şikayətlə bağlı ərazidə xidmət aparan polis əməkdaşlarına məlumat verilib, iş ciddi şəkildə nəzarətə götürülüb. P. Poladov buna görə DİN rəhbərliyinə və Səbail RPİ-nin əməkdaşlarına minnətdarlıq edir.

Vətəndaş Şəki Cəfərov göndərdiyi məktubunda barəsində yazılmış əsassız protokolun qısa zaman ərzində ləğv edilməsinə görə Səbail RPİ-nin əməkdaşlarına, xüsusilə, polis leytenantı Elşən Ağayevə təşəkkürünü bildirir.

Vətəndaş Turan Tağıyev ünvanladığı məktubunda 23.05.2017-ci il tarixində avtomobilinə vurulmuş maddi ziyanla bağlı DİN-nin rəsmi internet səhifəsinə elektron müraciət göndərdiyini və şikayətinə qısa müddət ərzində Şəxsi Heyətlə İş İdarəsinin əməkdaşları tərəfindən baxıldığını qeyd edir. T. Tağıyev buna görə DİN rəhbərliyinə və Şəxsi Heyətlə İş İdarəsinin əməkdaşlarını minnətdarlıq edir.

Laçın rayonundan məcburi köçkün olan, Ağcabədi rayon Taxtakörpü qəsəbəsində məskunlaşmış bir qrup sakin göndərdikləri məktublarında Laçın RPŞ-nin cinayətkarlığa qarşı mübarizədə rolunu yüksək qiymətləndirir və əməkdaşlarının faəliyyətindən razılıqlarını bildirirlər.

Bakı şəhər sakini Mariya Morozova göndərdiyi teleqramda DİN Baş Əməliyyat və Statistik İnformasiya İdarəsinin Arxiv Şöbəsinin rəisi, polis polkovnik-leytenantı Samir Nağıyevin onu tez bir zamanda lazımi sənədlə təmin etməsindən razılığını bildirir və buna görə DİN rəhbərliyinə minnətdarlıq edir.

Vətəndaş Ramin İsmayılov DİN-ə ünvanladığı məktubunda Bərdə RPŞ-nin əməkdaşı, polis kapitanı Fəxrəddin Kərimova göstərdiyi köməkliyə və isti münasibətə görə təşəkkürünü bildirir.

Abşeron rayon Mehdiabad qəsəbə sakini Mayis İsgəndərov göndərdiyi məktubunda yazır ki, şikayəti ilə bağlı etdiyi müraciətə Baş Mütəşəkkil Cinayətkarlıqla Mübarizə İdarəsinin əməkdaşları tərəfindən baxılıb və ona dəymiş ziyan tez bir zamanda ödətdirilib. M. İsgəndərov buna görə DİN rəhbərliyinə və BMCMİ-nin əməkdaşlarına minnətdarlıq edir.