Bakı şəhər sakini Fidan Aslanzadə DİN rəhbərliyinə ünvanladığı minnətdarlıq məktubunda mənzilində baş vermiş oğurluq hadisəsinin üstünün açılmasında və oğurluğu törədən şəxsin yaxalanmasında göstərdikləri yüksək peşəkarlığa görə Xəzər RPİ-nin əməkdaşlarına təşəkkürünü bildirir.

Şəki şəhər sakini Mehdi Əsgərov İnzibati Xətalar Məcəlləsinin müvafiq maddələri ilə inzibati həbs olunduğu müddətdə Şəki Şəhər-Rayon Polis Şöbəsinin müvəqqəti saxlama yerində göstərilən münasibətə, yaradılan şəraitə görə DİN rəhbərliyinə öz minnətdarlığını bildirir.

Qusar rayonunun Ləcət kənd sakini Tələt Tağıyev DİN rəhbərliyinə ünvanladığı minnətdarlıq məktubunda üzləşdiyi problemin həllində göstərilən köməyə görə Qusar Rayon Polis Şöbəsinin rəhbərliyinə öz təşəkkürünü bildirir.

Qusar şəhər sakini Əzimə Əlimova DİN-ə ünvanladığı məktubunda yaşadıqları evin qapısının ehtiyatsızlıqdan bağlanaraq iki azyaşlı nəvəsinin evdə köməksiz vəziyyətdə qaldığını bildirmişdir. O, həmin vaxt köməyə gələn polis əməkdaşlarının nəvələrinin başlarına gələ biləcək bədbəxt hadisənin qarşısını aldıqlarına görə başda DİN rəhbərliyi olmaqla, Qusar RPİ-nin rəhbərliyinə və əməkdaşlarına dərin minnətdarlığını bildirir.

Polis veteranları Adil Həsənov, Habil Əlişanov, Ələsgər Bədəlov, Mirzəağa Usubov və Dövlət Səfərəliyev "Azərbaycan Polisinin 100 illiyi (1918-2018)" yubiley medalı ilə təltif olunduqlarına görə DİN rəhbərliyinə təşəkkür edirlər.

Bakı şəhər sakini Kəmalə Məmmədova xanım sürücülərə göstərdikləri səmimiyyətə və xoş rəftara görə həmkarlarımıza təşəkkür edir.

Lənkəran rayon sakini Yaşar Kərəmov DİN rəhbərliyinə ünvanladığı məktubda ŞRPŞ-nin rəhbərliyinin və rayon ərazisində xidmət aparan polis əməkdaşlarının öz vəzifə borclarının öhdəsindən layiqincə gəldiyindən yazır.

Bakı şəhər sakini Səidə Həsənova yeni nəsil şəxsiyyət vəsiqəsi almaq üçün müraciət etdikləri Nizami RPİ-də səmimi qəbula və göstərilən xoş münasibətə görə həmkarlarımıza minnətdarlığını ifadə edir.

Tovuz rayonunda müvəqqəti məskunlaşan bir qrup Xocalı sakini avtomobil qəzasında həyatını itirən əzizlərinin hüzür mərasiminin keçirilməsində həm maddi, həm də mənəvi köməklik göstərdiyinə görə RPŞ-nin rəisi, polis polkovniki Şirzad Əsgərova minnətdarlıqlarını ifadə edirlər.