Nəsimi rayon sakini Fərəculla Fərəcov göndərdiyi məktubunda yazır ki, müraciəti əsasında Baş Mütəşəkkil Cinayətkarlıqla Mübarizə İdarəsində araşdırma aparılıb və polis əməkdaşlarının səyi nəticəsində ona dəymiş maddi ziyanın ödənilməsi qısa müddət ərzində təmin edilib. Vətəndaş buna görə DİN rəhbərliyinə minnətdarlığını bildirir.

Bakı şəhər sakini Ramina Əsgərova göndərdiyi məktubda ona göstərdikləri hərtərəfli dəstəyə görə İnsan Alverinə qarşı Mübarizə İdarəsinin əməkdaşlarına təşəkkür edir.

Ağdam rayonundan məcburi köçkün olan, hazırda Bakı şəhərində yaşayan Əli Hüseynov polisin fəaliyyətini yüksək qiymətləndirir və buna görə DİN rəhbərliyinə dərin minnətdarlığını bildirir.

Ağsu rayon Abasxanlı kənd sakini Əflakə Məmmədova yazdığı təşəkkür məktubunda RPŞ-nin fəaliyyətindən razılığını ifadə edir, Azərbaycan polisinin daxili təhlükəsizliyin və ictimai asayişin təmin olunmasında göstərdiyi xidmətlərdən qürur hissi keçirdiyini bildirir.

Professor Hidayət İsayev DİN-ə ünvanladığı təşəkkür məktubunda üzləşdiyi problemin həllində köməklik göstərdiyinə, xoş münasibətinə və nümunəvi rəftarına görə Baş Dövlət Yol Polisi İdarəsinin YPXA-nın 1-ci tağımının komandiri, polis mayoru Ülfət Şükürovun timsalında Azərbaycan Polisinə təşəkkürünü bildirir.

Bakı şəhər sakini Bakir Kazımov şikayət ərizəsinə Bakı Şəhər Baş Polis İdarəsinin Rəhbərliyi tərəfindən baxıldığını və məsələnin öz həllini tapdığını minnətdarlıq hissi ilə qeyd edir.

“Qarabağ müharibəsi əlilləri, veteranları və şəhid ailələri” İctimai Birliyinin Lənkəran filialının sədri Ə.Əliyev ŞRPŞ əməkdaşlarının cinayətkarlıqla mübarizəsindən, gənclərimizin taleyini, sabahını düşünərək məktəblərdə və əmək kollektivlərində narkomaniya, erkən nikah, yol-hərəkəti təhlükəsizliyi və dini radikalizm mövzusunda keçirdikləri tədbirlərdən razılığını bildirir, polisin fəaliyyətini yüksək qiymətləndirir.

Təqaüddə olan polis mayoru Vaqif Kəlbiyev və Masallı Rayon Polis Şöbəsinin Veteranlar Şurasının sədri Tofiq Şahmarov bu gün Masallı RPŞ-nin şəxsi heyəti tərəfindən DİO veteranlarına olan xoş münasibətdən razlığını ifadə edir, onlara çətin və şərəfli xidmətlərində uğurlar arzulayırlar.

DİN-ə minnətdarlıq məktubu göndərən Qusar rayon Əniq kənd sakinləri iyun ayının 21-də evi tamamailə yanmış Qızbacı Osmanovaya göstərdikləri maddi və mənəvi köməyə görə Qusar RPŞ-nin Şahdağ Polis Bölməsinin rəhbərliyinə və şəxsi heyətinə minnətdarlıq edir, insanpərvər, yardımsevər Azərbaycan Polisinə təşəkkürlərini bildirirlər.