Yevlax rayon “Cümə” məscidinin axundu Namiq Əliyev DİN rəhbərliyinə ünvanladığı məktubunda ictimai asayişin və sabitliyin qorunmasında göstərdikləri xidmətlərə görə polisin fəaliyyətindən məmnunluğunu ifadə edir, Yevlax RPŞ-nin rəisi Vaqif Müslümovun xidməti fəaliyyətindən razılıq edir.

Cəlilabad şəhər sakini Yaşar Nağıyev DİN-ə ünvanladığı təşəkkür məktubunda ictimai qaydanın və asayişin qorunmasına, polis orqanlarında çalışan əməkdaşların peşəkarlığının yüksək səviyyəyə çatdırılmasına, gənc kadrlara yaradılan şəraitə və onların vəzifədə irəli çəkilmələrinə görə DİN rəhbərliyinə minnətdarlığını bildirir.

Goranboy rayon sakini Hüseyn İbrahimov DİN-ə ünvanladığı məktubunda övladının daxili işlər orqanlarına şəffaflıq şəraitində qəbuluna, ümumiyyətlə gənc əməkdaşların peşəkarlığının artırılması, xidmətdə etimad göstərilərək irəli çəkilməsinə, onlara göstərilən diqqət və qayğıya görə DİN rəhbərliyinə öz minnətdarlığını bildirir.

Qazax rayonunun bir qrup sakini DİN rəhbərliyinə ünvanladıqları təşəkkür məktubunda ictimai asayişin və sabitliyin qorunmasındakı xidmətlərinə görə polisin fəaliyyətindən məmnunluğunu bildirir, həmçinin Qazax RPŞ-nin rəisi Ədalət Əliyevdən razılıq edir və minnətdarlığını ifadə edir.

Bakı şəhər sakini Tahirə İsgəndərova üzləşdiyi dələduzluq faktı ilə əlaqədar müraciətinə qısa müddətdə baxılaraq şikayətinin təmin edilməsində və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Sabunçu RPİ-nin İstintaq Şöbəsinin əməkdaşlarına təşəkkürünü bildirir.

Şabran şəhər sakini Elxan Həsənzadə DİN-ə ünvanladığı təşəkkür məktubunda nəvəsinin velosipedinin oğurlanması ilə bağlı etdiyi müraciətə tez bir zamanda baxılması və oğurlanmış velosipedin tapılıb qaytarılmasına görə Şabran RPŞ-nin rəhbərliyinə və polis sahə rəisi Mütəllim Məhərrəmova minnətdarlığını bildirir.

Hacıqabul rayon sakini Şakir Hüseynov DİN rəhbərliyinə ünvanladığı minnətdarlıq məktubunda ona dəymiş maddi zərərin qısa müddət ərzində ödənildiyi üçün Xəzər RPİ-nin rəhbərliyinə və Təhqiqat Şöbəsinin əməkdaşlarına təşəkkürünü bildirir.

Milli Məclisin regional məsələlər komitəsinin sədri Arif Rəhimzadə "Azərbaycan Polisinin 100 illiyi (1918-2018)" yubiley medalı ilə təltif olunduğuna görə DİN rəhbərliyinə təşəkkürünü bildirir.

Azərbaycan Respublikasının Milli Məclisinin İctimai Birliklər və dini qurumlarla iş Komitəsinin sədri, Yeni Azərbaycan Partiyasının İcra Kaitibinin müavini Siyavuş Novruzov "Azərbaycan Polisinin 100 illiyi (1918-2018)" yubiley medalı ilə təltif olunduğuna görə DİN rəhbərliyinə təşəkkürünü bildirir.