Saatlı rayon sakini Yaşar Rəşidov şikayət ərizəsində göstərdiyi tələbinin Baş Mütəşəkkil Cinayətkarlıqla Mübarizə İdarəsi tərəfindən təmin edildiyinə və hər şeyin qanun çərçivəsində öz həllini tapdığına görə DİN rəhbərliyinə təşəkkürünü bildirir.

Bakı şəhər sakini Vaqif Hüseynov icarədarı olduğu “Topaz” mərc oyunları məntəqəsində baş vermiş oğurluq faktının üstünün qısa zamanda açılmasına, ona dəymiş ziyanın ödənilməsinə görə Nərimanov RPİ-nin İstintaq şöbəsinin əməkdaşlarından razılığını ifadə edir.

Bakı şəhər sakini Aytac Əhmədova atasına göstərilən diqqət və qayğıya görə DİN rəhbərliyinə təşəkkür edir.

Bakı şəhər sakini Zaur Əlizadə asayişin keşiyində ayıq-sayıq duran həmkarlarımıza fədakar xidmətlərində uğurlar arzulayır.

Saatlı rayon sakini Fikrət Canəliyev 1987-ci ildə aldığı sürücülük vəsiqəsini dəyişdirmək üçün Şirvan şəhər İmtahan Qeydiyyat Şöbəsinə etdiyi müraciətdən sonra ona Azərbaycan Respublikasının yeni sürücülük vəsiqəsi verildiyinə görə minnətdarlığını bildirir.

Sabirabad rayon sakini aşıq Ramazan Rzayev Qaragüney kəndindəki şəhidlərə ucaldılmış abidənin bərpasında göstərdiyi köməkliyə və kənddə apardığı maarifləndirmə işinə görə Bölmənin rəisi, polis mayoru Rauf İsmayılova kənd sakinləri adından təşəkkürünü bildirir.

Bir qrup Astara rayon sakini RPŞ əməkdaşlarının cinayətkarlıqla mübarizəsindən, məktəblərdə və əmək kollektivlərində narkomaniya, erkən nikah və dini radikalizm mövzusunda keçirdikləri tədbirlərdən razılıqlarını bildirir, bir sözlə, polisin fəaliyyətini yüksək qiymətləndirirlər.

Siyəzən rayon sakini Cavanşir Kazımov xoş rəftarı və səmimiyyəti ilə vətəndaşların rəğbətini qazanan, sabitliyi qoruyan, cinayətkarlıqla ciddi mübarizə aparan həmkarlarımıza minnətdarlığını ifadə edir.

“Erməni təcavüzünün tanıdılması” İctimai Birliyinin sədri Səriyyə Cəfərova Xocalı şəhərinin müdafiəsi zamanı üç qardaşı şəhid olan və özü də ağır yaralanaraq ayağının birini itirmək təhlükəsi ilə üzbəüz qalan Mingəçevir Şəhər Polis İdarəsinin əməkdaşı Natiq Əzizovun səhhəti ilə bağlı ünvanladığı məktuba DİN rəhbərliyi tərəfindən nümayiş etdirilən həssaslığa və onun sağlamlığına qovuşması üçün göstərilən köməkliyə görə minnətdarlığını bildirir.