Bakı şəhər sakini Vüsal Seyidov şikayət ərizəsinə vaxtında baxıldığına və məsələnin müsbət həllini tapdığına görə Baş Mütəşəkkil Cinayətkarlıqla Mübarizə İdarəsinin rəhbərliyinə təşəkkürünü bildirir.

Bakı şəhər sakini Səadət Babayeva ona dəymiş maddi ziyanın ödətdirilməsində göstərdiyi köməyə görə Yasamal RPİ İstintaq şöbəsinin əməkdaşlarına minnətdarlığını bildirir.

Azərbaycanın Milli Qəhrəmanı Əlif Hacıyevin ailə üzvü, Xocalı sakini Brilyant Hacıyeva nəvəsinin daxili işlər orqanlarına qəbul olunmasında göstərdiyi köməkliyə görə DİN rəhbərliyinə təşəkkürünü ifadə edir.

Binəqədi rayonu 276 nömrəli məktəbin müəllimi İradə Babayevanın təşəkkür məktubundan: “Bu günlərdə polis əməkdaşlarının təşkilatçılığı ilə məktəbimizdə “Narkomaniyaya yox deyək” mövzusunda tədbir keçirildi. Biz bir daha gördük və şahidi olduq ki, polisimiz gəncliyimizi və gələcəyimizi təhdid edən bəlaya qarşı həm qətiyyətli mübarizə aparır, həm də belə maairfləndirmə tədbirləri keçirməklə bizlərə dəstəyini nümayiş etdirir...”

Kəlbəcər rayon sakini Şakir Süleymanov pozulmuş hüquqlarının bərpasında və ona dəymiş maddi ziyanın ödətdirilməsində göstərdiyi köməkliyə görə Baş Mütəşəkkil Cinayətkarlıqla Mübarizə İdarəsinin rəhbərliyinə təşəkkürünü bildirir.

Qarabağ müharibəsi veteranı, ikinci qrup əlil Bəylər Teymurov avtomobilini texniki baxışdan keçirərkən ona göstərilən sayğıya və səmimi münasibətə görə həmkarlarımızdan razılığını ifadə edir.

Bakı şəhər sakini Mürsəlov Rəfail ona dəymiş maddi ziyanın ödətdirilməsində göstərdiyi köməkliyə görə Qaradağ RPİ İstintaq şöbəsinin əməkdaşlarına minnətdarlığını bildirir.

Bakı şəhər sakini Araz Allahverdiyev etdiyi müraciətinə çevik reaksiya verdiyinə və onu səmimi şəkildə qəbul etdiyinə, eləcə də xoş münasibətə görə Bakı Şəhər Baş Polis İdarəsinin əməkdaşı Emin Abbasova təşəkkürünü bildirir.

Füzuli şəhər sakini Səadət Babayeva ona dəymiş maddi ziyanın ödətdirilməsində göstərdiyi köməkliyə görə Yasamal Rayon Polis İdarəsinin rəhbərliyinə təşəkkür edir.