Yasamal rayon sakini Faiq İsmayılzadə göndərdiyi məktubda yazır ki, baş vermiş kiçik bir insidentlə bağlı Səbail RPİ 8-ci Polis Bölməsinə müraciət edib. Müraciətinə sahə inspektoru, polis leytenantı Fuad Musayev tərəfindən baxılıb və problem qısa müddət ərzində öz həllini tapıb. F.İsmayılzadə Fuad Musayevin timsalında bütün polis əməkdaşlarına minnətdarlığını bildirir.

Cəlilabad rayon sakini Təyyar Zülfüqarov göndərdiyi məktubunda RPŞ-nin fəaliyyətindən razılığını bildirir, ictimai asayişin və təhlükəsizliyin təmin olunmasında polisin rolunu yüksək qiymətləndirir.

Vətəndaş Abbas Ələkbərov göndərdiyi teleqramda bildirir ki, yaranmış problemlə bağlı Sabunçu RPİ 42-ci Polis Bölməsinə müraciət edib. Şikayətinə qısa zaman ərzində baxılıb və məsələ öz həllini tapıb. A.Ələkbərov buna görə DİN rəhbərliyinə təşəkkür edir.

Binə qəsəbəsində yaşayan Bəyəli Nəcəfovun DİN-ə ünvanlanan məktubunda yollarda hərəkətin təhlükəsizliyinin təmin olunmasında yol-patrul xidməti əməkdaşlarının rolu yüksək qiymətləndirilir.

Gəncə şəhər sakini Səminə Bəxtiyarova göndərdiyi məktubunda yazır ki, ona qarşı edilmiş dələduzluqla əlaqədar Gəncə Şəhər Baş Polis İdarəsinə ərizə ilə müraciət edib. Qısa zaman ərzində cinayəti törətmiş şəxs saxlanılaraq istintaqa təhvil verilib. S.Bəxtiyarova buna görə DİN rəhbərliyinə və Gəncə şəhər BPİ-nin əməkdaşlarına təşəkkür edir.

Gəncə şəhərindən daha bir vətəndaş, Səbinə Kazımova isə DİN-ə ünvanladığı minnətdarlıq teleqramında ailə problemi ilə bağlı Nizami (Gəncə) RPİ-yə ərizə ilə müraciət etdiyini və şikayətinə baxılaraq məsələnin qısa müddət ərzində öz həllini tapığını qeyd edir.

Gəncə şəhər sakini Cavid İsmayıllı göndərdiyi məktubunda bildirir ki, ona məxsus 500 manat dəyərində “Samsung” markalı mobil telefonun oğurlanması ilə bağlı müraciətindən sonra Nizami (Gəncə) RPİ əməkdaşlarının hətaya keçirdikləri operativ əməliyyat-axtarış tədbirləri nəticəsində hadisəni törətmiş şəxs saxlanılaraq məsuliyyətə cəlb edilib. Vətəndaş buna görə DİN rəhbərliyinə təşəkkür edir.

Daha bir Gəncə şəhər sakini Elgün İsazadə isə göndərdiyi minnətdarlıq məktubunda ona məxsus mağazadan oğurluq etmiş şəxsin Kəpəz RPİ əməkdaşlarının səyi nəticəsində qısa müddət ərzində saxlanılaraq istintaqa təhvil verildiyini yazır.

Nərimanov rayon sakini Firəngiz Rəhimova göndərdiyi məktubunda Yasamal Rayon Mühafiə İdarəsinin əməkdaşlarının, xüsusən, Ramil İsmayılovun ona qarşı xoş rəftarından və insansevərliyindən razılığını bildirir, buna görə DİN rəhbərliyinə təşəkkür edir.

Suraxanı rayon sakini Rauf Mehdiyev göndərdiyi məktubunda bildirir ki, ailəsi ilə birlikdə Qusarda yerləşən “Şahdağ” istirahət mərkəzinə gedərkən yolda avtomobilində nasazlıq yaranıb. Çətin vəziyyətdə qalan vətəndaşların köməyinə Qusar RPŞ-nin Şahdağ Polis Bölməsinin əməkdaşları çatıblar. Yaranmış nasazlıq polis əməkdaşlarının səyi nəticəsində aradan qaldırılıb. R.Mehdiyev buna görə Şahdağ PB əməkdaşlarına minnətdarlığını bildirir.

Astara rayon Şahağac kəndi Ağsaqqallar Şurasının sədri Şaməddin Əsədov və kənd sakini Vasif Həsənov ziyalılar adından göndərdikləri məktublarında RPŞ əməkdaşlarının narkotik vasitələrin qanunsuz dövriyyəsinə qarşı apardıqları uğurlu mübarizədən məmnun qaldıqlarını bildirir və buna görə DİN rəhbərliyinə təşəkkür edirlər.