Bakı şəhər sakini Samir Manaflı yazır ki, allergik nəfəs çatışmazlığından əziyyət çəkən övladımı xəstəxanaya çatdırmaq istəyirdim. Lakin tıxac ucbatından yolda qaldıq. Həyacan içində qalıb nə edəcəyimi bilmirdim. Onda gördüm ki, bir Yol Patrul Xidməti avtomobili mənə yaxınlaşdı. Onların köməkliyi sayəsində tıxacdan çıxıb övladımı xəstəxanaya çatdıra bildim.

Bakı şəhər sakini Sevda Dəmir DİN Baş Mütəşəkkil Cinayətkarlıqla Mübarizə İdarəsinin əməkdaşlarına minnətdarlığını bildirir.

Şirvan şəhər sakini Mehman Quliyev cinayətkarlıqla ciddi mübarizə aparmaqla, asayişin keşiyində ayıq-sayıq durmaqla yanaşı, həm də gələcəyimiz olan gəncliyimizi, fidan balalarımızı düşünüb narkomaniyayla, erkən nikahlarla, dini radikalizmlə mübarizədə də qətiyyətini əsirgəməyən, bu məqsədlə rayonun bütün məktəblərində tədbirlər düzənləyən, qapımızı səssiz döyən bəlanın qarşısını almaq üçün maarifləndirməyə xüsusi önəm verən ŞPŞ-nin rəisi, polis polkovniki Hikmət Quliyevə təşəkkürünü bildirir.

Tərtər rayon Hüsənli kənd sakini Firdovsi Məmmədov həmkəndliləri ilə aralarında yaranmış ədavətə son verdiyinə və qarşı tərəf barəsində qanunauyğun tədbir gördüyünə görə RPŞ rəhbərliyinə təşəkkür edir.

Yardımlı rayon sakini, istefada olan polis mayoru Əlövsət Mirzəyev DİN-in A.Heydərov adına Respublika Hospitalında xəstələrin qəbulundan tutmuş onların müalicəsinə də son dərəcə həssaslıqla və diqqətlə yanaşıldığından, xüsusən də polis veteranlarına çox böyük hörmət sərgiləndiyindən minnətdarlıq hissi ilə yazır, Hospital və DİN rəhbərliyinə təşəkürünü bildirir.

İlkin Novruzov yazdığı təşəkkür məktubunda övladının daxili işlər orqanlarına qəbul edilməsinə görə DİN rəhbərliyinə minnətdarlığını ifadə edir.

Goranboy rayon Alpout kənd sakini, ikinci qrup əlil Bəhruz Hacıyev cinayətkarlıqla ciddi mübarizəyə və yollarda təhlükəsizliyin etibarlı təmininə görə Gəncə Şəhər Baş Polis İdarəsinin Nizami rayon Polis İdarəsinin əməkdaşlarına təşəkkür edir.

Şəki şəhər sakini Azad Əliyev DİN-ə ünvanladığı məktubunda yazır ki, polisə etdiyi müraciətdən sonra Bəşir adlı şəxs onun maşınını və pulunu geri qaytarıb. Buna görə də o, ŞPŞ-nin əməkdaşlarına təşəkkürünü bildirir.

Şirvan şəhər sakini Afaq Ağayeva 1900 manat pulunu dələduzluq yolu ilə alan şəxslərin qanuna təslim edilməsində göstərdikləri köməyə görə Şirvan Şəhər Polis Şöbəsinin rəisi, polis polkovniki Hikmət Quliyevə minnətdarlığını ifadə edir.