Şəmkir şəhər sakini Lamiyə Əsgərova DİN rəhbərliyinə ünvanladığı minnətdarlıq məktubunda baş vermiş oğurluq hadisəsinin üstünün açılmasında və ona dəymiş maddi ziyanın ödətdirilməsində göstərdikləri köməyə görə Şəmkir RPŞ-nin rəhbərliyinə və əməkdaşlarına təşəkkürünü bildirir.

Bakı şəhər sakini Coşqun Dadaşov külli miqdarda pulunun dələduzluq yolu ilə mənimsənilməsi ilə bağlı Nəsimi RPİ-yə ünvanladığı müraciətdən sonra ona dəymiş maddi ziyanın ödənilməsində göstərilən köməyə görə İstintaq Şöbəsinin əməkdaşlarına minnətdarlığını bildirir.

Bakı şəhər sakini Vüsal Məmmədov DİN-ə ünvanladığı təşəkkür məktubunda Asan Kommunalda xidmət aparan Suraxanı Rayon Mühafizə Şöbəsinin əməkdaşı, polis kiçik serjantı Nihat Musayevin insanlara göstərdiyi xoş rəftar və səmimi münasibətindən məmnunluğunu bildirir.

Bakı şəhər sakini Afət Kazımova DİN-ə ünvanladığı məktubunda şikayətinə tez və obyektiv baxılaraq, ona dəyən maddi ziyanın ödənilməsində göstərdikləri köməyə görə Nəsimi Rayon Polis İdarəsinin əməkdaşlarına təşəkkürünü bildirir.

Sumqayıt şəhər sakini Günel Məmmədrzayeva DİN-ə ünvanladığı məktubunda hüquqlarının qorunmasında ona göstərilən köməyə görə Səbail Rayon Polis İdarəsinin əməkdaşlarına minnətdarlığını bildirir.

Bakı şəhər sakini Fərid Səfərov müraciətinə tez bir zamanda baxılmasına və düzgün həllini tapmasına görə DİN rəhbərliyinə təşəkkürünü bildirir.

Masallı rayonundan bir qrup sakin, şəhid atası - Süleyman Hüseynov, müəllim - Əlisiyab Nəhmətov, şəhid qardaşı - Vüqar Həsənov, rayon ağsaqqalı - Niyaz Nuriyev DİN-ə ünvanladıqları məktubda Baş Dövlət Yol Polisi İdarəsinin rəisi Ramiz Zeynalova minnətdarlıqlarını bildirirlər.

Kəlbəcər rayon sakini Habil Əliyev DİN rəhbərliyinə ünvanladığı təşəkkür məktubunda Yevlax DYP-nin qeydiyyat və imtahan şöbəsinə etdiyi müraciətinə baxılmasına və ona edilən köməkliyə görə minnətdarlıq edir.

Kürdəmir şəhər sakini DİN rəhbərliyinə ünvanladığı minnətdarlıq məktubunda Dövlət Yol Polisi əməkdaşlarının nümunəvi xidmətindən razılıq edir.