Bakı şəhər sakini Elçin Mahmudov ona məxsus bağ evindən edilmiş oğurluqla bağlı Sabunçu RPİ 42-ci PB-yə etdiyi müraciətə çevik reaksiya verildiyinə, əməliyyat tədbirlərindən sonra oğrunun tapıldığına, oğurlanmış qızıl-zinət əşyalarının geriyə qaytarıldığına, hər şeyin qanun çərçivəsində öz həllini tapdığına görə həmkarlarımıza təşəkkürünü bildirir.

Azərbaycan Milli Elmlər Akademiyası Arxeologiya və Etnoqrafiya İnstitutunun direktoru, professor Maisə Rəhimova Lerik ərazisindəki arxeoloji qazıntı sahəsindən oğurlanmış 8 ədəd müxtəlif təyinatlı əşyanın etdiyi müraciətdən sonra polislərin səyi nəticəsində tapıldığına və tariximizə, maddi-mənəvi sərvətlərimizə göstərdikləri diqqətə görə Azərbaycan Polisinə təşəkkürünü bildirir.

Emin Mirəliyev müraciətinə vaxtında baxıldığı və müvafiq tədbir görüldüyü üçün Nəsimi RPİ-nin əməkdaşlarına minnatdarlıq edir.

Bənəniyar kənd sakini Sadiq Bağırov müraciətinə vaxtında baxıldığına və ona göstərilən köməyə görə DİN rəhbərliyinə minnətdarlığını bildirir.

Gəncə şəhər sakini İlqar Hüseynov yazır: “Gəncə şəhəri Məhsəti qəsəbəsindəki yaşadığım evdən 650 manat məbləğində pulum oğurlanmışdı. Hadisə ilə əlaqədar dərhal Gəncə Şəhər Baş Polis İdarəsinin Kəpəz Rayon Polis İdarəsinə müraciət etdim. Polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində yaşadığım evdən oğurluq edən şəxslər müəyyən olundu, onlar törətdikləri əməli etiraf etdilər. Polis əməkdaşlarının səyi nəticəsində pulum geri qaytarıldı.” İ.Hüseynov belə çevik və operativ fəaliyyətlərinə görə Gəncə Şəhər Baş Polis İdarəsinin Kəpəz Rayon Polis İdarəsinin əməkdaşlarına təşəkkürünü bildirir.

Bakı Dövlət Universitetinin müəllimi Bəhruz Məhərrəmov bir müddət öncə itirdiyi əl çantasının tapılaraq ona qaytarılmasında yardımçı olan Xətai RPİ 37-ci PB-nin əməkdaşlarına minnətdarlıq edir.

Sabirabad rayon Şəhriyar kənd sakinləri Əbülfəz Şükürov, Şahməddin Amanov, Umudvar Bəndərov, Əlişirin İbişov və Abuzər Əhədov DİN-ə ünvanladıqları təşəkkür məktubunda ictimai asayişin qorunmasında və cinayətkarlığa qarşı qətiyyətli mübarizədə RPŞ əməkdaşlarının rolunu yüksək qiymətləndirirlər.

Saatlı rayon sakini Qabil Hüseynov göndərdiyi məktubda RPŞ əməkdaşlarının vətəndaş məmnunluğuna xidmət edən fəaliyyətindən razılığını ifadə edir.

Tovuz rayonu Qəribli kənd sakini Samir Rzaquliyev göndərdiyi məktubda üzləşdiyi problemin həll edilməsində ona göstərilən köməyə görə DİN rəhbərliyinə və Nəsimi RPİ-nin İstintaq şöbəsinin əməkdaşlarına minnətdarlıq edir.