Xaçmaz rayon sakini Şirxan Əzizov ona dəymiş ziyanın tam ödətdirilməsində göstərdikləri köməyə Qusar RPŞ-nin rəhbərliyinə təşəkkürünü bildirir.

Bakı şəhər sakini Nazim Hüseynov ölkəmizdəki əmin-amanlığa, sabitliyə görə həmkarlarımıza minnətdarlığını ifadə edir, onlara çətin və məsuliyyətli xidmətlərində uğurlar arzulayır.

“İntellekt” məktəb-liseyin direktoru Təhminə Əsədova rəhbərlik etdiyi tədris ocağında narkomaniya, erkən nikah və dini radikalizm mövzusunda mütəmadi olaraq maarifləndirici tədbirlər keçirdiklərinə görə Səbail RPİ-nin rəhbərliyinə təşəkkürünü bildirir və polisin fəaliyyətini yüksək qiymətləndirir.

Bakı şəhər sakini, yazar Aida Eyvazova dövlətçiliyimizin dayaqlarının möhkəmlənməsində dünən olduğu kimi bu gün də gecəli-gündüzlü, ayıq-sayıq xidmət aparan Azərbaycan Polisinə minnətdarlığını ifadə edir.

Bakı şəhər sakini Şəbnəm Eldarova ayın 2-i və 3-də ölkədə yaşanan enerji böhranı zamanı polislərin fədakarlığını yüksək qiymətləndirir və həmkarlarımıza minnətdarlığını ifadə edir.

Azərbaycan Respublikası Prezidenti yanında Dövlət İdarəçilik Akademiyasının professoru, hüquq elmləri doktoru Bəhram Zahidov 2 iyul “Azərbaycan Polisi günü” münasibətilə həmkarlarımızı təbrik edir, xidmətlərində uğurlar arzulayır.

İsgəndər Əhmədov, Məzahir Məmmədov, Famil İbrahimov və Astaradan Elmira Əhmədova polisin fəaliyyətindən razılığını ifadə edir.

Kürdəmir rayon sakini İnqilab Vəliyev etdiyi müraciətə Binəqədi RPİ-də baxıldığına, xüsusilə polis kapitanı Rüstəm İsmayılov tərəfindən aparılan araşdırmadan sonra hər şeyin qanun çərçivəsində öz həllini tapdığına, dəymiş ziyanın ödətdirilməsinə görə DİN rəhbərliyinə təşəkkürünü bildirir.

Təqaüddə olan polis veteranı Fərzalı Məmmədov DİN-in Arif Heydərov adına Respublika Hospitalında veteranlara, onların ailə üzvlərinə göstərilən diqqət və qayğıya görə DİN rəhbərliyinə təşəkkür edir.