Bakı şəhər sakini Mehnarə Yusubova ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə, ehtiyacı olan ailələrə etdikləri ərzaq yardımlarına, eləcə də polis əməkdaşlarının ona göstərdikləri diqqət və qayğıya görə DİN rəhbərliyinə və şəxsi heyətinə təşəkkürünü ifadə edir.

Vətəndaş İsgəndər Əhmədov DİN rəhbərliyinə ünvanladığı təşəkkür məktubunda Azərbaycan Polisinin gərgin xidməti fəaliyyətini təqdir edir, cətin və şərəfli yolda uğurlar diləyir.

Bakı şəhər sakini Elman Musayev “102” Xidməti Zəng Mərkəzinə etdiyi müraciətə operativ və obyektiv baxılması ilə əlaqədar Yasamal RPİ 27-ci Polis Bölməsinin əməkdaşlarına minnətdarlığını bildirir. O, Azərbaycan Polisinin xidməti fəaliyyətini yüksək dəyərləndirir və uğurlar diləyir.

Bakı şəhər sakini Günay Tarverdiyeva metroda naməlum şəxs tərəfindən oğurlanmış içərisində sənədləri və pul kisəsi olan çantasının tez bir zamanda tapılaraq ona təhvil verilməsində göstərdikləri köməyə görə Bakı şəhər Baş Polis İdarəsinin Cinayət Axtarış İdarəsinin və Nizami RPİ 25-ci Polis Bölməsinin əməkdaşlarına təşəkkürünü bildirir.

Lerik rayon sakini, polis və Qarabağ müharibəsi veteranı Özübəy Quliyev səhhətti ilə əlaqədar DİN-nin A.Heydərov adına Respublika Hospitalında müalicə alarkən ona göstərilən nəvazişə, diqqət və qayğıya, eləcə də həkim personalının peşəkar mütəxəssislərdən ibarət olduğuna görə DİN rəhbərliyinə və DİN-nin A.Heydərov adına Respublika Hospitalının şəxsi heyətinə minnətdarlığını bildirir.

Sabirabad rayon sakini, məcburi köçkün Azər Həsənov üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə DİN rəhbərliyinə və BMCMİ-nin əməkdaşlarına təşəkkürünü ifadə edir.

Sumqayıt şəhər sakini Tural Bağırov anasının içərisində pul və sənədləri olan cüzdanını itirməsi ilə bağlı etdiyi müraciətə həssaslıqla yanaşılaraq qısa zaman kəsiyində tapılaraq qaytarılmasında göstərdikləri köməkliyə görə DİN rəhbərliyinə və Sumqayıt ŞPİ-nin əməkdaşlarına minnətdarlığını yazır.

Culfa rayon sakini Şahin İmanov oğlunun daxili işlər orqanlarına xidmətə qəbul olunmasında göstərdikləri köməkliyə görə DİN rəhbərliyinə və şəxsi heyətinə təşəkkürünü bildirir.

Bakı şəhər sakini Sevil Axundova ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə, eləcə də ehtiyacı olan ailələrə etdikləri ərzaq yardımlarına görə DİN rəhbərliyinə və əməkdaşlarına minnətdarlığını bildirir.