Bakı şəhər sakini Rəhman İsmayılov müraciətinə obyektiv baxılaraq göstərilən köməkliyə görə DİN rəhbərliyinə təşəkkürünü bildirir.

Goranboy rayonunun Xoylu kənd sakini Xoşqədəm Mustafayeva DİN rəhbərliyinə ünvanladığı məktubunda oğurlanmış 1 baş iribuynuzlu heyvanının tapılaraq qaytarılmasında göstərilən köməkliyə görə Goranboy RPŞ-nin rəhbərliyinə və Cinayət axtarışı bölməsinin rəisi Vilayət Allahverdiyevə təşəkkürünü bildirir.

Astara rayonunun Selekəran kənd sakini Ağahüseyn Yaqubov DİN-ə ünvanladığı minnətdarlıq məktubunda Rayon Polis Şöbəsinin sahə inspektoru Nəcəf Abışova xidməti fəaliyyətinə məsuliyyətlə yanaşdığı üçün təşəkkürünü bildirir.

Astara rayonunun Maşxan kənd sakini Radik Əliyev DİN rəhbərliyinə ünvanladığı minnətdarlıq məktubunda Rayon Polis Şöbəsinin rəhbərliyindən razılığını ifadə edir.

Saatlı rayon sakini Oktay Məmmədov ictimai sabitliyin qorunmasında, cinayətkarlığa qarşı mübarizədə polisin rolunu yüksək dəyərləndirir və Saatlı Rayon Polis Şöbəsinin rəhbərliyinə minnətdarlığını bildirir.

Kürdəmir rayon sakini Ramal Əhmədov DİN-ə ünvanladığı məktubunda ona dəyən ziyanın ödənilməsində göstərdikləri köməyə görə Nəsimi Rayon Polis İdarəsinin əməkdaşlarına təşəkkürünü bildirir.

Qusar rayon sakini Gülbala Mürsəlov DİN-ə ünvanladığı məktubunda Qusar Rayon Polis İdarəsinin rəhbərliyinə minnətdarlığını bildirir.

Cəlilabad rayon sakini, ikinci qrup əlil Xəqani Əliyev üzləşdiyi problemin həllində göstərdiyi köməkliyə görə RPŞ-nin rəhbərliyinə təşəkkürünü bildirir.

Sumqayıt şəhər sakini Tinatin Ağayeva həmkarlarımızı Azərbaycan Polisinin 100 illiyi münasibətilə təbrik edir.