Bakı şəhər sakinləri Tükəzban Əliyeva, Rüfət Məmmədov və Sumqayıt şəhər sakini Xanlar İsgəndərov onlara dəymiş ziyanın ödətdirilməsində göstərdikləri köməyə görə daxili işlər orqanları əməkdaşlarına minnətdarlıqlarını bildirirlər.

Bakı şəhər sakini Könül Əliyeva yazır ki, övladının da xəsarət aldığı yol-nəqliyyat hadisəsi ilə bağlı Nəsimi RPİ-yə etdiyi müraciətə polislər tərəfindən çevik reaksiya verilmişdir. İdarənin İstintaq şöbəsində aparılan araşdırmalardan sonra hadisəni törətmiş şəxs tutulmuş və onlara dəymiş zərər ödənilmişdir.

Kürdəmir rayon sakini Sabir Rüstəmov DİN-ə ünvanladığı təşəkkür məktubunda RPŞ əməkdaşlarından razılığını bildirir.

Baş vermis yol-nəqliyyat hadisəsi zamanı xəsarət almış yaxın qohumu Elvin Teymurovu vaxtında xəstəxanaya çatdırdıqlarına və onu ölümün cəngindən qurtardıqlarına görə, habelə hadisəni törədərək qaçmış avtomobil sürücüsünün saxlanılmasında əməyi olan Masallı RPŞ-nin Dövlət Yol Polisi Bölməsinin əməkdaşı polis kapitanı Şəmşir Kərimova, polis serjantları Rasim Ağayevə və Cabir Hüseynzadəyə Banbaşı kənd sakini Rüstəm Əzizov təşəkkürnü bildirir.

Saatlı rayon sakini Sara Həsənova üzləşdiyi problemin həllində göstərdiyi diqqətə və köməyə görə RPŞ-nin rəhbərliyinə minnətdarlığını ifadə edir.

Şuşa rayonundan məcburi köçkün olan, hazırda Şəki şəhər Çələbixan qəsəbəsində məskunlaşan keçmiş polis əməkdaşı Elçin Quliyev göndərdiyi məktubda bildirir ki, səhhətində yaranmış problemlə bağlı DİN-in A.Heydərov adına Respublika Hospitalına müraciət edib. Həkimlərin səyi nəticəsində şəfa tapan E.Quliyev buna görə hospital kollektivinə təşəkkür edir.

Tovuz rayon İbrahimhacılı kənd sakini Nəsrəddin Səfərov göndərdiyi teleqramda yazır ki, üzləşdiyi problemin həll edilməsində polis əməkdaşları ona kömək ediblər. Buna görə N.Səfərov DİN rəhbərliyinə və RPŞ əməkdaşlarına minnətdarlığını bildirir.

Bakı şəhər Yasamal rayon sakini Fəxrəddin Xanmirzəyev göndərdiyi məktubda yazır ki, üzləşdiyi problemlə əlaqədar DİN rəhbərliyinə müraciət edib. Müraciət baxılması üçün Bakı Şəhər Baş Polis İdarəsinə yönləndirilib. Şikayət ərizəsini BŞPİ-nin İctimai Təhlükəsizlik İdarəsinin əməkdaşı Rəşad Məmmədov araşdırıb. Nəticədə, 10 ay müddətinə həllini tapmayan məsələ 3 həftə ərzində həll edilib. Vətəndaş R.Məmmədovun timsalında bütün daxili işlər orqanları əməkdaşlarına təşəkkür edir.

Astara rayon Sərək kənd sakini Sənan Süftiyev göndərdiyi məktubda RPŞ əməkdaşlarının ictimai asayişin qorunmasında və cinayətkarlığa qarşı mübarizədə rolunu yüksək qiymətləndirir, xüsusilə, Qeydiyyat və Şəxsiyyət Vəsiqəsi Bölməsinin fəaliyyətindən razılığını bildirir.