Bakı şəhər sakini Səməd Salmanov DİN rəhbərliyinə ünvanladığı təşəkkür məktubunda şikayətinin təmin edilməsinə və ona dəymiş maddi ziyanın tam ödətdirilməsinə görə Bakı Şəhər Baş Polis İdarəsinin İstintaq və Təhqiqat İdarəsinin, həmçinin Binəqədi RPİ-nin rəhbərliyinə minnətdarlığını bildirir.

İstefada olan polis nəfəri İlkin Əliyev və Bakı şəhər sakini Tamerlan Əkbərov DİN-ə ünvanladıqları məktublarında Azərbaycan Polisinin yaranmasının 100 illik yubileyi və 2 iyul – Polis Günü münasibəti ilə DİN rəhbərliyinə öz səmimi təbriklərini çatdırır, Vətənimizin keşiyində dayanan polis əməkdaşlarının yaratdıqları ictimai sabitliyə görə sonsuz təşəkkürlərini bildirirlər.

Astara rayon sakini Nail Fərzəliyev DİN-ə ünvanladığı təşəkkür məktubunda Rayon Polis Şöbəsinin rəisi Azər Cahangirovun xidməti fəaliyyətindən razılığını bildirir və uğurlu kadr təyinatına görə DİN rəhbərliyinə minnətdarlıq edir.

Sumqayıt şəhər sakini Telman Abbasov DİN-ə ünvanladığı məktubunda daxili işlər orqanlarında işləyən övladına göstərilən yüksək etimada görə DİN rəhbərliyinə təşəkkürünü bildirir.

Zərdab rayon Müharibə, Əmək və Silahlı Qüvvələr Orqanları Veteranları Təşkilatının sədri Hüseyn Həsənov DİN-ə ünvanladığı məktubunda Zərdab RPŞ-nin rəisi Teymur Hacıyevin layiqli xidməti fəaliyyəti nəticəsində rayon ictimaiyyəti arasında böyük nüfuz qazandığından razılığını bildirir.

Bakı şəhər sakini Əziz Əliyev məktubunda Mingəçevir İES-də baş vermiş qəza nəticəsində Bakı Metropolitenində sərnişinlərin evakuasiyası zamanı Azərbaycan Polisinin fədakar xidmətinə görə DİN rəhbərliyinə təşəkkürünü bildirir.

Mingəçevir şəhər sakini İlhamə Fətullayeva azyaşlı oğluna qarşı törədilmiş cinayətin açılmasında göstərdiyi operativliyə və obyektivliyə görə Şəhər Polis Şöbəsinin rəhbərliyinin, xüsusən müstəntiq Şəmsəddin Balayevin xidməti fəaliyyətindən razılığını ifadə edir, Azərbaycan Polisinin hər zaman haqq-ədalətin yanında olduğuna görə DİN rəhbərliyinə minnətdarlığını bildirir.

Cəlilabad rayon sakini Elman Eynullayev DİN-ə ünvanladığı məktubunda şikayət ərizəsinin qısa müddətdə peşəkarlıqla araşdırılmasını və ədalətin bərpa olunmasını təmin etdiklərinə görə Daxili İşlər Nazirliyinin rəhbərliyinə təşəkkürünü bildirir.

Lənkəran şəhər sakini Mirsədi Mirizadə baş vermiş oğurluq hadisəsinin üstünün açılmasına və oğurlanmış əşyasının tapılaraq ona qaytarılmasına görə Daxili İşlər Nazirliyinin rəhbərliyinə və Rayon Polis Şöbəsinin rəisi İslam Hümbətova minnətdarlığını bildirir.