Astara rayonunun Vaqo kənd sakini Əlif Babayev öz təşəkkür məktubunda etdiyi müraciətin obyektiv araşdırılmasına görə DİN rəhbərliyinə, həmçinin Astara RPŞ-nin rəisi Azər Cahangirova minnətdarlığını ifadə edir.

Xaçmaz şəhər sakini Namiq Feyzullayev DİN rəhbərliyinə ünvanladığı təşəkkür məktubunda rayon ərazisində ictimai asayişin və yollarda təhlükəsizliyin təmin olunmasında göstərilən xidmətlərə görə Rayon Polis Şöbəsinin rəhbərliyinə və əməkdaşlarına minnətdarlığını ifadə edir.

Bakı şəhər sakini, II-ci qrup Qarabağ əlili Bəylər Teymurov və Sumqayıt şəhər sakini, I-ci qrup Qarabağ əlili Nəcəf Cəfərli səhhətlərində yaranan problem zamanı onlara göstərilən tibbi xidmətə görə DİN-in A.Heydərov adına Respublika Hospitalının rəhbərliyinə və bütün tibbi personala təşəkkürlərini bildirirlər.

Füzuli rayonunun Mirzənağılı kəndində yaşayan İlkin Əhmədov DİN rəhbərliyinə ünvanladığı təşəkkür məktubunda xidməti fəaliyyətini layiqli yerinə yetirdiyinə görə Rayon Polis Şöbəsinin rəisi Xəqani Məmmədova minnətdarlığını bildirir.

Bakı şəhər sakini Əlövsət Məmmədquliyev DİN-ə ünvanladığı məktubunda evində baş vermiş oğurluq hadisəsinin üstünün tez bir zamanda açılmasında və ona dəyən ziyanın ödənilməsində göstərdikləri köməyə görə Sabuncu Rayon Polis İdarəsinin əməkdaşlarına təşəkkürünü bildirir.

Bakı şəhər sakini Elxan Abdullayev DİN-ə ünvanladığı məktubunda bildirir ki, ötən il dekabrın 16-da Tovuz rayonundan Bakıya qayıdarkən səhhəti qəflətən pisləşdiyindən avtomobilini kənara çəkib saxlayıb. Bu zaman maşınına yaxınlaşan həmin ərazidə xidmət aparan Yol Patrul Xidmətinin əməkdaşları ona ilkin tibbi yardım göstərib, səhhəti qaydasına düşəndən sonra yola salıblar.

E.Abdullayev qeyd edir ki, həmin vəziyyətdə ona göstərilən diqqət və qayğını sözlə ifadə etmək mümkün deyil. O, bu yüksək mənəvi keyfiyyətlərinə, diqqət və qayğıya görə DİN rəhbərliyinə, həmçinin Baş Dövlət Yol Polisi İdarəsinin 9-cu taqımının əməkdaşları Arif İmranova və İsa Abdullayevə dərin təşəkkürünü bildirir.

Bakı şəhər sakini, Azərbaycan Dövlət İqtisad Universitetinin dosenti Natiq Qurbanov DİN rəhbərliyinə ünvanladığı təşəkkür məktubunda Biləsuvar rayonu ərazisində qarşılaşdığı problemin həllində ona və ailə üzvlərinə yardım göstərdiklərinə görə polis əməkdaşları Daşqın Quliyev və Araz Rzayevə minnətdarlığını bildirir.

Bakı şəhər sakini Anar Qazıbəyov öz təşəkkür məktubunda üzləşdiyi çətinliklə bağlı ona göstərilən köməkliyə, həmçinin ictimai qaydanın və ictimai təhlükəsizliyin təmin edilməsinə və cinayətkarlığa qarşı aparılan mübarizəyə görə DİN rəhbərliyinə minnətdarlığını bildirir.

Masallı rayonunun Öncəqala kənd sakini Müstəqim Bəşirov DİN rəhbərliyinə ünvanladığı təşəkkür məktubunda Bakı şəhəri ərazisində axşam saatlarında hərəkətdə olarkən özünə məxsus avtomobildə nasazlıq yaranan zaman Səbail RPİ-nin DYP şöbəsinin yol patrul xidmətinin inspektoru Elşən Əsədovun yaxınlaşaraq qısa zamanda bu nasazlığı aradan qaldırdığını bildirir və öz minnətdarlığını ifadə edir.