Astara rayonunun Kijəbə qəsəbə sakini Oğlan Baxşıyev DİN rəhbərliyinə ünvanladığı təşəkkür məktubunda etdiyi müraciətə operativ cavab verilməsinə və obyektiv şəkildə araşdırılmasına görə Astara RPŞ-nin rəhbərliyinə öz minnətdarlığını bildirir.

Bakı şəhər sakini, 2-ci qrup Qarabağ əlili Bəylər Teymurov DİN-ə ünvanladığı məktubunda Şağanda yerləşən əlillərin müalicə pansionatında xidmət aparan mühafizə polisinin səmimi və xoş rəftarına görə təşəkkürünü bildirir.

Bakı şəhər sakini Nigar Cəfərova DİN-ə ünvanladığı məktubda şikayətinə tez bir zamanda baxıldığına, üzləşdiyi cinayət hadisəsinin tez bir zamanda açılmasına görə DİN rəhbərliyinə, eləcə də əməyi olan əməkdaşlara öz minnətdarlığını bildirir.

Quba rayonunun Amsar kənd sakini Aysel Nağıyeva DİN-ə təşəkkür məktubu ünvanlayıb. O, Quba Rayon Polis Şöbəsinə etdiyi müraciətinə həssaslıqla yanaşıldığını və ədalətli baxıldığını bildirir, ona dəymiş maddi ziyanın tam ödətdirildiyini qeyd edir. A.Nağıyeva polis əməkdaşlarının vətəndaşların müraciətlərinə belə həssaslıqla yanaşdıqlarına, göstərilən diqqət və qayğıya görə DİN rəhbərliyinə, həmçinin Quba Rayon Polis Şöbəsinin əməkdaşlarına təşəkkürünü bildirir.

Bakı şəhər sakini Etibar Məmmədov DİN-ə ünvanladığı məktubunda Azərbaycan Respublikasından getmək hüququ müvəqqəti məhdudlaşdırılmış axtarışda olan mülki-hüquqi öhdəliklərin icrasından yayınan şəxslər (borclular) barədə DİN-in internet saytında yerləşdirilmiş məlumatı təqdir edir, həmin saytdan operativ məlumat aldığını qeyd edərək bu cür xidmətə görə DİN rəhbərliyinə təşəkkürünü bildirir.

Bakı şəhər sakini Mikayıl Mirzəzadə DİN-ə ünvanladığı təşəkkür məktubunda müştəriləri ilə arasında baş vermiş narazılığın aradan qaldırılmasında “102 Xidməti Zəng Mərkəzinə” etdiyi müraciətə operativ reaksiya verildiyinə, lazımi zəruri tədbirlərin həyata keçirildiyinə və göstərdiyi köməkliyə görə DİN rəhbərliyinə, eləcə də Nəsimi RPİ-nin 19-cu PB-nin əməkdaşlarına minnətdarlığını ifadə edir.

Bakı şəhər sakini Elmira Məmmədova DİN-ə ünvanladığı minnətdarlıq məktubunda ictimai asayişin və ictimai təhlükəsizliyin təmin olunmasında daxili işlər orqanlarının fədakar xidmətlərinə görə DİN rəhbərliyinə təşəkkürünü bildirir.

Bakı şəhər sakini Sevda Əliyeva DİN rəhbərliyinə və “Xəzri” İstirahət və Sağlamlıq Mərkəzinin menecerləri Abdulla İsmayılzadəyə, Fuad Zeynalova və mərkəzin müavini Elmir Abasova yaradılan şəraitdən, müasir avadanlıqlardan, səliqə-sahmandan, personalın səmimi və qayğıkeş münasibətindən razılığını bildirir.

Bakı şəhər sakini Cavid Qurbanov şikayət məktubunda üzləşdiyi problemin qısa zamanda operativ şəkildə həll olunmasında, dəymiş ziyanın ödənilməsinə görə DİN rəhbərliyinə və Bakı şəhər BPİ-nin əməkdaşlarına minnətdarlığını bildirir.