Vətəndaş Zakir Süleymanov DİN rəhbərliyinə ünvanladığı təşəkkür məktubunda inzibati qaydada həbs olunduğu müddətdə Mingəçevir ŞPŞ-nin müvəqqəti saxlama yerində ona göstərilən köməkliyə, xoş münasibət və rəftara görə, rəis, polis polkovniki Teymur Hacıyevə və digər əməkdaşlara öz minnətdarlığını bildirir.

Vətəndaş Cavanşir Nəsirov DİN rəhbərliyinə ünvanladığı təşəkkür məktubunda İsmayıllı RPŞ-yə etdiyi müraciətlə əlaqədar ona göstərilən köməkliyə görə, RPŞ-nin rəisi, polis polkovniki Şəmşir Kazımova və digər əməkdaşlara öz minnətdarlığını bildirir.

Şəhid ailələri, Əlillər və Müharibə Veteranlarının Müdafiəsi İctimai Birliyinin Gədəbəy rayon şöbəsinin sədri İbrahim Əliyev Daxili İşlər Nazirliyinə ünvanlandığı məktubda Rayon Polis Şöbəsi əməkdaşlarının asayişin və ictimai təhlükəsizliyin qorunmasında göstərdiyi layiqli xidmətlərinin, ümumən cinayətkarlıqla, o cümlədən narkotiklərin qanunsuz dövriyyəsi ilə mübarizədə qətiyyətli tədbirlərinin təqdir olunduğunu bildirir, rayon Veteranlar Birliyinin əməkdaşları adından DİN rəhbəriyinə və Gədəbər Rayon Polis Şöbəsinin əməkdaşlarına təşəkkürünü bildirir.

Bakı şəhər sakini Asif Musayev DİN-ə ünvanladığı məktubunda bildirir ki, avqustun 23-də gecə saatlarında idarə etdiyi “Mitsubishi” markalı avtomobildə qəflətən səhhəti pisləşib və idarəetmə qabiliyyətini itirdiyindən maşını yolun kənarına çəkərək saxlayıb. Bu zaman həmin ərazidə 99 YP 335 dövlət qeydiyyat nişanlı Yol Patrul Xidməti avtomobilində xidmət aparan iki polis əməkdaşı ona yaxınlaşaraq vəziyyəti ilə maraqlanıb. Özünü pis hiss etdiyindən polis əməkdaşları avtomobilini idarə edərək onu təcili 1 saylı Təcili Yardım Stansiyasına çatdırıblar. Xəstəyə ilkin tibbi yardım göstərilib və lazımi prosedurlar yekunlaşana qədər polis əməkdaşları onun yanında olublar. A.Musayev bu yüksək mənəvi keyfiyyətlərinə, diqqət və qayğıya görə DİN rəhbərliyinə, həmçinin Yol Patrul Xidmətinin əməkdaşları, polis baş serjantları Şamil Fərmanova və Orxan Əliyevə dərin təşəkkürünü bildirir.

Quba rayon sakini Ehtiram Əliyev DİN rəhbərliyinə ünvanladığı təşəkkür məktubunda etdiyi müraciətə operativ cavab verilməsinə və obyektiv şəkildə araşdırılmasına görə DİN və QubaRPŞ-nin rəhbərliyinə öz minnətdarlığını bildirir.

Vətəndaş Şahid Kərimov DİN rəhbərliyinə ünvanladığı təşəkkür məktubunda vətəndaşlara göstərdikləri köməkliyə və nümunəvi xidmətə görə, Qax RPŞ-nin əməkdaşlarına öz minnətdarlığını bildirir.

Bakı şəhər sakini Tariverdi Vəliyev DİN-ə ünvanlandığı müraciətinə onun iştirakı ilə operativ baxılaraq qısa müddətdə həllini tapdığına görə təşəkkürünü bildirir.

Bakı şəhər sakini E.A DİN-in İnsan Alverinə Qarşı Mübarizə Baş İdarəsi əməkdaşlarının keçirdikləri əməliyyat-axtarış tədbirləri nəticəsində ona qarşı cinayət əməli törədən şəxsin ifşa olunmasına görə DİN rəhbərliyinə, həmçinin İnsan Alverinə Qarşı Mübarizə Baş İdarəsinin əməkdaşlarına təşəkkürünü bildirir.

Cəlilabad rayonunun Üçtəpə kənd sakini Ağabəy Şahbazov DİN rəhbərliyinə ünvanladığı təşəkkür məktubunda vətəndaşlara qarşı sərgilənən yüksək mədəni davranışa, səsləndirilən məsələlərə və onların qayğılarına həssaslıqla yanaşılmasına görə Cəlilabad RPŞ-nin rəisi, polis polkovniki Mübariz Quliyevdən razılığını ifadə edir.