Sabirabad rayonunun İcra Hakimiyyətinin başçısı Siraqəddin Cabbarov DİN-ə ünvanladığı təşəkkür məktubunda ictimai-siyasi sabitliyin qorunmasında, qanunsuz küçə ticarətinin qarşısının alınmasında göstərdiyi əzimkarlığa və köməkliyə görə minnətdarlığını ifadə edir.

Xəzər rayonunun Binə qəsəbə sakini Böyükxanım Cabbarova DİN-ə ünvanladığı minnətdarlıq məktubunda cinayətkar qrup və dəstələrin ifşa edilib tutulmasında narkotiklərin qanunsuz dövriyyəsinə qarşı mübarizənin gücləndirilməsində, qəsəbədə yaradılmış sabitliyə, əmin-amanlığa görə vəzifə borclarının öhdəsindən layiqincə gələn Rayon Polis İdarəsinin 3-cü PB-nin əməkdaşlarına təşəkkürünü bildirir.

Salyan rayon sakini İbadət Salahov DİN rəhbərliyinə ünvanladığı təşəkkür məktubunda müraciətinə tez bir zamanda baxılaraq probleminin müsbət həllini tapmasında ona göstərilən köməyə görə Salyan Rayon Polis Şöbəsinin rəisi, polis polkovniki Cəbrayıl Vəliyevə minnətdarlığını bildirir.

Sabirabad rayonunun Qarağac kənd sakini Aminə Bayramova DİN rəhbərliyinə ünvanladığı təşəkkür məktubunda ona qarşı dələduzluq edilməsi ilə bağlı polisə etdiyi müraciətin peşəkarlıqla araşdırılaraq cinayətkarın məsuliyyətə cəlb olunmasında göstərdikləri xidmətə görə Sabirabad RPŞ və Qaragüney PB-nin rəhbərliklərinə minnətdarlığını bildirir.

Qarabağ müharibəsi veteranı, Goranboy rayon sakini Rauf Dadaşov DİN rəhbərliyinə ünvanladığı təşəkkür məktubunda BDYPİ-nə bilavasitə tabe olan Gəncə regional qeydiyyat-imtahan və texniki baxış şöbəsinin rəhbərliyinə və əməkdaşlarına vətəndaş müraciətlərinə və onların qayğılarına həssaslıqla yanaşılmasına görə öz minnətdarlığını bildirir.

Salyan rayonunun Həsənli kənd sakini Xatirə Sarıyeva cari il sentyabrın 13-də Ələt-Astara yolunun rayonun Xıdırlı kəndi ərazisindən keçən hissəsində ağır yol qəzasına düşdüklərini bildirir.

X.Sarıyeva baş vermiş hadisənin Baş İstintaq və Təhqiqat İdarəsinə bilavasitə tabe olan Yol-nəqliyyat hadisələrinə dair işlər üzrə istintaq və təhqiqat şöbəsində obyektiv araşdırıldığına, hüquq və vəzifələrinin izah olunduğuna, həmçinin dəymiş maddi və mənəvi ziyanın qismən ödətdirildiyinə görə ailəsi adından DİN rəhbərliyinə və Baş İstintaq və Təhqiqat İdarəsinə bilavasitə tabe olan Yol-nəqliyyat hadisələrinə dair işlər üzrə istintaq və təhqiqat şöbəsinin əməkdaşlarına minnətdarlığını bildirir.

Ağstafa rayonunun Köçəsgər kənd sakini Sədaqət Məmmədova DİN rəhbərliyinə ünvanladığı təşəkkür məktubunda itmiş mobil telefonunun tapılaraq geri qaytarılmasına və ona dəymiş maddi ziyanın ödənilməsində göstərilən köməkliyə görə DİN və Ağstafa RPŞ-nin rəhbərliklərinə öz minnətdarlığını bildirir.

Şəhid atası Pirəli Orucəliyev öz təşəkkür məktubunda bu qurumda gənc əməkdaşlara göstərilən diqqət və qayğıdan razılığını ifadə edir, həmin diqqətdən onun ailəsinə də sevinc payı düşdüyünü yazır. Digər oğluna zabit rütbəsi verilərək xidmətdə irəli çəkilməsinə görə DİN rəhbərliyinə minnətdarlığını bildirir.

Bakı şəhər sakini Kənan Qasımov DİN-ə ünvanlandığı təşəkkür məktubunda müraciətinə Yasamal RPİ-nin Dövlət Yol Polisi Şöbəsində operativ baxılaraq həllini tapdığına görə minnətdarlığını bildirir.