Bakı şəhər sakini Qırxlar Bədəlov üzləşdiyi dələduzluq hadisəsinin obyektiv araşdırılmasına görə DİN rəhbərliyinə minnətdarlığını ifadə edir.

Sosial şəbəkə istifadəçisi Zamiq Ələkbərov DİN-in “Instagram” səhifəsinə yazdığı mesajında metropoliten ərazisində pulunu itiriməsi ilə bağlı etdiyi müraciətə çecik reaksiya verilməsinə və həmin pulun tapılaraq ona qaytarılmasına görə Metropolitendə Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Nəsrəddin Tarverdizadə DİN-in “Instagram” səhifəsinə yazdığı mesajında dələduzluqla üzləşməsi ilə bağlı müraciətinə operativ baxılmasına və ona dəymiş maddi ziyanın ödənilməsinin təmin edilməsinə görə Xətai RPİ-nin 35-ci Polis Şöbəsinin əməkdaşlarına təşəkkürünü bildirir.

Vətəndaş Elnarə Musayeva DİN-in “Instagram” səhifəsinə yazdığı mesajında müraciəti ilə bağlı lazımi köməyin göstərilməsinə, ona dəymiş maddi ziyanın ödənilməsinin təmin edilməsinə, vətəndaşların hüquq və mənafelərinin etibarlı qorunmasına görə Nərimanov RPİ-nin 16-cı Polis Şöbəsinin rəhbərliyinə təşəkkürünü bildirir.

Bakı şəhəri Binəqədi rayon sakini Bənövşə Əliyeva DİN-ə yazdığı məktubunda yaşadığı ərazidə ictimai asayişin etibarlı qorunmasına, bu istiqamətdə aparılan profilaktik tədbirlərə görə Binəqədi RPİ-nin 6-cı Polis Bölməsinin əməkdaşlarına təşəkkürünü bildirir.

Cəlilabad rayon Qarazəncir kənd tam orta ümumtəhsil məktəbinin direktoru Hasil Bayramov DİN-ə yazdığı məktubunda yol hərəkəti təhlükəsizliyinin etibarlı təmin olunması, o cümlədən məktəblilərin rahat hərəkətinin təmini məqsədilə təhsil müəssisəsinin qarşısına işıqfor quraşdırılmasına görə Baş Dövlət Yol Polisi İdarəsinin rəhbərliyinə və aidiyyəti əməkdaşlarına təşəkkürünü bildirir.

Biləsuvar rayon sakini Emin Paşazadə DİN-ə yazdığı məktubunda müraciətinə operativ baxılaraq qanunamüvafiq qaydada tədbirlərin görülməsinə görə Xətai Rayon Polis İdarəsinin  rəhbərliyinə təşəkkürünü bildirir.

Bakı şəhər sakini Sevda Nəsirova DİN-ə yazdığı məktubunda xidməti vəzifələrinin öhdəsindən layiqincə gəldiklərinə, yüksək peşəkarlığa və operativliyə görə İsmayıllı Rayon Polis İdarəsinin əməkdaşlarına təşəkkürünü bildirir.

Cəlilabad rayon sakini Xalid Abuşov DİN-ə yazdığı məktubunda onu narahat edən problemlə bağlı müraciətinə operativ baxılmasına və lazımi köməyin göstərilməsinə görə Abşeron Rayon Polis İdarəsinin əməkdaşlarına təşəkkürünü bildirir.