Vətəndaş Könül Məmmədova “Instagram” sosial şəbəkəsi vasitəsilə etdiyi müraciətində dələduzluq nəticəsində ona maddi ziyan dəydiyini və bununla bağlı DİN-in “102” Xidməti-Zəng Mərkəzinə müraciət etdiyini bildirir. O, müraciəti əsasında Nərimanov Rayon Polis İdarəsinin 18-ci Polis Şöbəsinin əməkdaşları tərəfindən operativ tədbirlərin həyata keçirildiyini, nəticədə ona dəymiş maddi ziyanın tam ödənildiyini qeyd edir. K.Məmmədova müraciətinə həssas yanaşıldığına, göstərilən köməkliyə və operativliyə görə DİN rəhbərliyinə və Nərimanov Rayon Polis İdarəsinin 18-ci Polis Şöbəsinin əməkdaşlarına təşəkkürünü bildirir, onlara çətin və şərəfli xidmətlərində uğurlar arzulayır.

Vətəndaş İlqar Sultanov “Instagram” sosial şəbəkəsi vasitəsilə etdiyi müraciətində özünə məxsus sənədlərin olduğu pul kisəsini itirdiyini bildirir. O, pul kisəsinin tapılaraq özünə təhvil verildiyini qeyd edir. İ.Sultanov göstərilən diqqətə və operativliyə görə Səbail Rayon Polis İdarəsinin 9-cu Polis Şöbəsinin əməkdaşlarına təşəkkürünü bildirir, Azərbaycan polisinin fəaliyyətini yüksək qiymətləndirdiyini vurğulayır.

Vətəndaş Emin Tahirov elektron müraciətində Naxçıvan şəhəri ərazisində baş vermiş yol-nəqliyyat hadisəsi ilə bağlı aparılan araşdırmadan razı qaldığını bildirir. O, müraciətinə diqqətlə baxıldığını, hadisə ilə əlaqədar hərtərəfli araşdırma aparıldığını və ona zəruri köməklik göstərildiyini qeyd edir. E.Tahirov göstərilən diqqət və obyektiv yanaşmaya görə DİN rəhbərliyinə, Naxçıvan Muxtar Respublikası Daxili İşlər Nazirliyinin rəhbərliyinə və Naxçıvan Şəhər Polis İdarəsinin əməkdaşlarına təşəkkürünü bildirir, onların fəaliyyətində uğurlar arzulayır.

Vətəndaş Ayaz Məmmədli “Instagram” sosial şəbəkəsi vasitəsilə etdiyi müraciətində Şahbuz rayonu ərazisində yolda qaldığını və bununla əlaqədar polis əməkdaşlarından kömək istədiyini bildirir. O, müraciətinə qısa müddətdə reaksiya verildiyini və probleminin operativ şəkildə həll olunduğunu qeyd edir. A.Məmmədli göstərilən köməyə və həssas münasibətə görə DİN rəhbərliyinə, Naxçıvan Muxtar Respublikası Daxili İşlər Nazirliyinin rəhbərliyinə və Şahbuz Rayon Polis Şöbəsinin əməkdaşlarına təşəkkürünü ifadə edir.

Vətəndaş Habil Süleymanov müraciətində telefonunun itməsi və bank kartından pul vəsaitinin oğurlanması ilə bağlı Babək Rayon Polis İdarəsinə müraciət etdiyini bildirir. O qeyd edir ki, aparılmış araşdırmalar nəticəsində hadisəni törədən şəxslər müəyyən olunub, ona dəymiş maddi ziyan tam şəkildə ödənilib. H.Süleymanov müraciətinin müsbət həllinə və göstərilən köməyə görə DİN rəhbərliyinə, Naxçıvan Muxtar Respublikası Daxili İşlər Nazirliyinin rəhbərliyinə və Babək Rayon Polis İdarəsinin əməkdaşlarına minnətdarlığını bildirir.

Vətəndaş Valeh Alməmmədov “Instagram” sosial şəbəkəsi vasitəsilə etdiyi müraciətində mobil telefonunun itməsi ilə bağlı Şahbuz Rayon Polis Şöbəsinə müraciət etdiyini bildirir. O, polis əməkdaşları tərəfindən aparılan tədbirlər nəticəsində mobil telefonunun tapıldığını və ona təhvil verildiyini qeyd edir. V.Alıməmmədov müraciətinə operativ baxıldığına və göstərilən köməyə görə DİN rəhbərliyinə, Naxçıvan Muxtar Respublikası Daxili İşlər Nazirliyinin rəhbərliyinə və Şahbuz Rayon Polis Şöbəsinin əməkdaşlarına təşəkkürünü bildirir.

Vətəndaş Nərgiz Dadaşova “Instagram” sosial şəbəkəsi vasitəsilə etdiyi müraciətində bank kartından vəsaitinin dələduzluq yolu ilə ələ keçirildiyini və bununla bağlı Nəsimi Rayon Polis İdarəsinə müraciət etdiyini bildirir. O qeyd edir ki, müraciəti qısa müddətdə araşdırılıb, həyata keçirilən operativ tədbirlər nəticəsində ona dəymiş maddi ziyan tam şəkildə ödənilib. N.Dadaşova göstərilən diqqətə, operativ fəaliyyətə və vətəndaş müraciətinə həssas yanaşmaya görə DİN rəhbərliyinə və Nəsimi Rayon Polis İdarəsinin əməkdaşlarına minnətdarlığını ifadə edir, onlara xidmətlərində uğurlar arzulayır.

Vətəndaş İsmayıl Allahverdiyev “Instagram” sosial şəbəkəsi vasitəsilə etdiyi müraciətində Şahbuz Rayon Polis Şöbəsinə ünvanladığı müraciətin qısa müddətdə araşdırılaraq müsbət həll olunduğunu bildirir. O, müraciətinə göstərilən diqqət və operativ yanaşmadan razı qaldığını qeyd edir. İ.Allahverdiyev müraciətinin müsbət həllinə görə DİN rəhbərliyinə, Naxçıvan Muxtar Respublikası Daxili İşlər Nazirliyinin rəhbərliyinə və Şahbuz Rayon Polis Şöbəsinin əməkdaşlarına təşəkkürünü bildirir.

Vətəndaş Nurlan Cəlilov “Instagram” sosial şəbəkəsi vasitəsilə etdiyi müraciətində avtomobilinin yanacağının bitməsi səbəbindən yolda çətin vəziyyətdə qaldığını bildirir.O qeyd edir ki, Şahbuz Rayon Polis Şöbəsinin əməkdaşları tərəfindən ona operativ köməklik göstərilib və problemi qısa müddətdə aradan qaldırılıb. N.Cəlilov göstərilən diqqət və dəstəyə görə DİN rəhbərliyinə, Naxçıvan Muxtar Respublikası Daxili İşlər Nazirliyinin rəhbərliyinə və Şahbuz Rayon Polis Şöbəsinin əməkdaşlarına minnətdarlığını ifadə edir.