Sosial şəbəkə istifadəçisi Xəyal Əsgərov DİN-in “Instagram” səhifəsinə yazdığı mesajında onu narahat edən məsələ ilə bağlı müraciətinə operativ baxıldığını və lazımi köməyin göstərildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, göstərilən köməklik üçün Nəsimi Rayon Polis İdarəsinin əməkdaşlarına təşəkkür edir. 

Sosial şəbəkə istifadəçisi Vüsal Əhmədov DİN-in “Instagram” səhifəsinə təşəkkür mesajı yazıb. O, iştirakçısı olduğu yol-nəqliyyat hadisəsi ilə bağlı Nərimanov RPİ-nin Təhqiqat Şöbəsində aparılan araşdırmanın gedişindən məmnun qaldığını bildirir, operativliyə və obyektivliyə görə Nərimanov RPİ-nin əməkdaşlarına minnətdarlığını ifadə edir.

Masallı rayon sakini Gülyaz Həsənova DİN-ə yazdığı məktubunda Bakı şəhəri ərazisində üzləşdiyi yol-nəqliyyat hadisəsinin operativ, obyektiv və yüksək peşəkarlıqla araşdırılmasına görə BŞBPİ-nin Dövlət Yol Polisi İdarəsinin əməkdaşlarına təşəkkürünü bildirir.

Masallı rayon sakini Qurbanxan Zeynalov DİN-ə təşəkkür məktubu yazıb. O, üzləşdikləri yol-nəqliyyat hadisəsi zamanı hadisə yerinə operativ qaydada yaxınlaşaraq onlara lazımi köməklik göstərdiklərinə, humanistliyə və yüksək peşəkarlığa görə BDYPİ-nin Yol Patrul Xidməti Alayının 11-ci tağımının əməkdaşlarına minnətdarlığını bildirir.

Gəncə şəhər sakini Nəsimi Muxtarov Daxili İşlər Nazirliyinə ünvanladığı təşəkkür məktubunda ictimai asayişi ayıq-sayıq qoruyan, obyektiv və operativ olan, vətəndaş müraciətlərinə həssaslıqla yanaşan və xidməti vəzifələrini layiqincə yerinə yetirən Qaradağ RPİ-nin əməkdaşlarına minnətdarlığını bildirir, çətin və şərəfli xidmətlərində uğurlar arzulayır.

Vətəndaş Erkin Rüstəmov DİN-in “İnstagram” səhifəsinə təşəkkür mesajı ünvanlayıb: Mən Erkin Rüstəmov, 27.05.2026-cı il tarixdə 102 xidmətinə etdiyim Rəqsanə adlı müğənninin restoranımıza olan 1792 manat borcunu ödəməməsi ilə bağlı etdiyim müraciətimə dərhal baxılmış bizə dəymiş ziyan ödənilmiş və aramızda barışıq olmuşdur. Bu səbəbdən başda Daxili İşlər Nazirləri olaqla Naxçıvan Şəhər Polis İdarəsinin əməkdaşlarına təşəkkür edirəm.

Vətəndaş Kamran Budaqov DİN-in “İnstagram” səhifəsinə təşəkkür mesajı ünvanlayıb:  Mən Budaqov Kamran Namiq oğlu, Xətai RPİ 35-ci Polis Şöbəsinə müraciət etmişdim. Müraciətimlə bağlı polis əməkdaşı tərəfindən mənə köməklik göstərilmişdir. Buna görə Daxili İşlər Naziri cənab Vilayət Eyvazova və Xətai Rayon Polis İdarəsinin rəhbərliyinə öz təşəkkürümü bildirirəm.

Vətəndaş Hamlet Rüstəmov DİN-in “İnstagram” səhifəsinə təşəkkür mesajı ünvanlayıb: Hörmətli cənab Nazir! 10 MM 781 nömrə nişanlı Hyundai Sonata markalı avtomobilimlə qəza keçirmişdim. Hadisə yerinə Bakı şəhər DYP idarəsinin hadisə üzrə inspektoru polis kapitanı Anar Rəsulov 90 YP 543 nömrəki patrul avtomobili ilə gəlmişdir. Hadisəyə dırhal reaksiya verildi və sənədləşmənin sürətlə icra olunması ilə bağlı Sizə bir vətəndaş kimi öz dərin minnətdarlığımı bildirirəm.

Vətəndaş Turan Səlimov DİN-in “İnstagram” səhifəsinə təşəkkür mesajı ünvanlayıb:   Mən Səlimov Turan Səlim oğlu, 07.04.2026-cı il tarixdə DİN-in 102 xidmətinə və Nəsimi RPİ-nin 21-ci PŞ-nə müraciət etmişdim. Bildirmək istəyirəm ki, mənə dəymiş maddi ziyan tam ödənilmişdir. Daxili İşlər Nazirliyinə, Nəsimi Rayon Polis İdarəsinə və bütün Azərbaycan Polisinə dərin təşəkkürümü bildirirəm. Var olsun Azərbaycan Polisi, sağ olsun Azərbaycan Polisi!