Bakı şəhər sakini Tural Səfərli DİN-in “Facebook” səhifəsinə yazdığı təşəkkür mesajında müraciəti ilə əlaqədar Xətai RPİ-nin Dövlət Yol Polisi Şöbəsində yüksək hörmətlə qarşılandığını və obyektiv araşdırma aparılaraq  müraciətinin qısa müddətdə müsbət həll olunduğunu qeyd edir. O, göstərilən yüksək diqqət və qayğıya görə DİN rəhbərliyinə və Xətai RPİ-nin Dövlət Yol Polisi Şöbəsinin əməkdaşlarına təşəkkürünü bildirir, çətin və şərəfli xidmətlərində onlara uğurlar arzulayır. 

Vətəndaş Səbuhi Ələkbərov avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışlarına görə DİN rəhbərliyinə və Nərimanov RPİ-nin Dövlət Yol Polisi Şöbəsinin əməkdaşlarına minnətdarlığını bildirir, polis əməkdaşlarına çətin və şərəfli işlərində uğurlar arzulayır.

Vətəndaş Aygün Budaq Daxili İşlər Nazirliyinin sosial şəbəkə səhifəsinə yazdığı mesajında ictimai asayişi ayıq-sayıq qoruyan, obyektiv və operativ olan, vətəndaş müraciətlərinə həssaslıqla yanaşan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Vətəndaş Valeh Hüseynov DİN-in “Facebook” səhifəsinə təşəkkür mesajı yazıb. O, barəsində tərtib olunmuş protokolla bağlı səhifə vasitəsilə etdiyi müraciəti ilə əlaqədar Sumqayıt şəhər Dövlət Yol Polisi İdarəsinə dəvət olunduğunu, qanuni izah verilərək məsələyə aydınlıq gətirildiyini qeyd edir.

Vətəndaş İlyas Hüseynov mesajında DİN rəhbərliyinə təşəkkürünü bildirir. O, bir müddət əvvəl üzləşdiyi problemlə əlaqədar etdiyi müraciətinə operativ baxıldığını, Pirallahı Rayon Polis İdarəsi tərəfindən qısa müddətdə probleminin araşdırılaraq müsbət həll olunduğunu qeyd edir.

Vətəndaş Zaur Əhmədov müraciətinə dərhal reaksiya verildiyinə və həyata keçirilən operativ tədbirlərə görə Abşeron RPİ-nin əməkdaşlarına təşəkkürünü bildirir.

Vətəndaş Sevil Panəlizadə belə humanist polis əməkdaşlarına görə DİN rəhbərliyinə, o cümlədən xidməti vəzifələrini və peşə fəaliyyətini layiqincə yerinə yetirən Nərimanov Rayon Polis İdarəsinin əməkdaşlarına təşəkkürünü bildirir.

Vətəndaş Xəyyam Kərimov üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir. 

Bakı şəhər sakini Taciman Səfərova məktubunda üzləşdiyi yol-nəqliyyat hadisəsi ilə bağlı obyektiv araşdırma aparılaraq müraciətinin qısa müddətdə müsbət həll olunduğunu qeyd edir. Ona göstərilən yüksək diqqət və qayğıya görə DİN rəhbərliyinə təşəkkürünü bildirir, Azərbaycan polisinə çətin və şərəfli xidmətlərində uğurlar arzulayır.