Sosial şəbəkə istifadəçisi Elçin Hüseynov DİN-in “Instagram” səhifəsinə yazdığı mesajında iştirakçısı olduğu yol nəqliyyat hadisəsi ilə bağlı aparılan obyektiv araşdırmaya, göstərilən lazımi köməyə görə Nərimanov Rayon Polis İdarəsinin rəhbərliyinə və təhqiqat şöbəsinin əməkdaşlarına təşəkkürünü bildirir.

Lənkəran şəhər sakini Elmira Aslanova DİN-ə yazdığı məktubunda ona məxsus yaşayış evindən oğurluq edən şəxsin müəyyən olunaraq məsuliyyətə cəlb edilməsinə görə DİN rəhbərliyinə təşəkkürünü bildirir.

Yardımlı rayon sakini Fərid Bağışov DİN-ə yazdığı məktubunda müraciəti ilə əlaqədar Yardımlı Rayon Polis İdarəsinin rəhbərliyi tərəfindən qəbul edilməsinə və vətəndaş məmnunluğunun təmin edilməsinə görə təşəkkürünü ifadə edir.

İmişli rayon sakini Çingiz Allahverdiyev DİN-ə ünvanladığı təşəkkür məktubunda etdiyi müraciətinin müsbət həll olunmasına görə başda DİN rəhbərliyi olmaqla, İmişli RPŞ-nin rəhbərliyinə və əməkdaşlarına minnətdarlığını bildirir.

Sosial şəbəkə istifadəçiləri Nazir Hacıyev, Samir Zeynalabdinov və Səid Əliyev xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Nərimanov RPİ-nin rəhbərliyinə və əməkdaşlarına təşəkkür edirlər.

Vətəndaş Cerhun Hümbətli Daxili İşlər Nazirliyinin “İnstagram” səhifəsinə təşəkkür mesajı yazaraq xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Pirallahı RPİ-nin rəhbərliyinə və əməkdaşlarına təşəkkür edir. 

Vətəndaş Zahid Şıxcanov üzləşdiyi problem ilə bağlı etdiyi müraciətinə operativ reaksiya verilməsinə görə başda DİN rəhbərliyi olmaqla, Nizami RPİ-nin rəhbərliyinə və əməkdaşlarına təşəkkür edir.

Vətəndaş Qərib Muxtarov üzləşdiyi problem ilə bağlı etdiyi müraciətinə operativ reaksiya verilməsinə və müsbət həll olunmasına görə başda DİN rəhbərliyi olmaqla, Nəsimi RPİ-nin rəhbərliyinə və əməkdaşlarına təşəkkür edir.

Vətəndaşlar Rəvan Nemətov, Rövşən Mehbəliyev, Fərhad Mahmudov, Elton Cəmaləddinov, Fərhad Abdullayev, Zaur Qəribov və Sərvət Eldarov DİN rəhbərliyinə ünvanladıqları təşəkkür məktublarında ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Quba RPŞ-nin əməkdaşlarına minnətdarlıqlarını bildirirlər.