Vətəndaş və Polis
Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.
Təşəkkür məktubları
13.07.2026 - Vətəndaş Fəxrəddin Yusubov
Vətəndaş Fəxrəddin Yusubov Daxili İşlər Nazirliyinə təşəkkür məktubu ünvanlayıb. O, üzləşdiyi problemlə bağlı 23-cü Polis Bölməsinə müraciət etdiyini bildirir.
F.Yusubov müraciətinə həssas yanaşılmasına, göstərilən diqqətə və görülmüş tədbirlərlə probleminin qısa müddətdə aradan qaldırılmasına görə Nizami RPİ-nin 23-cü Polis Bölməsinə təşəkkürünü bildirir.
13.07.2026 - Bakı şəhər sakini Rəhimə Əsgərova
Bakı şəhər sakini Rəhimə Əsgərova Daxili İşlər Nazirliyinə ünvanladığı məktubunda üzləşdiyi problemlə bağlı Yasamal Rayon Polis İdarəsinin 29-cu Polis Şöbəsinə müraciət etdiyini qeyd edir. R. Əsgərova vətəndaş müraciətlərinə həssas yanaşılmasına və operativliyə görə 29-cu Polis Şöbəsinin əməkdaşlarına təşəkkürünü bildirir, peşə bayramı münasibətilə polis əməkdaşlarını təbrik edir.
13.07.2026 - Vətəndaş Ayxan Abbasov
Vətəndaş Ayxan Abbasov DİN-in “Instagram” səhifəsinə təşəkkür mesajı ünvanlayıb: “13.06.2026-cı il tarixində paytaxtın Nərimanov rayonu ərazisində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim və aparılan işdən çox razı qaldım. Azərbaycan polisinə dərin minnətdarlığımı bildirirəm”.
13.07.2026 - Bakı şəhər sakini Sevinc Qocayeva
Bakı şəhər sakini Sevinc Qocayeva Daxili İşlər Nazirliyinə ünvanladığı məktubunda DİN-ə etdiyi müraciətinə operativ baxıldığını, Yasamal Rayon Polis İdarəsində obyektiv araşdırma aparılaraq müsbət həll olunduğunu və dəymiş zərərin tam şəkildə ödətdirildiyini qeyd edir. DİN-in və Yasamal RPİ-nin rəhbərliyinə təşəkkürünü bildirir.
13.07.2026 - Vətəndaş Rafət Tağıyeva
Vətəndaş Rafət Tağıyeva DİN-in “Instagram” səhifəsinə mesajında üzləşdiyi məsələ ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.
13.07.2026 - Əcnəbi vətəndaş Mohammed Kalandar
Əcnəbi vətəndaş Mohammed Kalandar DİN-in “Instagram” səhifəsinə ünvanladığı təşəkkür mesajında üzləşdikləri dələduzluq faktı ilə bağlı Nərimanov Rayon Polis İdarəsinin 16-cı Polis Şöbəsinə müraciət etdiklərini bildirir. Müraciətinin obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in rəhbərliyinə və Nərimanov RPİ-nin 16-cı Polis Şöbəsinin əməkdaşlarına minnətdarlığını bildirir.
13.07.2026 - Vətəndaş Vüsal Əliyev
Vətəndaş Vüsal Əliyev DİN-in “Instagram” səhifəsinə təşəkkür mesajı yazıb. O, mesajında dələduzluq hadisəsi ilə bağlı Nərimanov RPİ-ə müraciət etdiyini, polis əməkdaşlarının müraciətinə operativ şəkildə baxdığını yazır. O, müraciətinə çevik reaksiya verilməsinə və dəymiş ziyanın ödətdirilməsinə görə Nərimanov RPİ-nin əməkdaşlarına minnətdarlığını bildirir.
13.07.2026 - Vətəndaş Ehtiram Muradov
Vətəndaş Ehtiram Muradov jurnalist fəaliyyəti zamanı göstərilən informasiya dəstəyi və diqqətə görə DİN Mətbuat Xidmətinin Şəki və Bərdə regional qruplarının əməkdaşlarına təşəkkürünü bildirir.
13.07.2026 - Sosial şəbəkə istifadəçisi Aysu Əliyeva
Sosial şəbəkə istifadəçisi Aysu Əliyeva itirdiyi əl çantasının qısa müddətdə tapılmasına göstərilən operativ köməyə görə Səbail Rayon 39-cu Polis Şöbəsinin rəhbərliyinə və əməkdaşlarına minnətdarlığını ifadə edir.
