Salyan rayon sakini Vüsalə Rüstəmova DİN-ə ünvanladıqları təşəkkür məktubunda etdiyi müraciətinin müsbət həll olunmasına görə başda DİN rəhbərliyi olmaqla, Xocavənd RPŞ-nin rəhbərliyinə və əməkdaşlarına təşəkkür edir.

Bakı şəhər sakini Eldəniz Mövlayev Daxili İşlər Nazirliyinə ünvanladığı məktubunda müraciəti ilə bağlı Bakı Şəhər Baş Polis İdarəsində aparılan şəffaf və obyektiv araşdırmaya görə DİN-in rəhbərliyinə və kollektivinə təşəkkürünü bildirir.

Bakı şəhər sakini Gülnarə Alıyeva Daxili İşlər Nazirliyinə ünvanladığı məktubunda xidməti vəzifələrini və peşə fəaliyyətini layiqincə yerinə yetirən Azərbaycan polisinə təşəkkürünü bildirir.

Şəhid ailəsi üzvü olan Abşeron rayon sakini Gülnar Abbasova Daxili İşlər Nazirliyinə ünvanladığı məktubunda rayon ərazisində ictimai asayişin və ictimai təhlükəsizliyin etibarlı təmin olunması üçün gecə-gündüz yorulmadan ayıq-sayıq xidmət aparan Abşeron RPİ-nin əməkdaşlarına minnətdarlığını bildirir, onlara çətin və şərəfli xidmətlərində uğurlar arzulayır.

Vətəndaş Zaur Ramazanov DİN-in “Instagram” səhifəsinə təşəkkür mesajı ünvanlayıb: “25.04.2026-cı il  tarixində qızıma məxsus əl çantasının və içərisində olan şəxsi əşyalarının itməsilə bağlı Səbail Rayon Polis İdarəsinin 9-cu Polis Şöbəsinə ərizə ilə müraciət etmişdim. Qısa müddətdə polis əməkdaşlarının operativ səyi nəticəsində qızıma məxsus olan əşyalar tapılaraq qaytarıldı. Öz növbəmdə 9-cu PŞ-nin rəhbərliyinə və əməkdaşlara öz minnətdarlığmı bildirirəm”.

Vətəndaş Aynur Məmmədova DİN-in “Instagram” səhifəsinə təşəkkür mesajı ünvanlayıb: “Bir qrup şəxs tərəfindən külli miqdarda pul vəsaitim dələduzluq yolu ilə ələ keçirilmişdi. Bununla bağlı Nəsimi Rayon Polis İdarəsinə müraciət etmişdim. İşimə Nəsimi Rayon Polis İdarəsinin İstintaq Şöbəsində baxıldı. Polis əməkdaşlarının müraciətimə peşəkar yanaşması nəticəsində həmin şəxslər barəsində tədbir görüldü və mənə dəymiş maddi ziyan tam şəkildə ödənildi. Müraciətimə operativ yanaşılmasına və göstərilən peşəkar münasibətə görə DİN-in və Nəsimi Rayon Polis İdarəsinin rəhbərliyinə, bu işdə əməyi olan polis əməkdaşlarına minnətdarlığımı bildirirəm”.

Vətəndaş Esmiralda Mehdiyeva DİN-in “Instagram” səhifəsinə təşəkkür mesajı ünvanlayıb: “23.04.2026-cı il tarixində Xətai Rayon Polis İdarəsinin 35-ci Polis Şöbəsinə şikayət etmişdim. Mənim şikayətim təmin olundu və mənə dəymiş maddi ziyan ödənildi. DİN-in və Xətai RPİ-nin rəhbərliyinə dərin təşəkkür və minnətdarlığımı bildirirəm”.

Bakı şəhər sakini, Qarabağ qazisi olan Tural Şirinov DİN-in “Instagram” səhifəsinə yazdığı mesajında mobil telefonunun itməsi ilə bağlı müraciət etdiyini, polis əməkdaşlarının operativliyi sayəsində telefonunun qısa müddətdə tapılaraq ona təhvil verildiyini yazır. Göstərilən diqqətə və obyektiv araşdırmalara görə DİN rəhbərliyinə və Nəsimi Rayon Polis İdarəsinə minnətdarlığını ifadə edir.

Vətəndaş Toğrul İzzətli DİN-in “Instagram” səhifəsinə yazdığı mesajında üzləşdiyi problemlə bağlı polisə müraciət etdiyini, obyektivliyə, müraciətinin qısa müddətdə müsbət həll olunmasına görə Azərbaycan Polisinə minnətdarlığını ifadə edir.