Əcnəbi vətəndaşlar Stefano Merlin Domenico və Ryan Donahue üzləşdikləri problemlərin həllində operativlik və humanistlik göstərərək onlara kömək edən Səbail Rayon Polis İdarəsinin 9-cu Polis Bölməsinin əməkdaşlarına təşəkkürlərini bildirirlər.

Jurnalist Aida Eyvazlı “Facebook” sosial şəbəkəsindəki hesabında COP29-un keçirildiyi ərazidə Azərbaycan polisinin fəaliyyətini əks etdirən fotolar paylaşaraq qeyd edib: “COP29-da DİN və BMT polislərinin gəlib-gedənləri gülərüzlə salamlayıb, hörmətlə yola salmaları da başqa bir xoş əhval-ruhiyyə yaradır. Azərbaycan polisi dünya standartlarına buradan da keçir...”.

Vətəndaş Cavid Məmmədov müraciətinə qısa müddətdə baxılaraq müsbət həll olunmasına görə DİN rəhbərliyinə təşəkkürünü bildirir.

Lerik rayon sakini Firdovsi Şükürov öz təşəkkür məktubunda ictimai asayişin qorunması və cinayətkarlığa qarşı mübarizə sahəsində görülən tədbirlərə görə DİN rəhbərliyinə minnətdarlığını bildirir.

Vətəndaş Emil Abdullayev DİN-in rəsmi “instagram” səhifəsinə ünvanladığı təşəkkür məktubunda müraciəti ilə əlaqədar Lənkəran Şəhər Rayon Polis Şöbəsinin rəhbərliyi tərəfindən qəbul edildiyini bildirir, vətəndaş məmnunluğunun təmin olunmasına görə minnətdarlığını ifadə edir.

Lənkəran şəhər sakini Zərifə Köçəriyeva mobil telefonunu oğurlayan şəxsin polis əməkdaşları tərəfindən müəyyən olunaraq saxlanılmasına və mobil telefonunun ona qaytarılmasına görə öz təşəkkürünü bildirir.

Vətəndaş Əfsanə Hüseynova Daxili İşlər Nazirliyinə ünvanladığı məktubunda müraciətinə operativ reaksiya verildiyinə görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.

Goranboy rayon sakini Allahverən Kərimov məktubunda üzləşdiyi problemlə bağlı müraciətinə operativ reaksiya verilərək müsbət həll olunmasında göstərilən köməkliyə görə Azərbaycan polisinə təşəkkürünü bildirir.

Vətəndaşlar Rahib Ələkbərov və Aygün Rüstəmova DİN-ə ünvanladıqları məktublarında xidməti vəzifələrini və peşə fəaliyyətini  layiqincə yerinə yetirdiyinə görə Azərbaycan Polisinə minnətdarlıq edir.