Abşeron rayon sakini Nuranə Əliyeva DİN-ə ünvanladıqları təşəkkür məktubunda etdiyi müraciətinin müsbət həll olunmasına və ona dəymiş maddi ziyanın ödənilməsində göstərilən köməkliklərə görə başda DİN rəhbərliyi olmaqla, Yasamal RPİ-nin rəhbərliyinə və əməkdaşlarına təşəkkür edir.

Bakı şəhər sakinləri Şamil Muxtarov və Elvin Kələntərov etdikləri müraciətlərinə həssas yanaşılmasına görə DİN rəhbərliyinə təşəkkür edirlər.

Vətəndaş Turqay Abbasov DİN-in “İnstagram” səhifəsinə təşəkkür mesajı ünvanlayıb:  Mən, Abbasov Turqay Xəyyam oğlu, Xətai rayonu Rəşid Bağırov küçəsində baş vermiş yol-nəqliyyat hadisəsinin iştirakçısı olmuşam. Hadisə zamanı Xətai Polis İdarəsinin təhqiqatçısı operativ olaraq tez bir zamanda hadisə yerinə gəlmiş, araşdırma aparan zaman da mənimlə çox səmimi qaydada rəftar etmiş və obyektiv qərar vermişdir. Azərbaycan polisinin vətəndaşa göstərdiyi bu cür diqqət və qayğıya görə mən Daxili İşlər naziri cənab Vilayət Eyvazova, Xətai Polis İdarəsinin rəhbərliyinə və təhqiqat şöbəsinə təşəkkür edirəm.

Vətəndaş Lala Hüseynova DİN-in “İnstagram” səhifəsinə təşəkkür mesajı ünvanlayıb:   Mən Hüseynova Lala adlı şəxsəm, yaşadığım Xətai rayonu, M.Müşfiq küçəsi ev 8 ünvanında qonşular tərəfindən yaradılan səs-küy ilə bağlı Xətai Rayon Polis İdarəsinin 37-ci Polis Şöbəsinə müraciət etdim. Müraciətimə dərhal və operativ reaksiya göstərildi. Buna görə başda Cənab Vilayət Eyvazov olmaqla Xətai polisinə və xüsusilə sahə rəisi Rüstəm adlı polis əməkdaşına minnətdarlığımı bildirirəm.

Vətəndaş Əli Novruzov DİN-in “İnstagram” səhifəsinə təşəkkür mesajı ünvanlayıb: Mən Novruzov Əli, yaşadığım ünvanda özümə aid sənədlərimi itirmişdim. Bununla bağlı Pirallahı Rayon Polis İdarəsinə məlumat verdim. Qısa zamanda sənədlərimin tapılmasına köməklik göstərdilər. Buna görə də, başda cənab Nazir olmaqla, Pirallahı Rayon Polis İdarəsinin əməkdaşlarına təşəkkürümü bildirirəm.

Vətəndaş Ceyhun Adayev DİN-in “İnstagram” səhifəsinə təşəkkür mesajı ünvanlayıb: Mən Adayev Ceyhun Cavid oğlu, 21.04.2026-cı il tarixində Nərimanov RPİ-nin 18-ci Polis Şöbəsinə ərizə ilə müraciət edərək təhqir olunduğumu bildirmişdim. 18-ci Polis Şöbəsinin əməkdaşları müraciətimə operativ şəkildə yanaşaraq məsələni araşdırmışlar. Buna görə başda cənab Nazir olmaqla, Nərimanov RPİ-nin rəhbərliyinə və 18-ci Polis Şöbəsinin əməkdaşlarına öz təşəkkürümü bildirirəm.

Vətəndaş Elşən Məmmədvəli DİN-in “İnstagram” səhifəsinə təşəkkür mesajı ünvanlayıb: Mən Məmmədvəli Elşən Mübariz oğlu. Dünən Pirallahı rayonuna qonaq getmişdim. Qayıdanda maşınımda nasazlıq yarandı. PPX əməkdaşları nasazlığın aradan qaldırılması üşün əlindən gələni etdi. Gördüyüm münasibət məndə bir daha polislərə qarşı sevgi yaratdı. Yaşasın, Azərbaycan polisi.

Vətəndaş Aytac Cabbarova DİN-in “İnstagram” səhifəsinə təşəkkür mesajı ünvanlayıb: Hörmətli cənab Nazir Vilayət Eyvazov, 21.04.2026-cı il tarixdə Nərimanov rayonunda baş vermiş yol-nəqliyyat hadisəsi ilə bağlı Nərimanov RPİ- nin Təhqiqat Şöbəsində aparılan araşdırmada iştirak etdim. Aparılan araşdırmadan çox razı qaldım. Buna görə Sizə öz dərin minnətdarlığımı bildirirəm.

Vətəndaş Türkan Nəsirli DİN-ə ünvanlağı məktubunda vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir.