Vətəndaş Tərlan Əskərov yol hərəkəti qaydalarının pozulmasının qarşısının alınması zamanı nümayiş etdirdiyi vətəndaş mövqeyinə görə polis əməkdaşları tərəfindən ona göstərilən diqqət, nəzakət və yüksək münasibətdən məmnunluğunu ifadə edir. O, polis əməkdaşlarının vətəndaşlarla ünsiyyətdə peşəkarlıq, hörmət və etik davranış nümayiş etdirməsini yüksək qiymətləndirərək, bu cür münasibətin cəmiyyətlə polis arasında qarşılıqlı etimadın möhkəmlənməsinə xidmət etdiyini bildirir və DİN rəhbərliyinə, eləcə də polis əməkdaşlarına minnətdarlığını çatdırır.

Vətəndaş Mirsalam Hüseynli DİN-in “Instagram” səhifəsinə təşəkkür mesajı yazıb. O, baş verən yol-nəqliyyat hadisəsi ilə bağlı müraciətinə həssaslıqla yanaşıldığını və dəymiş maddi ziyanın ödənilməsində köməklik göstərildiyini bildirir. Obyektiv araşdırma aparıldığına görə DİN rəhbərliyinə və Nəsimi Rayon Polis İdarəsinin əməkdaşlarına təşəkkür edir.

Əcnəbi vətəndaş Wojciech Kwiatkowski DİN-in sosial şəbəkə səhifəsinə təşəkkür mesajı yazıb. O, itirdiyi pulunun tapılmasında göstərilən köməkliyə görə Səbail RPİ-nin 9-cu Polis Şöbəsinin əməkdaşlarına minnətdarlığını bildirir.

Vətəndaş Saray İsayeva müraciətinə operativ baxıldığını, 8-ci Polis Şöbəsinin əməkdaşları tərəfindən itirdiyi mobil telefonunun qısa müddətdə tapılıb ona təhvil verildiyini, aidiyyəti üzrə köməklik göstərildiyini qeyd edir. O, müraciətinin müsbət həll olunmasına görə dərin minnətdarlığını bildirir.

Vətəndaş Ülviyyə Pənahova baş verən yol-nəqliyyat hadisəsi ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Bakı şəhər sakini Vüsal Həmidov müraciətinə dərhal reaksiya verildiyinə və həyata keçirilən operativ tədbirlərə görə polis əməkdaşlarına təşəkkürünü bildirir.  

Sumqayıt şəhər sakini olan jurnalist Pərviz Məmişov Daxili İşlər Nazirliyinə təşəkkür məktubu ünvanlayıb. O, təmsil etdiyi media subyekti tərəfindən göndərilən sorğuların Mətbuat Xidmətinin əməkdaşları tərəfindən vaxtında cavablandırıldığını və operativliyin təmin olunduğunu qeyd edir.

Gəncə şəhər sakini İsgəndər Əliyev Daxili İşlər Nazirliyinə ünvanladığı məktubunda pozulmuş hüquqlarının bərpası ilə bağlı Yasamal RPİ-nin 29-cu Polis Şöbəsinə müraciət etdiyini qeyd edir. O, müraciətinə operativ baxıldığına, qısa müddətdə araşdırılaraq müvafiq tədbirlərin keçirildiyinə görə minnətdarlığını bildirir.

Abşeron rayon sakini İntiqam İsayev avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışlarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.