Füzuli rayon sakini Ramazan Hadıyev övladının daxili işlər orqanları sıralarına qəbul edilməsində göstərdiyi köməkliyə görə DİN rəhbərliyinə təşəkkürünü bildirir.

Bakı şəhər sakini İsa Ramazanov etdiyi müracətə operativ yanaşdığına və göstərdiyi köməkliyə görə BŞBPİ İctimai Təhlükəsizlik İdarəsinin baş inspektoru, polis mayoru Rəşad Məmmədova minnətdarlıq edir.

Bakı şəhər sakini Bayram Ağayev ona dəymiş maddi ziyanın ödətdirilməsində göstərdiyi köməkliyə görə Sabunçu RPİ-nin rəhbərliyinə minnətdarlığını ifadə edir.

Özünü təhlükəyə ataraq nəvəsi Əmrah Əliyevin həyatını xilas etdiyinə görə Elyana Əliyeva Yol Patrul Xidmətinin əməkdaşı, polis baş serjantı Elman Təhməzova təşəkkürünü bildirir.

Ağcabədi rayonunun Hindarx qəsəbəsinin bir qrup sakini DİN-ə ünvanladıqları məktubda qəsəbə ərazisindəki avtomobil yollarında hərəkətin təhlükəsiz təmininə, yol nişanları ilə təmin olunmasına, yol kənarında hərəkətə mane olan obyektlərin yığışdırılmasına, qayda pozan sürücülərə qarşı aparılan qətiyyətli tədbirlərə görə Daxili İşlər Nazirliyinin rəhbərliyinə təşəkkürlərini bildirirlər.

Ağcabədi rayonunun bir qrup sakini adından DİN-ə təşəkkür məktubu ünvanlanıb. Məktubda iyunun 1-də saat 1 radələrində Ağcabədi rayonunun Boyat kəndi ərazisində yerləşən “Petrol 24/24” yanacaqdoldurma məntəqəsindəki yanacaq saxlama anbarında huşsuz halda yıxılıb qalmış məntəqənin sahibi və işçisinin həyatlarını xilas edən polis əməkdaşlarına təşəkkür ifadə olunur. Qeyd olunur ki, Ağcabədi Rayon Polis Şöbəsinin əməkdaşları, polis serjantları Elman Təhməzov və Nəriman Əliyev böyük cəsarət göstərərək, öz həyatlarını təhlükəyə ataraq yanacaq saxlama anbarında huşsuz halda yıxılıb qalmış 2 nəfəri xilas edərək həyata qaytarıblar. Məktubda polisin bu cəsarətinin, fədakarlığının qürurverici olduğu, bunun insanlarda çox böyük fərəh hissi oyatdığı vurğulanır, bu cür əməkdaşların olduğuna görə DİN rəhbərliyinə və həmin əməkdaşlara təşəkkür bildirlir.

Lənkəran şəhər sakini Telman Rəhmanov DİN rəhbərliyinə ünvanladığı təşəkkür məktubunda narkotik vasitələrin qanunsuz dövriyyəsinə qarşı aparılan qətiyyətli mübarizəyə görə Astara Rayon Polis Şöbəsinin əməkdaşlarına minnətdarlığını bildirir.

Astara rayonunun Kijəbə qəsəbə sakini Arzu Rəsulova öz təşəkkür məktubunda oğlunun DİO-da xidmətə qəbul olunmasına görə DİN rəhbərliyinə minnətdarlığını bildirir.

Astara şəhər sakini Zinaida Lutskova DİN rəhbərliyinə ünvanladığı təşəkkür məktubunda xidməti fəaliyyətini layiqincə yerinə yetiridiyinə görə RPŞ-nin rəisi, polis polkovniki Azər Cahangirova və İstintaq Bölməsinin rəisi, polis mayoru Elman Quliyevə minnətdarlığını bildirir.