Astara rayonunun Siyəkü kənd sakini Rəsmiyyə Ağayeva DİN rəhbərliyinə ünvanladığı təşəkkür məktubunda yaşadığı evdən oğurluq edən şəxsin qısa zamanda müəyyən edilərək saxlanılmasına görə Rayon Polis Şöbəsinin əməkdaşlarından razılığını ifadə edir.

Lənkəran rayonunun Günəhir kənd sakini Vüsət Seyfullayev öz təşəkkür məktubunda etdiyi müraciətin operativ və obyektiv şəkildə araşdırılmasına görə DİN rəhbərliyinə minnətdarlığını bildirir.

Astara rayonunun Siyəkü kənd sakini Cəfər Qasımov DİN rəhbərliyinə ünvanladığı təşəkkür məktubunda cinayətkarlığa qarşı aparılan mübarizəyə və ictimai asayişin qorunmasına görə Rayon Polis Şöbəsinin əməkdaşlarına minnətdarlığını bildirir.

Cəlilabad rayonunun Alar kənd sakini Hafiz Kərimov narkomaniyaya qarşı mübarizə çərçivəsində ümumtəhsil müəssisələrində təşkil olunan maarifləndirici tədbirlərə görə DİN rəhbərliyinə minnətdarlığını bildirir.

Lənkəran rayonunun Kərgəlan kənd sakini Gülanə İsmayılzadə DİN rəhbərliyinə ünvanladığı təşəkkür məktubunda Bakı şəhərində olduğu zaman itirdiyi içərisində pul və mobil telefonun olduğu çantasının tapılaraq özünə qaytarılmasına görə Səbail Rayon Polis İdarəsinin PPXB-nin polis nəfərləri Zaur Səlimli və Kənan Ağaverdiyevdən razılığını bildirir.

Xaçmaz rayon sakini Cavahir Fərzəliyeva DİN-ə ünvanladığı məktubunda üzləşdiyi problemin həll olunmasında yaxından iştirak etdiyinə, köməyini əsirgəmədiyinə görə Rayon Polis Şöbəsinin rəisinə minnətdarlığını bildirir, gələcək xidməti fəaliyyətində uğurlar arzulayır.

Neftçala rayon Xolqarabucaq kənd sakini Ceyhun Nəfəsov DİN rəhbərliyinə ünvanladığı təşəkkür məktubunda rayon ərazisində ictimasi asayişin qorunmasına, sabitliyin yüksək səviyyədə təmin edilməsinə, cinayətkarlığa qarşı aparılan mübarizəyə görə Rayon Polis Şöbəsinin rəisi, polis polkovniki Vüsal Şəbəndəyevə öz minnətdarlığını bildirir.

Tərtər rayon sakini Lətif Həmidov DİN-ə ünvanladığı təşəkkür məktubunda rayonunun Qapanlı və Yuxarı Qaradağlı kəndlərində vətəndaşların şəxsiyyət vəsiqələri ilə təmin olunması məqsədilə keçirilmiş səyyar xidmətdən razı qaldıqlarını bildirir və yeni biometrik şəxsiyyət vəsiqələri ilə təmin olunmalarına görə minnətdarlığını ifadə edir.

Ağdaş rayon sakini Xanbala Qəniyev rayon ərazisində ictimai asayişin etibarlı qorunmasının və narkotiklərin qanunsuz dövriyyəsinə qarşı mübarizə istiqamətində görülən qətiyyətli tədbirlərin təqdirəlayiq olduğunu qeyd edrərək DİN rəhbərliyinə və rayon Polis Şöbəsinin əməkdaşlarına xidmətlərində uğurlar arzulayır.