Beyləqan rayon sakini Gürşad Ramazanov DİN rəhbərliyinə ünvanladığı təşəkkür məktubunda ona dəyən ziyanın ödənilməsində göstərilən köməyə görə Nəsimi Rayon Polis İdarəsinin rəisi Əbülfət Rzayevə və 19-cu Polis bölməsinin əməkdaşlarına minnətdarlığını bildirir.

Qarabağ müharibəsi veteranı Vsaili Məmmədov DİN rəhbərliyinə ünvanladığı təşəkkür məktubunda rayon ərazisində sabitliyin təmin olunması və narkotik vasitələrin dövriyyəsinin qarşısının alınması istiqamətində aparılan işlərə görə Ağcabədi RPŞ-nin rəisi Ənvər Həsənova minnətdarlığını bildirir.

Şirvan şəhər sakini tərəfindən ona dəymiş ziyanın ödənilmədiyini Şirvan şəhərində vətəndaşları qəbul edərkən Daxili İşlər nazirinin müavini, polis general-leytenantı Oruc Zalovun diqqətinə çatdırdıqdan sonra üzləşdiyi problemin qısa zaman kəsiyində həllini tapdığını yazan Salyan rayon Qaracala kənd sakini Ruqiyyə Həsənova DİN rəhbərliyinə təşəkkürünü bildirir.

Abşeron rayon Ceyranbatan qəsəbəsində müvəqqəti məskunlaşan Laçın rayonundan məcburi köçkün Təbriz Əliyev tanımadığı iki nəfərin onu döyməsi ilə bağlı müraciətinin DİN rəhbərliyi tərəfindən nəzarətə götürüldüyünə və Abşeron Rayon Polis İdarəsi tərəfindən operativ şəkildə baxıldığına görə minnətdarlığını ifadə edir.

Abşeron rayon Ceyranbatan qəsəbə sakini Fehruz Əliyev üzləşdiyi problemin həllində göstərdiyi köməkliyə görə Abşeron RPİ-nin rəhbərliyinə minnətdarlığını bildirir.

Şərur rayon sakini Rövşən Bağırov ona dəymiş ziyanın ödətdirilməsində göstərdiyi köməkliyə görə həmkarlarımıza minnətdarlığını ifadə edir.

İkinci qrup əlil və məcburi köçkün Nazim Məmmədov övladının xidmət sahəsinin dəyişdirilməsində göstərdiyi köməkliyə görə DİN rəhbərliyinə təşəkkürünü bildirir.

Zərdab rayon sakini Vidadi Novruzov ünvanladığı müraciətlə əlaqədar DİN Şəxsi Heyətlə İş İdarəsinin rəisi, polis polkovniki Rahib Qarayev tərəfindən qəbul edildiyinə və probleminin həllində göstərilən köməkliyə görə minnətdarlığını bildirir.

Bakı şəhər sakini Vüqar Əliyev üzləşdiyi problemin həlli ilə bağlı aparılan operativ araşdırmaya və göstərilən köməkliyə görə Baş Mütəşəkkil Cinayətkarlıqla Mübarizə İdarəsinin rəhbərliyinə minnətdarlığını bildirir.