Bakı şəhər sakini, Azərbaycan Dillər Universitetinin müəllimi Sevda Abuzərli DİN-ə ünvanladığı təşəkkür məktubuda ölkəmizə gələn turistlərlə rus və ingilis dillərində sərbəst danışan həmkarlarımızdan bəhs edir və minnətdarlıq hissini bölüşür.

Balakən rayon sakini Rəhilə İsmayılova və Fazil İsmayilov oğurluq faktı ilə bağlı etdikləri müraciətə RPŞ tərəfindən çevik reaksiya verildiyinə, şübhəlilərin müəyyənləşdirildiyinə və onlara dəymiş ziyanın ödətdirildiyinə görə həmkarlarımıza təşəkkür edirlər.

Bakı şəhər sakini Rəşad Zamanov nasazlıq səbəbindən avtomobilinin alovlanması zamanı həyatını təhlükədən qurtaran Pirallahı RPŞ-nin Post-Patrul Xidmətinin əməkdaşlarına təşəkkürünü bildirir.

Bakı şəhər sakini Tahir Həsənov DİN-in Polis Akademiyasında kursantlar üçün yaradılan şəraitdən razılığını ifadə edir.

Nardaran qəsəbə sakinləri balıqçılarla apardığı maarifləndirmə işlərinə və balıq tutmaq üçün onlara yaradılan şəraitə görə DİN Nəqliyyatda Baş Polis İdarəsinin Su Nəqliyyatında Polis İdarəsinin rəisi, polis polkovniki Rövşən Eyyubova təşəkkür edirlər.

Gədəbəy rayon Slavyanka kənd orta məktəbinin müəllimi İsbəndiyar İskəndərov Rayon Polis Şöbəsinin erkən nikah, dini radikalizm və narkomaniya ilə bağlı keçirdiyi tədbirlərdən razılığını ifadə edir, həmkarlarımıza xidmətdə uğurlar azulayır.

Bakı şəhər sakini Şəmsi Məmmədli avtomobulini texniki baxışdan keçirərkən hər hansı bir mənfi halla rastlaşmadığını, şəffaflığın yüksək səviyyədə olduğunu DİN-ə ünvanladığı təşəkkür məktubunda qeyd edir.

Gəncə şəhər sakini, birinci qrup əlil Xaləddin Hüseynov övaladının daxili işlər orqanlarına qəbul olunmasında göstərilən köməkliyə görə ölkə və DİN rəhbərliyinə minnətdarlığını ifadə edir.

Cəlilabad rayon Ağdaş kənd sakini Məmmədkərim Nağıyev DİN rəhbərliyinə ünvanladığı təşəkkür məktubunda etdiyi müraciətin düzgün və obyektiv araşdırılmasına görə Cəlilabad RPŞ-nin istintaq bölməsinin rəisi Vüqar Şəbəndiyev və bölmənin müstəntiqi Gündüz Haxızadəyə minnətdarlığını bildirir.