Vətəndaş Ramin İsmayılov DİN-ə ünvanladığı məktubunda Bərdə RPŞ-nin əməkdaşı, polis kapitanı Fəxrəddin Kərimova göstərdiyi köməkliyə və isti münasibətə görə təşəkkürünü bildirir.

Abşeron rayon Mehdiabad qəsəbə sakini Mayis İsgəndərov göndərdiyi məktubunda yazır ki, şikayəti ilə bağlı etdiyi müraciətə Baş Mütəşəkkil Cinayətkarlıqla Mübarizə İdarəsinin əməkdaşları tərəfindən baxılıb və ona dəymiş ziyan tez bir zamanda ödətdirilib. M. İsgəndərov buna görə DİN rəhbərliyinə və BMCMİ-nin əməkdaşlarına minnətdarlıq edir.

Nərimanov rayon sakini Əlimərdan Panəliyev göndərdiyi məktubunda bildirir ki, 06.04.2017-ci il tarixində DİN-ə ünvanladığı müraciətə Baş Mütəşəkkil Cinayətkarlıqla Mübarizə İdarəsinin əməkdaşları tərəfindən baxılıb və şikayəti təmin edilib. Buna görə vətəndaş DİN rəhbərliyinə və BMCMİ-nin əməkdaşlarına təşəkkürünü bildirir.

Qusar rayonundan Zaur Ağabalayev göndərdiyi məktubunda yazır ki, bir qrup sakinlə birlikdə problemləri ilə bağlı RPŞ-nin Şahdağ Polis Bölməsinə müraciət ediblər. Sakinlər qısa zaman kəsiyində müraciətlərinə baxıldığına və problemin tezliklə həllinə görə DİN rəhbərliyinə minnətdarlıqlarını bildirirlər.

Bakı şəhər sakini Nicat Həsənov DİN-ə ünvanladığı məktubunda Nərimanov Rayon Polis İdarəsi əməkdaşlarının fəaliyyətindən razılığını bildirir.

Qusar rayonu şəhid Bəhruz Ağaverdiyev adına 1 nömrəli tam orta məktəbin direktoru Arif Xəlilov göndərdiyi məktubunda təhsil müəssisəsinin su ilə təmin olunmasında göstərdikləri dəstəyə görə RPŞ-nin Şahdağ Polis Bölməsinin əməkdaşlarına öz dərin minnətdarlığını bildirir.

Astara rayon sakini Namiq Hüseynov DİN-ə ünvanladığı məktubunda mütəşəkkil cinayətkarlıqla, korrupsiya və beynəlxalq terrorçuluqla mübarizədə polisin fəaliyyətini yüksək qiymətləndirir.

Daşkəsən rayon sakini Sadıx Alıyev göndərdiyi minnətdarlıq məktubunda Rayon Polis Şöbəsinin əməkdaşlarından razılığını bildirir və onlara təşəkkür edir.

Tovuz rayonu Qovlar kənd sakini Ələsgər Alıyev DİN-ə ünvanladığı məktubunda təhlükəsizliyin təmin olunmasında və asayişin qorunmasında göstərdikləri xidmətə görə Qovlar Polis Bölməsinin əməkdaşlarına təşəkkürünü bildirir.