Şamaxı rayon sakini Ağaqədir Osmanov Daxili İşlər Nazirliyinə ünvanladığı məktubunda rayon ərazisində asayişin etibarlı qorunmasına, cinayətkarlıqla qətiyyətli mübarizəyə, polis əməkdaşlarının nəzakətli davranışlarına və humanist əməllərinə görə Şamaxı RPŞ-nin əməkdaşlarına təşəkkürünü bildirir, çətin və şərəfli işlərində uğurlar arzulayır.

Bakı şəhər sakini Əbülfəz Həsənov məktubunda daxili işlər orqanlarında gənc əməkdaşlara göstərilən diqqət və qayğıya görə Daxili İşlər Nazirliyinin rəhbərliyinə minnətdarlığını bildirir.

Bakı şəhər sakini Həmdulla İbrahimov DİN-ə ünvanladığı təşəkkür məktubunda koronavirus infeksiyası ilə mübarizə çərçivəsində ölkəmizdə tətbiq edilən xüsusi karantin rejimində bağ evindən oğurluq edən şəxsin qısa müddət ərzində saxlanılmasına görə Sabunçu RPİ-nin 42-ci Polis Bölməsinin əməkdaşlarına minnətdarlıq edir.

Bakı şəhər sakini Tərlan Səfərəliyev üzləşdiyi problemin həllində göstərilən köməyə görə DİN rəhbərliyinə təşəkkürünü bildirir.

Ağsu rayon sakini İlqarfət Vəliyev rayon ərazisində sahibkarlıq fəaliyyəti ilə məşğul olduğunu bildirir. Vətəndaş öz təşəkkür məktubunda aprelin 2-də mağazasından oğurluq edən şəxsin qısa müddətdə saxlanıldığına görə Rayon Polis Şöbəsinin əməkdaşlarına minnətdarlıq edir.

İ.Vəliyev həm cinayətkarlığa, həm də koronavirusa qarşı mübarizə çərçivəsində xalqa göstərilən qayğıya və xidmətlərə görə DİN rəhbərliyinə və polis əməkdaşlarına təşəkkür edir.

Mingəçevir şəhər sakini Rövşən İsmayılov koronavirusa qarşı mübarizə çərçivəsində xalqa göstərilən qayğıya və xidmətlərə görə DİN rəhbərliyinə və polis əməkdaşlarına təşəkkür edir və hər kəsi evdəqal şuarına dəstək olmağa çağırır.

Bakı şəhər sakini Adilə Həsənova narkotik vasitələrin qanunsuz dövriyyəsi ilə əlaqədar müraciətinin müsbət yöndə həll olunması ilə bağlı Baş Narkotiklərlə Mübarizə İdarəsinin əməkdaşlarına minnətdarlığını bildirir.

Hacıqabul rayon sakini Müşviq Nağıyev təşəkkür məktubunda həm koronavirusa qarşı mübarizə apardıqlarına, həm də aztəminatlı ailələrə yardım göstərdiklərinə görə polis əməkdaşlarına minnətdarlıq edir.

DİN-in İnstagram səhifəsinin izləyicisi Mingəçevir şəhər sakini Şahin Məmmədli səhifə üzərindən etdiyi müraciətə baxılaraq müsbət istiqamətdə həll edildiyinə görə təşəkkürünü bildirir.