Bakı şəhər sakini Xanım Nəbiyeva şikayətinə obyektiv baxılaraq hüquqlarının qorunmasında ona göstərdikləri köməyə görə İnsan Alverinə Qarşı Mübarizə Baş İdarəsinin əməkdaşlarına minnətdarlığını bildirir. O, vətəndaşlara göstərilən diqqət və qayğının polis-vətəndaş münasibətlərinin günü-gündən daha da yaxşılaşmasına zəmin yaratdığını qeyd edir.

Vətəndaş Eldar Mustafayev DİN rəhbərliyinə ünvanladığı təşəkkür məktubunda Şəki ŞRPŞ-nin Dövlət Yol Polisi Bölməsi əməkdaşlarının xidməti fəaliyyətindən razılıq edir, vətəndaşlara göstərdikləri köməkliyə görə onlara minnətdarlığını bildirir.

Balakən rayon sakini Esmira Amaşova DİN rəhbərliyinə ünvanladığı təşəkkür məktubunda xəstəxanada müalicə aldığı müddətdə orada təhlükəsizliyi təmin edən mühafizə polisinin əməkdaşı Aydın Məmmədliyə insanlarla xoş ünsiyyətə, onlara göstərdiyi köməkliyə görə öz minnətdarlığını bildirir.

Bakı şəhər sakini Aybəniz Abdulova üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və xidməti vəzifə borclarının öhdəsindən layiqincə gələn Nəsimi RPİ 20-ci Polis Bölməsinin əməkdaşlarına təşəkkürünü ifadə edir.

Bakı şəhər sakini Afaq İsayeva evinin oğurlanması ilə əlaqədar etdiyi müraciətə operativ reaksiya verilərək qısa zaman kəsiyində cinayətkarların tutulmasına, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və Binəqədi RPİ 5-ci Polis Bölməsinin əməkdaşlarına minnətdarlığını bildirir.

Bakı şəhər sakini Məkan Zeynalov borcunu ödəməkdən boyun qaçıran şəxsin saxlanılaraq haqqında qanuni tədbirin görülməsinə, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və Binəqədi RPİ-nin əməkdaşlarına təşəkkürünü ifadə edir.

Sumqayıt şəhər sakini Ruslan Zahidov üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə DİN rəhbərliyinə və şəxsi heyətə minnətdarlığını bildirir.

Saatlı şəhər sakini Aytac Əhmədova DİN-rəhbərliyinə ünvanladığı məktubda baş vermiş oğurluq hadisəsilə bağlı etdiyi müraciətə baxılmasına və Saatlı RPŞ-nin əməkdaşları tərəfindən oğrunun tez bir zamanda yaxalanmasına görə təşəkkürünü bildirir.

Bakı şəhər sakini Tahir İbrahimov DİN rəhbərliyinə ünvanladığı təşəkkür məktubunda ona dəymiş ziyanın ödətdirilməsinə görə Azərbaycan Polisinə minnətdarlığını bildirir.