Ağcabədi rayon sakini Xanlar Qasımov qanunun aliliyinin, insan hüquq və azadlıqlarının təmin edilməsində, cinayətkarlıqla, habelə narkotiklərin qanunsuz dövriyyəsinə qarşı qətiyyətli mübarizədə, ictimai qaydanın və təhlükəsizliyin təmin olunmasında vəzifə borclarının öhdəsindən layiqincə gəldiklərinə görə DİN rəhbərliyinə və Ağcabədi RPŞ-nin əməkdaşlarına minnətdarlığını bildirir.

Bakı şəhər sakini Kəmran Feyzullayev DİN-ə ünvanladığı minnətdarlıq məktubunda polis əməkdaşlarının xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə təşəkkürünü bildirir.

Bakı şəhər sakini Nasir İsayev DİN rəhbərliyinə ünvanladığı təşəkkür məktubunda etdiyi müraciətə baxılmasına və ona göstərilən köməkliyə görə Səbail RPİ-nin 41-ci Polis Bölməsinin əməkdaşlarına minnətdarlıq edir.

Xocasən qəsəbə sakini Səyavuş İsmayılov Daxili İşlər Nazirliyinə ünvanladığı məktubunda soyğunçuluq faktı ilə bağlı Binəqədi Rayon Polis İdarəsinə müraciət etdiyini bildirir. O, müraciəti ilə bağlı dərhal müvafiq tədbirlərin həyata keçirildiyinə və dəymiş maddi ziyanın ödətdirildiyinə görə Binəqədi Rayon Polis İdarəsinin əməkdaşlarına təşəkkürünü bildirir.

Bakı şəhər sakini Elxan Qubadov məktubunda “Toyota Prado” markalı avtomobilinin ələ keçirilməsi, ban və mühərrik nömrələrinin dəyişdirilməsi ilə bağlı Daxili İşlər Nazirliyinə ünvanladığı müraciətinə operativ reaksiya verildiyinə, Xətai Rayon Polis İdarəsində obyektiv araşdırma aparılaraq müvafiq tədbirlərin görüldüyünə görə DİN rəhbərliyinə minnətdarlığını bildirir.

Bakı şəhər sakini Cavahir Abasova şənbə və bazar günü karantin rejimi ilə əlaqədar ictimai nəqliyyatın olmadığı üçün tibb bacısı işlədiyi Akademik M.Mirqasımov adına RKX-na getmək məqsədilə ərazidən keçən Post-Patrul Xidmətinin avtomobilinə yaxınlaşaraq iş yerinə getməyə yardım etmələri barədəki müraciətinə dərhal reaksiya verilərək göstərdikləri köməkliyə görə DİN rəhbərliyinə və Yasamal RPİ-nin əməkdaşlarına minnətdarlığını bildirir.

Bakı şəhər sakini Rəfat Mirzəyev üzləşdiyi problemlə əlaqədar etdiyi müraciətə operativ reaksiya verilərək göstərdikləri köməkliyə görə DİN rəhbərliyinə və Nizami RPİ-nin əməkdaşlarına təşəkkürünü bildirir, eləcə də qanunun aliliyinin, insan hüquq və azadlıqlarının, ictimai qaydanın və təhlükəsizliyin təmin olunmasında vəzifə borclarının öhdəsindən layiqincə gələn Azərbaycan Polisini 102-ci ildönümü münasibətilə təbrik edir.

Bakı şəhər sakini Hikmət Məşrik “Sobsan” boya fabrikində baş vermiş yanğın hadisəsi zamanı yanğının söndürülməsində, eləcə də ətrafa yayılmasının qarşısının alınmasında göstərdikləri köməkliyə və fədakarlığa görə DİN rəhbərliyinə və Binəqədi RPİ-nin şəxsi heyətinə minnətdarlığını yazır.

Astara rayon bir qrup sakini ictimai asayişin və təhlükəsizliyin keşiyində mətin dayanan polis əməkdaşlarının xidməti vəzifə borclarını layiqincə yerinə yetirdiklərinə, ehtiyacı olan polis şəhid, o cümlədən veteran ailələrinə göstərdikləri diqqət və qayğıya, eləcə də rayonun aztəminatlı ailələrinə etdikləri ərzaq yardımlarına görə DİN rəhbərliyinə və NBPİ Su Nəqliyyatında Polis İdarəsinin əməkdaşlarına təşəkkürünü ifadə edir.