“Polisazerbaycan” adlı “İnstagram” səhifəmizin izləyicisi Güllər Musayeva səhifəyə yazdığı mesajda aliment borcu olan şəxs barəsində məhkəmə iddiası qaldırdığını, həmin şəxsin borcunu ödəmədiyini, məhkəmə qərarı ilə barəsində axtarış elan edildiyini qeyd edirdi.

G.Musayeva yenidən səhifəyə yazaraq həmin şəxsin yerinin müəyyən olunaraq icra orqanlarına təhvil verildiyinə və göstərilən köməkliyə görə Xətai Rayon Polis İdarəsinin əməkdaşlarına təşəkkürünü bildirib.

Fərid Həsənov adlı “Facebook” izləyicimiz Beynəlxalq Avtovağzal ərazisində avtomobilində baş vermiş nasazlığın aradan qaldırılmasında göstərdikləri köməkliyə görə Baş Mühafizə İdarəsinin əməkdaşlarına təşəkkür edib.

Astara rayonunun Şahağacı kənd sakini Yeganə Mirzəyeva DİN rəhbərliyinə ünvanladığı təşəkkür məktubunda yaşadığı evdən oğurluq edən şəxsin Astara RPŞ-nin əməkdaşları tərəfindən “isti izlər”lə müəyyən edilərək saxlanıldığını, ona dəymiş maddi ziyanın ödənildiyini bildirir və öz minnətdarlığını ifadə edir.

Lənkəran rayonunun Şıxəkəran kənd sakini Rövşən Hüseynov DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiklərinə görə Lənkəran ŞRPŞ-nin rəhbərliyinə və əməkdaşlarına minnətdarlığını bildirir.

Sumqayıt şəhər sakini Tural Teymurov DİN-ə ünvanladığı təşəkkür məktubunda bildirir ki, fevralın 25-də Quba rayonu ərazisində qarlı hava şəraitində idarəetməni itirərək avtomobil qəzası törədib. Özü xəsarət almayıb, lakin avtomobili yararsız hala düşüb. Dərhal hadisə yerinə gələn Rayon Polis Şöbəsinin əməkdaşları ona mənəvi dəstək olublar, avtomobil evakuator vasitəsilə ərazidən götürülüb. Yol-nəqliyyat hadisəsi sənədləşdirilməsi üçün T.Teymurovun yaşayış yeri üzrə Sumqayıt ŞPİ-yə göndərilmişdir. Müraciət müəllifi polis əməkdaşlarının humanistliyinə və göstərdikləri köməkliyə görə DİN və Quba RPŞ-nin rəhbərliklərinə və şəxsi heyətinə minnətdarlığını bildirir.

Bakı şəhər sakini Səbuhi Ağayev Daxili İşlər Nazirliyinə ünvanladığı məktubunda pulunun mənimsənilməsi ilə bağlı müraciətinin Xətai Rayon Polis İdarəsinin İstintaq şöbəsində obyektiv araşdırıldığını qeyd edir. S.Ağayev ona dəymiş maddi ziyanın ödətdirilməsində göstərilən köməkliyə görə Xətai Rayon Polis İdarəsinin əməkdaşlarına təşəkkürünü bildirir.

Zaqatala şəhər sakini Polad Abdullayev 9 il öncə naməlum şəraitdə anasını qətlə yetirən cinayətkarın tutularaq məsuliyyətə cəlb edilməsinə görə DİN rəhbərliyinə və Zaqatala RPŞ-nin əməkdaşlarına öz minnətdarlığını bildirir.

“Facebook” səhifəmizin izləyicisi Elgün Həmidli səhifə vasitəsi ilə DİN rəhbərliyinə təşəkkürünü bildirib. Vətəndaş qeyd edir ki, ölkə ərazisində məşələrin qanunsuz olaraq məhv edilməsinin qarşısının alınması ilə əlaqədar keçirilən əməliyyatlar bizlərin ürəyincədir.

“Facebook” səhifəmizin izləyicisi “Mujdan Hacizade” səhifə vasitəsi ilə etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə DİN rəhbərliyinə və şəxsi heyətinə təşəkkürünü ifadə edir.