Bərdə rayon sakini Telman Orucov DİN-ə ünvanladığı təşəkkür məktubunda ona göstərilən səmimi diqqət və qayğıya görə Bərdə RPŞ-nin rəhbərliyinə və əməkdaşlarına öz minnətdarlığını bildirir.

Əlcəzair Xalq Demokratik Respublikasının Bakıdakı Diplomatik Missiyasından Daxili İşlər Nazirliyinə ünvanlanmış məktubda ölkəmizdəki Əlcəzair vətəndaşları ilə bağlı sorğularının ətraflı cavablandırılmasına, həmçinin onların qarşılaşdıqları problemlərin həllində hər zaman “102” Zəng Mərkəzi Xidmətinin və Hava Nəqliyyatında Polis İdarəsi əməkdaşlarının göstərdikləri köməkliyə görə DİN rəhbərliyinə təşəkkür ifadə olunur.

“Notarius fəaliyyətinin elmi-metodik təminat mərkəzinin” direktoru Sklyarova N.D. muxtar qeyri-kommersiya təşkilatı adından müraciət edərək, əlavə peşə təhsili məqsədi ilə 2019-cu ilin sentyabrında “Xəzri” İstirahət və Sağlamlıq Mərkəzində Rusiya notariusları üçün təlimin təşkilində göstərilən dəstəyə görə razılığını bildirir. Burada yaradılan şəraitə, səliqə-sahmana, personalın səmimi və qayğıkeş münasibətinə görə DİN rəhbərliyinə minnətdarlığını bildirir.

Vətəndaş Cavid Xıdırov DİN rəhbərliyinə ünvanladığı təşəkkür məktubunda rayon ərazisində ictimasi asayişin qorunmasına, sabitliyin yüksək səviyyədə təmin edilməsinə, cinayətkarlığa qarşı aparılan mübarizəyə görə Hacıqabul RPŞ-nin rəisi Məmməd Hüseynova, rəis müavini Rüfət Quliyevə və Təhqiqat bölməsinin rəisi Samir Həsənova öz minnətdarlığını bildirir.

Masallı rayonunun Qəriblər kənd sakini İmamyar Allahyarov öz təşəkkür məktubunda xidməti vəzifəsini layiqincə yerinə yetirdiyinə görə Rayon Polis Şöbəsinin rəhbərliyinə minnətdarlığını ifadə edir.

Cəlilabad rayonunun Qarazəncir kənd sakini Nailə Soltanova DİN rəhbərliyinə ünvanladığı təşəkkür məktubunda Salyan rayonu ərazisində üzləşdikləri yol qəzasının istintaqının obyektiv şəkildə aparılmasına görə minnətdarlığını bildirir.

Astara rayonunun Maşxan kənd sakini Xatirə Fətəliyeva evində baş vermiş oğurluq faktının isti izlərlə araşdırılmasına və həmin əməli törətmiş şəxsin müəyyən edilərək saxlanılmasına görə Astara RPŞ-nin əməkdaşlarına minnətdarlığını ifadə edir.

Beyləqan rayon sakini Samir Əhmədov məktubunda ona dəymiş ziyanın ödənilməsində göstərilən köməyə görə Binəqədi RPİ-nin əməkdaşlarına və rəhbərliyinə minnətdarlığına minnətdarlığını ifadə edir.

Tərtər rayon sakini Gəray İsmayılov ona veteranlıq vəsiqəsinin verilməsinə görə DİN rəhbərliyinə təşəkkürünü bildirir.