Xəzər rayonunda müvəqqəti məskunlaşan Füzuli rayon sakini Tünzalə Quluzadə Rayon Polis İdarəsinin rəhbərliyinin və əməkdaşlarının məcburi köçkün və şəhid ailələrinə olan müsbət münasibətlərindən yazır, göstərilən səmimiyyətə görə təşəkkürünü bildirir.

Bakı şəhər sakini Rafiq Rüstəmov yazır ki, övladlarını məktəbə apararkən polislərin şagirdlərə və valideynlərə kömək etməsinin, nəzakətli davranışının dəfələrlə şahidi olub. Buna görə də o, həmkarlarımızın vətəndaşlara göstərdikləri diqqətə və səmimi münasibətə görə təşəkkürünü bildirir.

Qusar rayon sakini Həsənbala Mamedov Binəqədi RPİ-nin Qeydiyyat və Şəxsiyyət Vəsiqəsi Şöbəsinin əməkdaşlarından razılığını bildirir, polisin fəaliyyətini yüksək qiymətləndirir və buna görə DİN rəhbərliyinə təşəkkür edir.

Nəqliyyat, Rabitə və Yüksək Texnologiyalar Nazirliyinin “AZTELEKOM” Məhdud Məsluliyyətli Cəmiyyətinin Sumqayıt Telekommunikasiya Qovşağının rəisi Nəriman Salmanov sentyabrın 9-u və 15-i tarixlərində qovşağın hava-rabaitə xətti ilə keçən telefon kabellərini oğurlayan şəxslərin qısa zaman kəsiyində tutulmasına görə DİN rəhbərliyinə təşəkkürünü bildirir.

“Zərdabdan Bakıya gəlirdim. Birdən avtomobilimdə nasazlıq yarandı. Maşını yolun təhlükəsiz hissəsinə çəkib kömək üçün gələn maşınlara əl etdim. Ancaq kimsə kömək etmədi. Çarəsiz qalıb gözləməyə başladım. Bir də gördüm ki, yaxınlıqda YPX-nin avtomobili dayandı. Maşındakı nasazlığın ciddi olduğunu görən polis əməkdaşı bizi taksi ilə Bakıya yola saldı. Avtomobilim isə avtoservisə göndərildi. Bizə köməklik göstərən polis əməkdaşının adı Seymur idi. Soyadını soruşmağa utandım. Bir daha gördüm və əmin oldum ki, vətəndaşı darda qoymayan, hər zaman onun köməyinə çatan polislərimiz, dəyərli Vətən övladları var”. Bu fikirlər Bakı şəhər sakini Fəqan Rüstəmovun DİN-ə ünvanladığı təşəkkür məktubundandır.

Tovuz rayonu Əyyublu kənd sakini Nüsrət Rzayev yol-nəqliyyat hadisəsi nəticəsində traktorunun əzilməsi ilə bağlı etdiyi müraciətə DİN-in Baş İstintaq və Təhqiqat İdarəsinin Yol Nəqliyyat Hadislərinə Dair İşlər Üzrə İstintaq və Təhqiqat Şöbəsi tərəfindən çevik reaksiya verildiyinə və aparılan araşdırmadan sonra ona dəymiş ziyanın ödətdirilməsinə görə həmkarlarımıza təşəkkür edir.

Bakı şəhər sakini Zamin Həmidov cinayətkarlıqla ciddi mübarizəyə və yollarda təhlükəsizliyin etibarlı təmininə görə Azərbaycan Polisinə razılığını ifadə edir.

Bakı şəhər sakini Yeganə Ağayevə DİN-ə ünvanladığı məktubda Şüvələn qəsəbəsindəki ona məxsus bağ sahəsinin Seyran adlı şəxs tərəfindən zəbt edilməsi barədə şikayət ərizəsinə Xəzər Rayon Polis İdarəsi tərəfindən dərhal baxıldığına, qanuni tədbirlər görüldüyünə, hüquqlarının qorunduğuna görə təşəkkür edir.

Bakı şəhər sakini Nürəddin Qasımov həmkarlarımızın fəaliyyəti nəticəsində yollarda hərəkətin yüksək səviyyədə nizamlandığını, avtoxuliqanlara və avtomobili içkili vəziyyətdə idarə edənlərə qarşı sərt mübarizə tədbirləri görüldüyünü görə DİN rəhbərliyinə təşəkkür edir.