“Dünya xəbər informasiya” Agentliyinin əməkdaşı Aygün Paşayeva DİN-ə ünvanladığı təşəkkür məktubunda müraciətinə operativ baxılaraq müsbət istiqamətdə həll edildiyinə görə Nazirliyin rəhbərliyinə minnətdarlıq edir.

Astara rayon sakini Zülfiyyə Fərziyeva üzləşdiyi problem ilə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə DİN rəhbərliyinə və Astara Rayon Polis Şöbəsinin əməkdaşlarına minnətdarlığını bildirir.

DİN-in “İnstagram” səhifəsinin izləyicisi Ədilə Əlizadə bank hesabından edilən oğurluq faktına görə səhifəyə yazdığı mesaja operativ baxıldığına və ona dəymiş ziyanın ödənildiyinə görə DİN rəhbərliyinə minnətdarlıq edir.

DİN-in “İnstagram” səhifəsinin izləyicisi Laçın Məmmədova yaşadığı ünvanda qeydiyyata alınması ilə bağlı səhifəyə etdiyi müraciətə operativ baxıldığına və həll edildiyinə görə DİN rəhbərliyinə minnətdarlıq edir.

Cəlilabad rayon sakinləri Mübariz Səfərov və İnqilab Əliyev daxili işlər orqanlarında gənclərə göstərilən diqqət və qayğıya görə DİN rəhbərliyinə minnətdarlıq edirlər.

DİN-in “İnstagram” səhifəsinin izləyicisi Ramal İsayev səhifə vasitəsilə etdiyi müraciətə baxılmasına və ona göstərilən köməkliyə görə DİN rəhbərliyinə və Bakı şəhər Baş Polis İdarəsinin şəxsi heyətinə minnətdarlıq edir.

DİN-in “İnstagram” səhifəsinin izləyicisi Təbriz Feyzullayev səhifənin şərh bölümünə yazdığı mesajda gecə saatlarında cibində pul vəsaiti olmadığına görə ona köməklik göstərən Sabunçu RPİ 13-cü PB-nin əməkdaşlarına minnətdarlığını bildirir.

Sabunçu rayonunun Bakıxanov qəsəbəsi, S.Qocayev küçəsi 27 C binanın sakinləri adından Daxili İşlər Nazirliyinə ünvanlanmış məktubda binanın həyətində qeyri-qanuni quraşdırılmış şlaqbaumun götürülməsi ilə bağlı müraciətlərinə operativ reaksiya verildiyinə və qısa müddət ərzində müraciətlərinin müsbət həll olunduğuna görə DİN və Sabunçu RPİ-nin rəhbərliyinə minnətdarlıq ifadə olunur.

Bakı şəhər sakini Tərlan Cavadov məktubunda avtomobilindən edilmiş oğurluqla bağlı Binəqədi RPİ-nin 5-ci Polis Bölməsinə müraciət etdiyini qeyd edir. O, müraciəti ilə bağlı dərhal əməliyyat tədbirlərinin keçirildiyinə və cinayətin üstünün isti izlərlə açılmasına görə Binəqədi RPİ-nin və 5-ci Polis Bölməsinin əməkdaşlarına təşəkkürünü bildirir.