Bakı şəhər sakini Aysel Zeynalova Azərbaycan Polisinə olan rəğbətini və minnətdarlığını yazdığı şeir parçası ilə ifadə edir.

Bakı şəhər sakini Dadaş Şüküröv və Sumqayıt şəhər sakini, sabiq polis əməkdaşı Anar Abıyev DİN-ə ünvanladıqları məktubda həmrəyliyimizin vacibliyini və başımıza gətirilən faciələri unutmamağımızı vurğulayırlar.

Azadlıqdan məhrum edilən Taleh Salmanov təqsirləndirilən şəxslərə qarşı Müvəqqəti Saxlama Yerlərində polisin humanist yanaşmasını, insani münasibətini yüksək qiymətləndirir və öz vəzifələrini layiqincə icra edən həmkarlarımızın fəaliyyətindən razılığını bildirir.

Göygöl rayon Yeni Zod kənd sakini Reyhan Hacıyeva DİN rəhbərliyinə ünvanladığı təşəkkür məktubunda, DİN rəhbərliyinin şəhid ailələrinə göstərdiyi diqqət və qayğıdan razılığını bildirir və təşəkkür edir.

Goranboy rayon Qızılhacılı kənd sakini Əsbət Eminova DİN rəhbərliyinə ünvanlanan təşəkkür məktubunda ictimai asayişin və sabitliyin qorunmasındakı xidmətlərinə görə polisin fəaliyyətindən məmnunluğunu bildirir, həmçinin Goranboy RPŞ-nin rəisi Ramin Qədirovdan razılığını ifadə edir.

Bakı şəhər sakini Kazım Hüseynov Daxili İşlər Nazirliyinə ünvanladığı təşəkkür məktubunda polis əməkdaşlarına minnətdarlığını bildirir. K.Hüseynov qeyd edir ki, Novruz bayramı ərəfəsində Balakən rayonunda dayısıgildə qonaq olub. Martın 24-də dayısının yeni doğulmuş körpəsinin səhhəti qəfildən pisləşib. Uşağı Qax rayonunda olan həkim pediatora çatdırmaq lazım gəlib. Onlar təcili Qax şəhərinə yollanıblar. Yolu tanımadıqlarından şəhərin girişində xidmət aparan Yol Patrul Xidməti avtomobilinə yaxınlaşıblar. Vəziyyəti polis əməkdaşına izah edərək körpəni təcili həkimə çatdırmaq üçün yolu soruşublar. Yol polisi əməkdaşı xidməti avtomobili ilə onları xəstəxanaya qədər müşayiət edib. Müəllif polisin bu cür davranışının, diqqət və qayğısının, xeyirxah və humanist əməllərinin insanlarda çox böyük fərəh hissi oyatdığını yazır. O, şəxsi heyətin xalqa xidmət ruhunda tərbiyə olunmasına, humanizminə görə DİN rəhbərliyinə, həssas münasibətinə görə Qax DYPB-nin əməkdaşı Anar Qurbanova təşəkkürünü bildirir.

Bakı şəhəri, Nəsimi rayonunda yaşayan Cavanşir Mirzəyev DİN-ə ünvanladığı məktubunda daxili işlər orqanlarında gənc əməkdaşlara göstərilən diqqət və qayğıdan, onlara yaradılan şəraitdən, məişət problemlərinin həllində həssaslıqla yanaşılmasına görə minnətdarlığını bildirir.

Bakı şəhər Suraxanı rayonu, Yeni Günəşli qəsəbəsində yaşayan Əli Mahmudov bildirir ki, marın 15-də səhər erkən işə gedərkən avtomobilində nasazlıq yaranıb. Bu zaman yaxınlıqda xidmətdə olan yol polisləri ona yaxınlaşaraq mənəvi dəstək olub, avtomobili təhlükəsiz əraziyə çəkilməsində, texniki məsələlərin həllində köməklik göstəriblər. Məktub müəllifi gördüyü bu diqqət və qayğıya, şəxsi heyətin yüksək mənəvi dəyərlərə və peşəkarlığına görə, DİN rəhbərliyinə minnətdarlığını bildirir.

Gədəbəy şəhər sakini Məzahət Mahmudov öz təşəkkür məktubunda müraciətinin obyektiv araşdırılaraq müsbət həll olunmasına göstərilən köməkliyə görə DİN rəhbərliyinə minnətdarlığını bildirir.