Cəlilabad rayon sakini Ruslan İsayev DİN rəhbərliyinə ünvanladığı təşəkkür məktubunda yollarda hərəkətin təhlükəsizliyi istiqamətində görülən işlərə və nümunəvi xidmətə görə Cəlilabad RPŞ-nin dövlət yol polisi bölməsinin əməkdaşlarına minnətdarlığını bildirir.

Bakı şəhər sakini Natiq Gözəlov öz təşəkkür məktubunda müraciətinin obyektiv araşdırılaraq müsbət həll olunmasına göstərilən köməkliyə görə DİN rəhbərliyinə və Səbail RPİ-nin şəxsi heyətinə minnətdarlığını bildirir.

Bakı şəhər sakini Ofelya Məmmədova həyat yoldaşı Bakir Məmmədovun səhhətində yaranan problemlərin müayinə və müalicəsində ona göstərdikləri köməyə və xoş münasibətə görə DİN rəhbərliyinə, həmçinin DİN-in A.Heydərov adına Respublika Hospitalının rəhbərliyinə və Reanimasiya şöbəsinin tibb personalına öz təşəkkürünü bildirir.

Sumqayıt şəhər sakini Lalə Rəhimova DİN-ə ünvanladığı məktubunda Azərbaycan Respublikası Daxili İşlər Nazirliyinin Daxili Qoşunlarının yaranmasının 27-ci ildönümü ilə əlaqədar DİN rəhbərliyini və daxili işlər orqanlarının kollektivini səmimi qəlbdən təbrik edərək, can sağlığı və uzun ömür arzulayıb.

Polis veteranları Nəcəf Cəfərli və Becan Sadıqov DİN rəhbərliyinə ünvanladıqları təşəkkür məktubunda uzun illərdir ki, şəkər xəstəliyindən əziyyət çəkdiklərini, müntəzəm olaraq DİN-in A.Heydərov adına Respublika Hospitalında müalicə aldıqlarını qeyd edirlər. Onlar hər dəfə yüksək diqqət və qayğı ilə əhatə olunduqlarına, yaxşı müalicəyə görə Endokrinologiya şöbəsinin rəhbərliyinə və tibb personalına öz təşəkkürlərini bildirirlər.

Bakı şəhər sakini Dadaş Şükürov DİN-ə ünvanladığı məktubunda Azərbaycan Respublikası Daxili İşlər Nazirliyinin Daxili Qoşunlarının yaranmasının 27-ci ildönümü ilə əlaqədar DİN rəhbərliyinə və daxili işlər orqanlarının kollektivinə səmimi qəlbdən təbriklərini ifadə edir.

Bir qrup Tərtər rayon Seyidimli kənd sakini kəndarası yolların bərpası və rabitə xətlərinin yenilənməsi ilə bağlı Polis Şöbəsinin rəhbərliyinə müraciət edib. Qaldırılan məsələlər tez bir zamanda həll olunması üçün nəzarətə götürülüb və aidiyyatı qurumlara məlumat verilib. Birgə görülmüş işlərin nəticəsi olaraq Seyidimli kəndinin yolları təmir edilərək və rabitə xəttləri yenilənərək kənd sakinlərinin istifadəsinə verilib. Bu işlərin tez bir zamanda həll olunmasında göstərdiyi köməkliyə görə Seyidimli kənd sakinləri RPŞ-nin rəhbərliyinə və əməkdaşlarına öz minnətdarlığını bildirir.

Ağdam rayon sakini Şəmsəddin Əhmədov yollarda təhlükəsziliyin etibarlı təmin edilməsinə görə Yol Patrul Xidmətinin əməkdaşlarına minntədarlığını bildirir.

Cəlilabad şəhər sakinləri Saməddin Məmmədov və Füzuli Bayramov DİN rəhbərliyinə ünvanladığı təşəkkür məktubunda rayon ərazisində nakotiklərin qanunsuz dövriyyəsinə qarşı uğurla aparılan mübarizəyə görə RPŞ-nin rəisi, polis polkovniki Mübariz Quliyevdən razılığını bildirir və minnətdarlığını ifadə edir.