DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Cəlilabad rayon sakini Ruslan İsayev DİN-ə ünvanladığı minnətdarlıq məktubunda yollarda təhlükəsizliyin etibarlı təmin edilməsinə görə Yol-Patrul Xidməti əməkdaşlarına təşəkkürünü bildirir.

Bakı şəhər sakini Vüqar Abbasov Bakı Şəhər BPİ İstintaq və Təhqiqat İdarəsinin Təhqiqat Şöbəsində müraciətinə həssaslıqla yanaşılaraq obyektiv araşdırıldığına və probleminin qısa müddətdə ədalətli həll olunduğuna görə DİN rəhbərliyinə minnətdarlığını bildirir.

Sumqayıt şəhər sakini Sahib Ağayev DİN-ə ünvanladığı təşəkkür məktubunda yazır ki, ŞPİ Post-Patrul Xidmətinin əməkdaşları - polis baş serjantı Elnur Abdullayev, polis serjantları Bəxtiyar Xəlilov və Hikmət Yunuszadə onların həyatını xilas ediblər.

H.Z.Tağıyev qəsəbəsində yaşayan S.Ağayev bildirir ki, yanvarın 18-də saat 4.25-də qapının möhkəm döyülməsinə oyanıb. Qapıda polis əməkdaşlarını görəndə əvvəl çox həyəcanlanıb. Amma, sən demə, onlar həmin vaxt uzaqdan evdən qatı tüstü qalxdığını müşahidə etdiklərindən mənzilin sakinlərinə köməklik göstərmək, onların bayıra çıxarılmasını təmin etmək üçün yaxınlaşıblar. Yanğın baş verən otaqda ev sahibinin yaşlı anası yatıbmış. Polislər dərhal həmin otağa daxil olub, onu boğulmaqdan xilas ediblər.

Yağınla əlaqədar əməkdaşlar dərhal ŞPİ-nin Növbətçi Hissəsinə, Təcili Tibbi Yardıma və Fövqəladə Hallar Nazirliyinin Regional Yanğınsöndürmə İdarəsinə xəbər verdiklərindən onların da təmsilçiləri hadisə yerinə gəliblər, yanğınsöndürənlər alovun qonşu evlərə keçməsinin qarşısını alıblar.

Sahib Ağayev bir ailənin həyatını xilas etdiklərinə görə polislərimizə minnətdarlıqlarını bildirir, insanların həyat və sağlamlıqlarının qorunması istiqamətində də ayıq-sayıqlıq, uğurlu xidmət arzulayır.

Bakı şəhər sakini Ramil Abbasov DİN rəhbərliyinə ünvanladığı minnətdarlıq məktubunda müraciətinin obyektiv araşdırıldığına və müsbət həll olunduğuna görə BMCMİ-nin rəhbərliyinə və əməkdaşlarına təşəkkürünü bildirir.

Vətəndaş Vaqif Hüseynov DİN rəhbərliyinə ünvanladığı təşəkkür məktubunda Mingəçevir ŞPŞ-nin şəxsi heyətlə iş üzrə rəis köməkçisi Vahid Məmmədova vətəndaşlarla səmimi münasibətinə, problemlərinin həllində göstərdiyi köməkliyə görə öz minnətdarlığını bildirir.

Astara rayon sakini Zakir Əsədullayev DİN rəhbərliyinə ünvanladığı təşəkkür məktubunda üzləşdiyi dələduzluq faktı ilə bağlı Astara RPŞ-yə etdiyi müraciətin obyektiv araşdırılaraq düzgün hüquqi qiymət verilməsinə görə Rayon Polis Şöbəsinin rəisi, polis polkovniki Azər Cahangirovdan razılığını bildirir və minnətdarlığını ifadə edir.

Lənkəran rayonunun Siyavar kənd sakini Feyruz Bağırov DİN rəhbərliyinə ünvanladığı təşəkkür məktubunda edilən müraciətlərə həssaslıqla yanaşılmasına, vətəndaşlara qarşı sərgilənən yüksək mədəni davranışa görə Astara RPŞ-nin rəisi, polis polkovniki Azər Cahangirovdan razılığını bildirir.

Zaqatala rayonunun Aşağı Tala kənd sakini Qaraca Səfər DİN rəhbərliyinə ünvanladığı minnətdarlıq məktubunda üzləşdiyi problemin həllində göstərdikləri köməyə görə Rayon Polis Şöbəsinin rəhbərliyinə və əməkdaşı Şöhrət Əhmədova təşəkkürünü bildirir.

Bakı şəhər sakini İlham Mustafayevin DİN rəhbərliyinə ünvanladığı təşəkkür məktubunda etdiyi müraciətə dərhal baxılmasına görə DİN və Binəqədi RPİ-nin rəhbərliyinə minnətdarlığını bildirir.