Goranboy rayonu, Yuxarı Ballı Qaya kənd sakini Əli Həsənov etdiyi müraciətə həssaslıqla yanaşıldığına və göstərilən köməkliyə görə DİN rəhbərliyinə və Xocalı RPŞ-nin əməkdaşlarına minnətdarlığını bildirir.

İngiltərə vətəndaşı Freddie Fitches ölkəmizə etdiyi səfəri zamanı Azərbaycan polisinin ictimai asayişi peşəkarcasına təmin etməsi və DİO əməkdaşlarının operativliyinin onda müsbət rəy yaratdığına görə DİN rəhbərliyinə dərin təşəkkürünü bildirir.

Goranboy rayonunun Meşəli kənd sakini Taleh Ağayev DİN rəhbərliyinə ünvanladığı təşəkkür məktubunda Ali Baş Komandanın rəhbərliyi ilə Azərbaycan ordusunun torpaqlarımızın işğaldan edilməsi münasibəti ilə Azərbaycan Polisini təbrik edir, müharibə zamanı gərgin xidmət aparan Xocalı rayon Polis Şöbəsinin əməkdaşlarına minnətdarlığını ifadə edir.

Gəncə və Şəmkir rayonlarından olan bir qrup şəhid ailəsi DİN rəhbərliyinə ünvanladqları təşəkkür məktubunda Ali Baş Komandanın rəhbərliyi ilə Azərbaycan ordusunun torpaqlarımızın işğaldan edilməsini qürur və sevinc hissi ilə qarşıladıqlarını, bu çətin dönəmdə bütün polis əməkdaşları kimi Su Nəqliyyatında Polis İdarəsinin rəhbərliyinin də vətəndaşlara maddi-mənəvi dəstək olduğunu bildirirlər.

Goranboy rayonunun Düzqışlaq kənd sakini Rauf Dünyamalıyev DİN rəhbərliyinə ünvanladığı təşəkkür məktubunda ölkə başçısının rəhbərliyi ilə Azərbaycan ordusunun Qarabağın işğaldan azad edilməsi istiqamətində keçirdiyi uğurlu əməliyyatlar zamanı xidməti vəzifələrini layiqincə yerinə yetirdiyinə görə Azərbaycan Polisinə minnətdarlığını bildirir.

Tovuz rayon sakini Tural Əsgərov DİN rəhbərliyinə ünvanladığı təşəkkür məktubunda xidməti fəaliyyətini layiqincə yerinə yetirdiyinə görə Rayon Polis Şöbəsinin rəhbərliyinə minnətdarlığını bildirir.

Göygöl rayonunun Yalqışlaq kəndində yaşayan Şəbnəm Alıyeva Daxili İşlər Nazirliyinə ünvanladığı məktubunda Ali Baş Komandanın rəhbərliyi ilə Azərbaycan Ordusunun işğal altında olan torpaqlarımızı azad etməsi və noyabr ayının 10-da müharibəni qalib olaraq bitirməsi münasibəti ilə DİN rəhbərliyini təbrik edir.

Bakı şəhər sakini Allahverdi Qasımov DİN rəhbərliyinə ünvanladığı təşəkkür məktubunda övladının DİO-da xidmətə qəbul olunmasında onlara göstərilən diqqət və qayğıya görə DİN rəhbərliyinə minnətdarlığını bildirir. O, Azərbaycan Polisi ilə qürur duyduğunu yazır.

DİN-in “instagram” səhifəsinin izləyicisi Cəmil Orucov (cemilorucov68) hesabından yazaraq müharibə və pandemiya şəraitində gücləndirilmiş iş rejimində xidmət aparan daxili işlər orqanları əməkdaşlarına minnətdarlığını bildirir, onlara gələcək fəaliyyətlərində uğurlar arzulayır.