“polisazerbaycan” səhifəsinin izləyicisi İlkin Abbasov səhifəyə yazdığı mesajda avtomobilində yaranmış nasazlığın aradan qaldırılmasında göstərdikləri köməkliyə görə Dövlət Yol Polisi əməkdaşlarına minnətdarlıq edir.

Feysbuk səhifəmizin izləyici Rəşad Zeynalov səhifəmizə yazdığı mesajda ölkəmizdə elan edilmiş xüsusi karantin rejimi qaydalarının təmin olunması istiqamətində polis əməkdaşları tərəfindən həyata keçirilən tədbirləri yüksək qiymətləndirir, öz xidməti borcunu ləyaqətlə yerinə yetirən, gecə-gündüz xidmət aparan bütün polis əməkdaşlarına çətin və şərəfli xidmətlərində uğurlar arzulayır.

Abşeron rayonunun Aşağı Güzdək qəsəbə sakini Aqil Ədilov DİN-ə göndərdiyi məktubunda iyunun 4-də evlərində baş vermiş qaz partlaması nəticəsində xəsarət almış oğlunu şəxsi avtomobili ilə xəstəxanaya apararkən yolda xidmət aparan Yol Patrul Xidməti əməkdaşlarına kömək üçün müraciət etdiyini bildirir. Yol polisi əməkdaşları onu müşaiyət edərək təcili xəstəxanaya çatdırıblar.

O, övladının həyatının xilas olunmasında göstərdikləri köməkliyə və humanistliyə görə YPX əməkdaşlarına təşəkkürünü bildirir.

Samux rayon sakini Rövşən Bədəlov qanunun aliliyinin, insan hüquq və azadlıqlarının təmin edilməsində, cinayətkarlıqla mübarizədə, ictimai qaydanın və təhlükəsizliyin təmin olunmasında vəzifə borclarının öhdəsindən layiqincə gəldiklərinə, eləcə də fədakar xidmətlərinə görə DİN rəhbərliyinə və Samux RPŞ-nin şəxsi heyətinə minnətdarlığını bildirir.

Bakı şəhər sakini Tofiq Mirzəyev DİN-ə ünvanladığı məktubunda itkin düşmə faktı ilə əlaqədar müraciətinə dərhal reaksiya verildiyinə və operativ baxılaraq müsbət həll olunduğuna görə DİN və Bakı ŞBPİ-nin rəhbərliklərinə minnətdarlığını bildirir.

AMEA-nın Şəki regional Elmi Mərkəzinin şöbə müdiri Qüdürət Bəkirov DİN rəhbərliyinə ünvanladığı təşəkkür məktubunda Şəki ŞRPŞ-nin Dövlət Yol Polisi Bölməsi əməkdaşlarının xidməti fəaliyyətini yüksək qiymətləndirir və razılığını bildirir.

İsmayıllı rayon sakini Eldar Məmmədov DİN rəhbərliyinə ünvanladığı təşəkkür məktubunda oğlunu taparaq onunla görüşdürdükləri üçün İsmayıllı RPŞ-nin əməkdaşlarına öz minnətdarlığını bildirir.

Salyan rayon sakini Əsədağa Hüseynov DİN rəhbərliyinə ünvanladığı təşəkkür məktubunda etdiyi müraciətə operativ reaksiya verilərək öz həllini tapdığı üçün İsmayıllı RPŞ-nin əməkdaşlarına öz minnətdarlığını bildirir.

Bakı şəhər sakini Raqif Mamedov evindən oğurluq edilməsi ilə əlaqədar etdiyi müraciətə operativ reaksiya verilərək cinayətkarların tutulmasında, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və Binəqədi RPİ-nin 40-cı Polis Bölməsinin əməkdaşlarına minnətdarlığını bildirir.