Polis-vətəndaş münasibətlərinin müsbət yöndə inkişafının nəticəsidir ki, hər gün Daxili İşlər Nazirliyinə əməkdaşlarımızın peşəkarlıqlarını əks etdirən onlarla təşəkkür məktubu ünvanlanır. Bu məktublarla tanış olduqda anlamaq olur ki, Azərbaycan Polisi tək cinayətkarlıqla mübarizə, ictimai asayişin qorunmur eyni zamanda vətəndaşların hər bir probleminə laqeyd qalmır, onlara əlindən gələn köməkliyi əsirgəmirlər.

Goranboy rayonunun Tatarlı kənd sakini Ziya Şükürovun ünvanladığı məktubda qeyd edilən fikirləri bir daha təsdiqləyir. Vətəndaş məktubda yazır:

“İyunun 5-də saat 12 radələrində rayonun Goran qəsəbəsində idarə etdiyim avtomobilin təkərində yaranan problemlə əlaqəli avtomobili saxlamaq məcburiyyətində qaldım. Çıxılmaz bir vəziyyətdə qalmışdım və ətrafda kömək edəcək heç kim yox idi. Bu zaman Rayon polis Şöbəsinin Post patrul Xidmətinin avtomobili dayandı və tanımadığım 3 nəfər polis əməkdaşı mənimlə səmimi salamlaşaraq necə köməklik edə biləcəklərini soruşdular. Başıma gələn hadisəni onlaraq nəql etdikdən sonra polis əməkdaşları avtomobildə olan problemi aradan qaldırıb yoluma davam edə biləciyimi dedikdə bir daha əmin oldum ki, həqiqətə müstəqil Azərbaycanın şanlı, xalqının və dövlətinin yanında olan polisləri var. Bir azərbaycanlı kimi xalqımla, dövlətimlə qürur duyuduğum kimi, polisimlə də qürur duyur onlara bu çətin və şərəfli xidmətlərində uğrlar arzu edirəm.”

Ağdam rayon sakini Sövdəyar Ağayev DİN-ə ünvanladığı minnətdarlıq məktubunda bank hesabından edilən oğurluq faktı ilə bağlı müraciətinə obyektiv baxıldığına və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Yasamal RPİ-nin əməkdaşlarına təşəkkürünü bildirir.

Bakı şəhər sakini Nuranə Səfərova DİN-ə ünvanladığı məktubunda Qara Qarayev metrostansiyasında itirdiyi pulqabısının tapılaraq ona qaytarılmasına görə DİN rəhbərliyinə və Metropolitendə PŞ-nin əməkdaşlarına minnətdarlığını bildirir.

Sumqayıt şəhər sakini Alidə Eyvazova itirilmiş sənədlərinin tapılması ilə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə DİN rəhbərliyinə və Sumqayıt RPİ 4-cü Polis Bölməsinin əməkdaşlarına minnətdarlığını bildirir.

DİN-in Facebook səhifəsinin izləyicisi olan Rüfət Səmədov səhifə vasitəsilə ünvanladığı müraciətinə çevik reaksiya verildiyini və dərhal araşdırlaraq operativ tədbirlərin görüldüyünü qeyd edir. O, vətəndaş müraciətlərinə həssas yanaşıldığına görə DİN rəhbərliyinə minnətdarlığını bildirir.

DİN-in Facebook səhifəsinin izləyicisi olan Ülkər Əliyeva oğurluq faktı ilə əlaqədar səhifə vasitəsilə ünvanladığı müraciətinə çevik reaksiya verildiyini qeyd edir. O, müraciətinin dərhal araşdırlaraq operativ tədbirlər görüldüyünə və dəymiş maddi ziyanın ödətdirilməsinə görə DİN rəhbərliyinə və Abşeron Rayon Polis İdarəsinin əməkdaşlarına təşəkkürünü bildirir.

Bakı şəhər sakini İlkin Qasımov Daxili İşlər Nazirliyinə ünvanladığı müraciətinə çevik reaksiya verildiyinə və dərhal araşdırılaraq müsbət həll olunduğuna görə minnətdarlığını bildirir.

Ağcabədi şəhər Bələdiyyəsinin hüquq məsələləri daimi komissiyasının sədri Çərkəz Ağayev Daxili İşlər Nazirliyinə ünvanladığı məktubunda karantin rejimi dövründə rayon ərazisində pandemiyanın qarşısının alınması və insanların sağlamlığının qorunması üçün həyatlarını belə risqə ataraq gecə-gündüz xidmət aparan, öz üzərinə düşən vəzifəni layiqincə yerinə yetirən polis əməkdaşlarına təşəkkürünü bildirir, çətin və şərəfli xidmətlərində uğurlar arzulayır, qarşıdan gələn 2 iyul Azərbaycan Polisi Günü münasibətilə bütün polis əməkdaşlarını təbrik edir.

Bakı şəhər sakini Kamil Nəcəfov üzləşdiyi xuliqanlıq hadisəsi ilə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərilən köməkliyə görə DİN rəhbərliyinə və Binəqədi RPİ 5-ci Polis Bölməsinin əməkdaşlarına minnətdarlığını bildirir.