Bakı şəhər sakini Cavid Abdullayev Daxili İşlər Nazirliyinə ünvanladığı məktubunda barəsində tərtib edilmiş protokolla əlaqədar Yasamal Rayon Polis İdarəsinə müraciət etdiyini bildirir. O, müraciətinə operativ baxıldığına, obyektiv araşdırılaraq müsbət həll olunduğuna görə Yasamal Rayon Polis İdarəsinin əməkdaşlarına təşəkkürünü bildirir.

Vətəndaş Kamran Niyazov DİN-ə ünvanladığı təşəkkür məktubunda 15 iyul 2020-ci il tarixində Azərbaycan Ordusuna dəstək məqsədilə keçirilən yürüş zamanı polis əməkdaşlarının yürüş iştirakçılarının təhlükəsizliyini qoruduğu və göstərdiyi təmkin üçün minnətdarlıq edir.

“Facebook” səhifəmizin izləyicisi Fərid İsmayılov səhifə vasitəsilə narkotik vasitələrin qanunsuz dövriyyəsi ilə əlaqədar etdiyi müraciətə operativ baxıldığına və həmin şəxslərin saxlanılmasına görə DİN rəhbərliyinə və Baş Narkotiklərlə Mübarizə İdarəsinin şəxsi heyətinə minnətdarlığını bildirir.

Bakı şəhər sakini Turqut Bəkirli cinayətkarlıqla, habelə narkotiklərin qanunsuz dövriyyəsinə qarşı qətiyyətli mübarizədə, ictimai qaydanın və təhlükəsizliyin təmin olunmasında vəzifə borclarının öhdəsindən layiqincə gəldiklərinə görə Azərbaycan Polisinə təşəkkürünü bildirir.

Vətəndaş Vəfa Yaqubova cinayətkarlığa və narkotiklərin qanunsuz dövriyyəsinə qarşı atılan qətiyyətli addımlara, həyata keçirilən uğurlu tədbirlərə, o cümlədən vətəndaşlarla mehriban rəftara görə Azərbaycan Polisinə təşəkkür edir.

Bakı şəhər sakini Hüseyn Məmmədov DİN-ə ünvanladığı müraciətdə axtarışda olan şəxsin qısa zamanda saxlanılaraq istintaqa təhvil verildiyinə görə DİN rəhbərliyinə və Nəsimi RPİ 19-cu Polis Şöbəsinin əməkdaşlarına minnətdarlıq edir.

Cəlilabad rayonunun Privolnoye kənd sakini Sakit Məmmədov Daxili İşlər Nazirliyinə ünvanladığı məktubunda müraciətinə operativ baxılaraq obyektiv həll olunduğuna görə Cəlilabad Rayon Polis Şöbəsinin əməkdaşlarına təşəkkürünü bildirir.

Bakı şəhər sakini Orxan Xancanov Daxili İşlər Nazirliyinə ünvanladığı məktubunda özünə və oğluna məxsus velosipedlərin oğurlanması ilə bağlı Binəqədi RPİ-nin 5-ci Polis Bölməsinə müraciət etdiyini bildirir. O, polis əməkdaşlarının operativliyi sayəsində oğurluğu törədən şəxsin qısa müddətdə müəyyən edilərək saxlanıldığını və velosipedlərinin onlara qaytarıldığını qeyd edir. O.Xancanov müraciətinə operativ baxıldığına və peşəkarlıqla keçirilən tədbirlərlə görə Binəqədi Rayon Polis İdarəsinin əməkdaşlarına təşəkkürünü bildirir.

Qubadlı rayon sakini Hicran Məmmədova müraciətinə operativ və obyektiv baxılaraq probleminin aradan qaldırılmasında ona göstərilən köməyə görə Qaradağ Rayon Polis İdarəsinin rəhbərliyinə minnətdarlığını bildirir. O, Azərbaycan Polisinə xidməti fəaliyyətlərində uğurlar diləyir.