Beyləqan rayon sakini Aygün Cəfərova məktubunda övladının sıra baxışında seçilərək vakant vəzifədə işlə təmin olunduğuna görə DİN rəhbərliyinə təşəkkürünü bildirir.

Bakı şəhər sakini Bəhlul Xəlilov müraciətinə tez bir zamanda baxılaraq ona dəyən ziyanın ödənilməsində göstərdikləri köməyə görə Baş Mütəşəkkil Cinayətkarlıqla Mübarizə İdarəsinin əməkdaşlarına təşəkkürünü bildirir.

Cəlilabad rayon Üçtəpə kəndinin sakini Ramiz Yarıyev öz təşəkkür məktubunda etdiyi müraciətin obyektiv şəkildə araşdırılmasına görə DİN rəhbərliyinə və Cəlilabad RPŞ-nin rəisi, polis polkovniki Mübariz Quliyevə minnətdarlığını bildirir.

Astara şəhər sakini Mircəfər Babazadə DİN rəhbərliyinə ünvanladığı təşəkkür məktubunda rayon ərazisində cinayətkarlığa qarşı aparılan mübarizəyə və vətəndaşlara qarşı sərgilənən yüksək mədəni davranışa görə Astara RPŞ-nin rəisi, polis polkovniki Azər Cahangirovdan razılığını bildirir və minnətdarlığını ifadə edir.

Cəlilabad rayon Üçtəpə kənd sakini Ramiz Yarıyev DİN rəhbərliyinə ünvanladığı təşəkkür məktubunda ictimai qaydanın və ictimai təhlükəsizliyin qorunmasına, cinayətkarlığa qarşı aparılan mübarizəyə görə Cəlilabad RPŞ-nin rəisi Mübariz Quliyevdən razılığını ifadə edir.

Azərbaycanın Milli Qəhrəmanı Nazim Quliyevin bacısı Ülviyyə Quliyeva övladının daxili işlər orqanlarına qəbul olunmasında göstərdiyi köməkliyə görə DİN rəhbərliyinə minnətdarlığını ifadə edir.

Şirvan şəhər sakini Şəhla Hüseynova ona dəymiş ziyanın ödətdirilməsində köməklik göstərdiklərinə görə həmkarlarımıza təşəkkürünü bildirir.

Sabirabad rayon sakini Bircə Şıxəliyeva ağır sinir sarsıntısı keçirmiş övladının vaxtında xəstəxanaya çatdırılmasında göstərdikləri köməkliyə görə RPŞ-nin sahə rəisi Ənnağı Hacıyevə və digər polis əməkdaşlarına təşəkkürünü bildirir.

Azərbaycan Respublikası Silahlı Qüvvələrinin zabiti Elnur Əkbərov Yol Patrul Xidməti əməkdaşlarına öz vəzifə borclarının öhdəsindən layiqincə gəldiklərinə görə minnətdarlıq edir.