Lənkəran şəhər sakini Rəşidə Rəşidova Daxili İşlər Nazirliyinin sosial şəbəkə şəhifəsinə təşəkkürü məktubu yazıb. O, müraciəti ilə əlaqədar lazımi köməyin göstərildiyini, məsələnin müsbət həllini tapdığını bildirir və Azərbaycan polisinə minnətdarlığını ifadə edir.

Qazax rayon sakini Ülviyyə Nəsibova DİN-ə təşəkkür məktubu yazıb. O, müraciətinə operativ baxıldığını və onu narahat edən problemin müsbət həllini tapdığını qeyd edir.

Oğuz rayon sakini Əziz Abdurəhmanlı Daxili İşlər Nazirliyinin sosial şəbəkə şəhifəsinə təşəkkürü məktubu yazıb. O, müraciətinə Oğuz rayon Polis Şöbəsində operativ baxıldığını və ona dəymiş maddi ziyanın tam şəkildə ödənilməsinin təmin edildiyini qeyd edir.

Biləsuvar rayon sakini Elsevər Məmmədov DİN-ə yazdığı məktubunda xidməti vəzifələrinin və peşə fəaliyyətinin öhdəsindən layiqincə gəldiklərinə, humanistliyə görə Biləsuvar RPŞ-nin Dövlət Yol Polisi Bölməsinin əməkdaşlarına təşəkkürünü bildirir.

Türkiyə Cumhuriyyətinin vətəndaşı Aslan Yılmaz Daxili İşlər Nazirliyinə təşəkkür məktubu yazıb. O, müraciətinin Sumqayıt Şəhər Polis İdaərində dərhal nəzarətə götürüldüyünü, polis əməkdaşları tərəfindən peşəkar və obyektiv araşdırma aparıldığını, ona lazımi köməyin göstərildiyini bildirir. A.Yılmaz nümunəvi xidmətə görə Azərbaycan polisinə təşəkkürünü bildirir.

Vətəndaş Birilyant Rəcəbəliyeva teleqramında üzləşdiyi problemlə bağlı etdiyi müraciətinə operativ reaksiya verildiyini və obyektiv araşdırma aparılaraq qısa müddətdə müsbət həll olunduğunu qeyd edir. O, vətəndaş müraciətlərinə həssas yanaşılmasına görə DİN rəhbərliyinə təşəkkür edir.

Vətəndaş Bəhruz Əliyev məktubunda müraciəti üzrə obyektiv araşdırma aparılaraq qısa müddətdə müsbət həll olunmasında göstərilən köməkliyə görə DİN rəhbərliyinə və Səbail RPİ-nin 8-ci Polis Şöbəsinə minnətdarlığını ifadə edir. 

Vətəndaş Riad Hüseynəliyev məktubunda üzləşdiyi problemlə bağlı polisə müraciət etdiyini, Sabunçu Rayon Polis İdarəsinin 12-ci Polis Şöbəsinin əməkdaşları tərəfindən operativ tədbirlərin həyata keçirildiyini və onun qısa müddətdə müvafiq tibb müəssisəsinə çatdırılmasında da köməklik göstərildiyini bildirərək həmin şöbənin əməkdaşlarına təşəkkür edir.

Vətəndaş Sevinc Dadaşova DİN-in “Instagram” səhifəsinə təşəkkür mesajı yazıb. O, müraciəti ilə əlaqədar Abşeron Rayon Polis İdarəsinin əməkdaşları tərəfindən müvafiq köməkliyin göstərildiyini qeyd edir. S.Dadaşova vətəndaş müraciətlərinə həssas yanaşılmasına görə DİN rəhbərliyinə, göstərdikləri köməkliyə görə Abşeron Rayon Polis İdarəsinin əməkdaşlarına təşəkkürünü bildirir.