Mingəçevir şəhər sakini Zöhrə Orucova DİN rəhbərliyinə ünvanladığı təşəkkür məktubunda müraciətinin müsbət həll olunmasına görə Mingəçevir ŞPŞ-nin əməkdaşlarına minnətdarlığını bildirir.

Oğuz rayon sakini Elmir Cəfərov müraciətinə obyektiv baxıldığı üçün DİN rəhbərliyinə minnətdarlığını bildirir.

Vətəndaş Şıxəli Hüseynov DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi ilə bağlı müraciəti ilə əlaqədar Nərimanov RPİ-nin Təhqiqat şöbəsində obyektiv araşdırma aparılaraq qısa müddətdə müsbət həll olunduğuna görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Bakı şəhər sakini Nazim Abdullayev DİN-in “Facebook” səhifəsinə təşəkkür mesajı yazıb. O, ictimai asayişi ayıq-sayıq qoruyan, cinayətkarlığa qarşı qətiyyətli mübarizə aparan, vətəndaşların qanuni mənafelərini, eləcə də hüquq və azadlıqlarını etibarlı qoruyan, xidməti vəzifələrini layiqincə yerinə yetirən DİN rəhbərliyi başda olmaqla Azərbaycan polisinə çətin və şərəfli xidmətlərində uğurlar arzulayır.

Cəlilabad rayon sakini Kənan Nağdıyev öz təşəkkür məktubunda xidməti vəzifələrini layiqincə yerinə yetirən polis əməkdaşlarına minnətdarlığını ifadə edir. Eyni zamanda işğaldan azad olunmuş torpaqlarımızda Azərbaycan Polisinin xidmətinin təşkilindən, asayişi və ictimai təhlükəsizliyi təmin etməsindən qürur hissi keçirdiyini bildirir.

Cəlilabad rayon sakini Əliqənbər Əliyev DİN rəhbərliyinə ünvanladığı təşəkkür məktubunda müraciətlərə çevik reaksiya verilməsinə, vətəndaş məmnunluğunun təmin edilməsinə görə Cəlilabad RPŞ-nin rəhbərliyinə minnətdarlığını bildirir.

Lerik rayon sakini Üzeyir Məmmədov öz təşəkkür məktubunda şəhid ailələri və qazilərə göstərilən yüksək diqqət və qayğıya görə Rayon Polis Şöbəsinin rəhbərliyinə minnətdarlığını ifadə edir. İctimai asayişin etibarlı şəkildə qorunmasına, çevik və peşəkar xidmətlərinə görə polis əməkdaşlarına təşəkkürünü bildirir.

Masallı sakini Allahşükür Zahidov öz təşəkkür məktubunda vətəndaşların güvənini, etibarını öz peşəkarlığı, çevikliyi, vətəndaş müraciətlərinə həssaslığı ilə doğruldan Azərbaycan Polisinə minnətdarlığını bildirir. Sabitlik adasına çevrilən ölkəmizdə ictimai asayişi və ictimai təhlükəsizliyi etibarlı şəkildə təmin edən, işğaldan azad olunmuş torpaqlarımızdakı peşəkar xidməti ilə düşmənə göz dağı olan Daxili işlər orqanlarının əməkdaşları ilə qürur duyduğunu, fəxr hissi keçirdiyini ifadə edir. 

Cəlilabad rayon sakini Məhluqə Hümbətova DİN rəhbərliyinə ünvanladığı təşəkkür məktubunda müraciətinin Cəlilabad RPŞ-də hərtərəfli araşdırılmasına və obyektiv qərar qəbul edilməsinə görə öz minnətdarlığını ifadə edir.