Bakı şəhər sakini Aqil Axundzadə DİN-in “Facebook” sosial şəbəkəsindəki səhifəsinə təşəkkür mesajı göndərib. O, içərisində pul, sənəd və bank kartları olan cüzdanını itirməsi ilə bağlı etdiyi müraciətinə DİN-in Mətbuat Xidmətindən dərhal reaksiya verildiyini, Bakı Şəhər Baş Polis İdarəsinə dəvət olunaraq müvafiq araşdırmalar aparıldığını və görülmüş operativ tədbirlərlə qısa müddətdə cüzdanının tapılaraq ona qaytarıldığını qeyd edir.

A.Axundzadə müraciətinə dərhal baxılmasına və həyata keçirilən operativ tədbirlərə görə DİN-in Mətbuat Xidmətinə və Bakı şəhər Baş Polis İdarəsinin Cinayət Axtarışı İdarəsinin əməkdaşlarına təşəkkürünü bildirir.

İmişli rayon sakini Həsən Səmədov DİN rəhbərliyinə ünvanladığı təşəkkür məktubunda etdiyi müraciətə həssaslıqla yanaşılmasına və göstərilən diqqətə görə minnətdarlığını bildirir.

Salyan rayon sakini Yaşılxan Fətullayev DİN rəhbərliyinə ünvanladığı təşəkkür məktubunda müraciətinə obyektiv baxıldığı üçün Rayon Polis Şöbəsinin rəhbərliyinə və əməkdaşlarına minnətdarlıq edir.

Vətəndaş Fərqanə Xəlilova DİN rəhbərliyinə ünvanladığı təşəkkür məktubunda etdiyi müraciətin obyektiv araşdırılmasına və ona dəymiş maddi ziyanın ödətdirilməsinə görə İsmayıllı RPŞ-nin əməkdaşlarına minnətdarlıq edir.

Şəki rayon sakini Vüsal Əliyev etdiyi müraciətə operativ reaksiya verilərək müsbət yöndə həll olunmasına görə Şəki ŞRPŞ-nin əməkdaşlarına minnətdarlıq edir.

Balakən rayon sakini Tamilla Padarova DİN-ə ünvanladığı təşəkkür məktubunda müraciətinin müsbət yöndə həll olunmasına görə DİN rəhbərliyinə minnətdarlıq edir.

Quba rayon sakini Əhmədkişi Əhmədov DİN-ə ünvanladığı təşəkkür məktubunda xidməti vəzifələrini layiqincə yerinə yetirdiyinə görə Quba RPŞ-nin əməkdaşlarına minnətdarlığını ifadə edir.

Bakı şəhər sakini Arif Məmmədov DİN-in “İnstagram” sosial şəbəkəsindəki səhifəsinə təşəkkür mesajı yazıb. O, üzləşdiyi oğurluq faktı ilə bağlı səhifə vasitəsilə etdiyi müraciətinə operativ baxıldığını, Yasamal RPİ-nin 29-cu Polis Şöbəsinin əməkdaşları tərəfindən müvafiq tədbirlərin həyata keçirildiyini qeyd edərək DİN rəhbərliyinə və 29-cu Polis Şöbəsinin əməkdaşlarına təşəkkürünü bildirir.

Gəncə şəhər sakini Şahin Hüseynov DİN rəhbərliyinə ünvanladığı təşəkkür məktubunda müraciətinə verilən çevik reaksiyaya görə minnətdarlığını bildirir.