Biləsuvar şəhər sakini Mahir Rəhimov DİN rəhbərliyinə ünvanladığı təşəkkür məktubunda müraciətinin müsbət həllini tapmasına və ona köməklik göstərilməsinə görə minnətdarlığını ifadə edir.

Qazaxıstan vətəndaşı Cəmilə Məmmədova DİN-in “İnstagram” səhifəsinə Quba rayonunda dünyasını dəyişmiş atasının pasportunun tapılıb Qazaxıstana göndərilməsi ilə bağlı etdiyi müraciətə operativ reaksiya verildiyinə görə DİN rəhbərliyinə və Quba RPŞ-nin əməkdaşlarına öz təşəkkürünü bildirir.

Bakı şəhər sakini Elnurə Həsənova telefon oğurluğu ilə bağlı müraciətinə Binəqədi RPİ-nin 5-ci Polis Bölməsində operativ baxıldığına, qısa müddətdə bu cinayət əməlini törədən şəxsin saxlanıldığına və mobil telefonunun ona qaytarıldığına görə DİN rəhbərliyinə və Binəqədi RPİ-nin şəxsi heyətinə təşəkkürünü bildirir.

Şəki şəhər sakini Yusif Abdullayev DİN rəhbərliyinə ünvanladığı təşəkkür məktubunda ona məxsus fərdi yaşayış evindən oğurluq edən şəxslərin tutularaq məsuliyyətə cəlb olunmalarına, oğurlanmış pul və qızıl-zinət əşyalarının ona geri qaytarılmasına görə Şəki ŞRPŞ-nin əməkdaşlarına öz minnətdarlığını bildirir.

Vətəndaş Mehparə Həbilova DİN rəhbərliyinə ünvanladığı təşəkkür məktubunda etdiyi müraciətə operativ reaksiya verilərək həll olunmasına görə Balakən RPŞ-nin əməkdaşlarına öz minnətdarlığını bildirir.

Bakı şəhər sakini Dilavər Mirzəyev sentyabrın 9-da Binə qəsəbəsindəki həyətindən xırdabuynuzlu heyvanlarının oğurlanması faktı ilə bağlı Xəzər RPİ-nin 3-cü Polis Bölməsinə müraciət etdiyini bildirir. O, polis əməkdaşları tərəfindən görülmüş tədbirlərlə heyvanlarının qısa müddətdə tapılaraq ona təhvil verildiyini qeyd edir. D.Mirzəyev müraciətinə dərhal reaksiya verilməsinə və operativ tədbirlərə görə 3-cü Polis Bölməsinin əməkdaşlarına təşəkkürünü bildirir.

DİN-in “Facebook” səhifəsinin izləyicisi Azər Cəbiyev itmiş telefonunu “20 Yanvar” metrostansiyasının qarşısında taparaq ona təhvil verən həmin ərazidə xidmət aparan Əlahiddə Çevik Polis Alayının əməkdaşlarına təşəkkürünü bildirir.

Bakı şəhər sakini Nigar Məmmədova müraciətinə operativ reaksiya verildiyinə görə DİN rəhbərliyinə təşəkkürünü bildirir.

Mingəçevir şəhər sakini İqrar Həsənov üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə DİN rəhbərliyinə və şəxsi heyətə minnətdarlığını bildirir.