Quba rayon sakini Ağası Qurbanov DİN-ə ünvanladığı məktubunda müraciətinə obyektiv baxıldığına və ona dəymiş maddi ziyanın ödətdirilməsində göstərdikləri köməyə görə Rayon Polis Şöbəsinin əməkdaşlarına təşəkkürünü bildirir.

Bakı şəhər sakini Allahverdi Balakişiyev DİN-ə ünvanladığı məktubunda torpaq sahəsinin zəbt olunması ilə bağlı müraciətinə operativ baxılaraq müsbət həll olunduğuna görə DİN rəhbərliyinə və Sabunçu RPİ-nin İstintaq şöbəsinin əməkdaşlarına minnətdarlığını bildirir.

Gəncə şəhər sakini Rafiq Xudaquluyev DİN rəhbərliyinə ünvanladığı minnətdarlıq məktubunda 02 avqust 2020-ci il tarixində şəhər ərazisində anidən səhhətinin pisləşməsi zamanı ilkin tibbi yardım göstərən DİN-in Daxili Qoşunlarının əməkdaşı, gizir Nicat Abdullayevdən razılığını bildirir.

Ağdam rayon sakini Cəmaləddin Mirzəyev müraciətinə obyektiv, hərtəfəfli və vaxtında baxılmasına, ictimai asayişin və təhlükəsizliyin qorunub saxlanılmasına görə DİN rəhbərliyinə, BDYPİ-nin rəisi Ramiz Zeynalova və Ağcabədi rayon Qeydiyyat-İmtahan və Texniki Baxış Şöbəsinin rəisi Fərid Mayılova minnətdarlığını bildirir.

Şabran rayon sakini Ərəstun Kamilov xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştrakına görə DİN rəhbərliyinə və Şabran RPŞ-nin əməkdaşlarına ünvanladığı təşəkkür məktubunda razılıq və təşəkkürünü ifadə edir.

Ağsu rayon sakini Şahmar Əliyev koronavirus pandemiyasının Azərbaycanda geniş yayılmasının qarşısının alınması istiqamətində sakinlərlə maarifləndirmə işləri apardıqlarına və karantin qaydalarına ciddi əməl edilməsinə görə DİN rəhbərliyinə və Ağsu RPŞ-nin əməkdaşlarına ünvanladığı təşəkkür məktubunda məmnunluq ifadə edir.

Quba rayon sakini Mətanət Mirzəhmədova üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və Quba RPŞ-nin əməkdaşlarına minnətdarlığını bildirir.

Ağsu rayon sakinləri Əlsahib Məmmədov və Eynulla Alıyev rayonda ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə, eləcə də ehtiyacı olan ailələrə göstərdikləri ərzaq yardımlarına görə DİN rəhbərliyinə və Ağsu RPŞ-nin şəxsi heyətinə təşəkkürlərini ifadə edirlər.

Bakı şəhər sakini İlahə Qurbanova taksidə pul qabını itirməsi ilə əlaqədar etdiyi müraciətə operativ reaksiya verilərək qısa zaman kəsiyində tapılaraq ona qaytarılmasında göstərdikləri köməkliyə görə DİN rəhbərliyinə və Binəqədi RPİ 5-ci Polis Bölməsinin əməkdaşlarına minnətdarlığını yazır.