Salyan rayon sakini Vəliyət Məmmədov  DİN rəhbərliyinə ünvanladığı təşəkkür məktubunda xidməti fəaliyyətini layiqincə yerinə yetirdiyinə görə Salyan RPŞ-nin kollektivinə minnətdarlığını bildirir.

Bakı şəhər sakini Rövşən Əliyev DİN-ə ünvanladığı məktubunda müraciətinə operativ baxılaraq müsbət həll edildiyinə görə Yasamal RPİ-nin əməkdaşlarına təşəkkürünü bildirir.

Bir qrup Neftçala rayon sakini ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Neftçala RPŞ-nin rəhbərliyinə və əməkdaşlarına minnətdarlığını yazır.

DİN-in “Facebook” səhifəsinin izləyicisi, Bakı şəhər sakini Tərlan Əsgərova (@guseynov_sadig) şəhid anasının üzləşdiyi dələduzluq faktı ilə bağlı səhifə vasitəsi ilə etdiyi müraciətə operativ baxıldığına və obyektiv araşdırılaraq qısa müddətdə müsbət həll edildiyinə görə DİN rəhbərliyinə minnətdarlığını bildirir.

Şəki rayonunun Yeni Çələbixan qəsəbə sakini Mehman İbişov DİN-ə ünvanladığı məktubunda vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir, çətin və şərəfli xidmətlərində uğurlar arzulayır.

Masallı rayon sakini Allahşükür Zahidov məktubunda Vətən müharibəsinin iştirakçısı olan oğlunun daxili işlər orqanlarında xidmətə qəbul edildiyini bildirir. O, daxili işlər orqanlarında gənc əməkdaşlara, xüsusilə Vətən müharibəsi iştirakçılarına göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə minnətdarlığını bildirir.

Lənkəran şəhərinin Kərgalan kənd sakini Yaşar Kərəmov  məktubunda rayon ərazisində ictimai asayişi və ictimai təhlükəsizliyi etibarlı qoruyan, cinayətkarlıqla, o cümlədən narkotiklərin qanunsuz dövriyyəsi ilə qətiyyətli mübarizə aparan, vətəndaş müraciətlərinə həssaslıqla yanaşan Lənkəran Şəhər Rayon Polis Şöbəsinin əməkdaşlarına təşəkkürünü ifadə edir.

Bakı şəhər sakini Ülvi Ağayev  DİN-in “İnstagram” səhifəsi vasitəsilə Azərbaycan Polisinə təşəkkürünü bildirib. O, Xəzər rayonunda yaşadığı ərazidə yol hərəkətinin təşkili ilə bağlı Daxili İşlər Nazirliyinə etdiyi müraciətinə operativ reaksiya verildiyini yazır.  <p/>Ü.Ağayev vətəndaş müraciətlərinə həssas yanaşılmasına, eyni zamanda hərəkətin təhlükəsizliyi üçün həyata keçirilən operativ tədbirlərə görə DİN rəhbərliyinə və Xəzər RPİ-nin Dövlət Yol Polisi Şöbəsinin əməkdaşlarına təşəkkürünü bildirir.

DİN-in “İnstagram” səhifəsinin izləyicisi, Bakı şəhər sakini Arzu Abbasova (arzuabbasova22) itirdiyi pulqabısının tapılaraq ona qaytarılmasına görə DİN rəhbərliyinə və Binəqədi RPİ 5-ci Polis Bölməsinin əməkdaşlarına minnətdarlığını bildirir, çətin və şərəfli işlərində uğurlar arzulayır.