Bakı şəhər sakini Kamal Quliyev Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı Binəqədi Rayon Polis İdarəsinə müraciət etdiyini qeyd edir. O, müraciətinə qısa müddətdə baxılaraq obyektiv araşdırıldığına və müsbət həll olunduğuna görə Binəqədi RPİ-nin əməkdaşlarına minnətdarlığını bildirir.

Sumqayıt şəhər sakini Zaur Adıgözəlov üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və Sabunçu RPİ-nin əməkdaşlarına minnətdarlığını bildirir.

Bakı şəhər sakini Arif Ələkbərov üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və Nərimanov RPİ 16-cı Polis Bölməsinin əməkdaşlarına təşəkkürünü yazır.

Abşeron rayonunun Masazır kəndində yaşayan Ramiz Ramazanov qeydiyyat məsələsi ilə bağlı müraciətinə operativ baxılaraq qısa müddətdə müsbət həll olunduğunu qeyd edərək DİN rəhbərliyinə və Abşeron RPİ-nin Qeydiyyat və Şəxsiyyət Vəsiqəsi bölməsinin əməkdaşlarına minnətdarlığını bildirir.

Bakı şəhər sakini Sahil Kazımzadə üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və Xəzər RPİ-nin əməkdaşlarına minnətdarlığını bildirir.

Bakı şəhər sakini Fizzə Məhərrəmova üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə DİN rəhbərliyinə və Nəsimi RPİ-nin şəxsi heyətinə təşəkkürünü ifadə edir.

DİN-in Facebook səhifəsinin izləyicisi, Trend İnformasiya Agentliyinin əməkdaşı Samir Güləliyev səhifə vasitəsilə ünvanladığı müraciətinə operativ reaksiya verildiyinə, baxılaraq qısa müddətdə müsbət həll edildiyinə görə DİN rəhbərliyinə təşəkkürünü bildirir.

Bərdə rayonunda yaşayan Kəlbəcər rayon sakini Əlzamin Mamedov rayon ərazisində polis əməkdaşları tərəfindən cinayətkarlığa, o cümlədən narkotiklərin qanunsuz dövriyyəsinə qarşı aparılan qətiyyətli tədbirlərə görə DİN rəhbərliyinə və Bərdə Rayon Polis Şöbəsinin əməkdaşlarına minnətdarlığını bildirir, çətin və şərəfli işlərində uğurlar arzulayır.

DİN-in rəsmi “İnstagram” səhifəsinin “online_paltar_sumkalar” adlı izləyicisi, Gəncə şəhər sakini Zülfiyyə İsayeva səhifə vasitəsi ilə etdiyi müraciətə operativ reaksiya verilərək öz həllini tapdığı üçün DİN rəhbərliyinə öz minnətdarlığını bildirir.