Cənubi Afrika Respublikasının vətəndaşı İzamuddin İsmail üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə DİN rəhbərliyinə və əməkdaşlarına təşəkkürünü bildirir.

Lənkəran şəhər sakini Nərmin Kazımova koronavirusa yoluxmaları səbəbi ilə müalicə almaları üçün müvəqqəti xəstəxanaya yerləşən zaman yaşadıqları evin təhlükəsizliyinin təmin edilməsində xidməti fəaliyyətlərini layiqincə yerinə yetirərək göstərdikləri köməyə görə Lənkəran ŞRPŞ-nin İctimai Təhlükəsizlik Bölməsinin əməkdaşlarına minnətdarlığını bildirir.

Vətəndaş Xalidə Məmmədova DİN rəhbərliyinə ünvanladığı təşəkkür məktubunda avtomobillərində yaranan nasazlıq səbəbindən köməksiz vəziyyətdə qaldığı zaman onlara göstərdikləri köməyə görə Post-Patrul Xidməti Bölüyü əməkdaşlarına minnətdarlığını bildirir. Azərbaycan Polisinin vətəndaşlara göstərdiyi peşəkar və operativ xidməti yüksək dəyərləndirir və fəaliyyətlərində uğurlar diləyir.

Sumqayıt şəhər sakini Taleh Məmmədov xidməti vəzifələrini layiqincə yerinə yetirdiklərinə görə Sumqayıt Şəhər Polis İdarəsinin rəhbərliyinə və kollektivinə minnətdarlığını bildirir. Azərbaycan Polisinin vətəndaşlara göstərdiyi peşəkar və operativ xidmətini yüksək dəyərləndirir və fəaliyyətlərində uğurlar diləyir.

Ağsu rayon sakini Əlşah Dəmirov DİN rəhbərliyinə ünvanladığı məktubda övladının daxili işlər orqanlarında xidmətə bərpa olunmasında göstərilən köməyə görə minnətdarlığını bildirir. O, vətəndaş münasibətlərinə həssaslıqla yanaşılmasından məmnunluğunu yazır.

Kəlbəcər rayon sakini Əlzamin Məmmədov ünvanladığı təşəkkür məktubunda məskunlaşdığı Bərdə rayonunda narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə görə DİN rəhbərliyinə minnətdarlığını bildirir.

İmişli rayonunun Şahverdili kənd sakini Amin Emirli məktubunda sentyabrın 8-də mobil telefonunu taksidə itirməsi ilə bağlı DİN-in “102 Zəng Mərkəzi”nə müraciət etdiyini bildirir. O, Binəqədi RPİ-nin 5-ci Polis Bölməsi əməkdaşları tərəfindən görülmüş tədbirlərlə həmin taksinin tapılaraq mobil telefonunun özünə qaytarıldığını qeyd edir.

A.Emirli müraciətinə dərhal reaksiya verildiyinə və görülmüş operativ tədbirlərə görə Binəqədi Rayon Polis İdarəsinin və 5-ci Polis Bölməsinin əməkdaşlarına təşəkkürünü bildirir.

Bakı şəhər sakini Hikmət Zəkiyev DİN-ə ünvanladığı məktubunda sentyabrın 13-də Bakı-Quba yolunda sürət həddini aşması ilə bağlı ona tərtib olunmuş protokolla bağlı məlumatı tez əldə etdiyi üçün minnətdarlığını bildirir.

Bakı şəhər sakini Fuad Əliyev məktubunda üzləşdiyi problemlə bağlı Daxili İşlər Nazirliyinə müraciət ediyini yazır. O, müraciətinə həssas yanaşıldığına və qısa müddətdə baxılaraq müsbət həll edildiyinə görə DİN rəhbərliyinə minnətdarlığını bildirir.